أعلانات السيارات على الأنترنت ما بين الأستهبال و الحقيقة !!!

**MaNoLa** · 05-07-2012 05:45 AM

أتخنقت أتنفخت و رفعولى الضغط

كل يوم بحكم الفراغ إلى أنا فيه بتفرج على كل الأعلانات (طالبة معايا عربيات اليومين دول)

يعنى تقدروا تقولوا من أول العجل لحد السكوترز و الريس و العربيات من أول السيات 133 لحد الهامر

كل شوية يا أما ألاقى أسعار عاليه جدا جدا جدا يعنى ممكن يكون العربيه اصلا بـ 60 ألف و ألاقيه عايز فيها 80 أو 90 ألف !!!

و مرة تانيه ألاقى عربيه تستاهل مثلا 40 ألف و ألاقى مكتوب 15 ألف !!!

المهم بقى أنا فكرت أخلى الموضوع دة موضوع متجدد كدة

تقدروا تقولوا زى لعبه

تابعوا الردود و أحكموا على كل رد سواء كان أستهبال ولا حقيقة

**MaNoLa** · 05-07-2012 06:02 AM

ألفا روميو 105 بس بيقول موديل 1995

لما بحثت كتيـــــر عن ألفا روميو 105
لقيتها بالشكل دة

طبعا الأعلان مكتوب فيه موديل 1995
مكانتش دى الحاجة الغريبه الوحيدة فى الأعلان لأ كانت الصورة كمان المحطوطة تضحك

طيب و النبى أية علاقة دى بدى ؟

و فى الأخر مكتوب السعر 12 ألف جنيه

دا اللينك
http://www.carsdir.com/cardetails.asp?carid=69672

**أحمد الجندى** · 05-07-2012 08:20 AM

هى جت على الصورة يعنى ما العربية فى التفاصيل كاتب انها 20000 سى سى وماشية 1000 كيلو !

**MaNoLa** · 05-07-2012 08:51 AM

المشاركة الأصلية كتبت بواسطة أحمد الجندى

هى جت على الصورة يعنى ما العربية فى التفاصيل كاتب انها 20000 سى سى وماشية 1000 كيلو !

تصدق عندك قوة ملاحظة جامدة أوى و ميرسى جدا
20 ألف سى سى ههههههههههههههههههههههههه ههههههههههههه
دا القطر نفسه ميعملهاش
و يتهئ لى موضوع الألف كيلو دة ممكن أكون مشيتهم على رجلى

**amrelsaqqa** · 05-07-2012 10:44 AM

لما تلاقى واحد عارض عربيته الفيرنا موديل 2009 مثلا بسعر اقل من الزيرو موديل السنة ب3 الاف بس ، يقولك اصل فيها كاسيت مش عارف ايه !

**MaNoLa** · 05-07-2012 11:32 AM

المشاركة الأصلية كتبت بواسطة amrelsaqqa

لما تلاقى واحد عارض عربيته الفيرنا موديل 2009 مثلا بسعر اقل من الزيرو موديل السنة ب3 الاف بس ، يقولك اصل فيها كاسيت مش عارف ايه !

طيب ما ياخد الكاسيت معاه و يخلى سعرها طبيعى
بس ممكن تفرق بقى الكاسيت فابريكة ولا راشش دواخل
والله الناس دى مجانين و لاقيين المجانين إلى زيهم و بيصدقوهم

**aboomar22** · 05-07-2012 12:41 PM

اللى بيحط سعر اقل من القيمة ده بيبقى تاجر ومعندوش العربية اصلا انا مرة حصل معايا واحد حاطط اعلان عن عربية 128 موديل التسعينات وفابريكة وبسعر قليل قوى المهم اتصلت وسالت على العربية ايوه ياباشا فابريكة وزجاج كهرباء لونها احمر دم غزال ايوه جنوط اسبور ولما رحت المعرض اشوفها قالى دى لسه متباعة لكن هجبلك احسن منها المهم وانا منتظر بقولك يابيه تاخد هوندا سيفك 78 اقوله لا طيب تاخد سميكا كنت اول مرة اعرف ان فيه عربية اسمها سميكا وكانت بصراحة نورماندى 2 المهم قلت اخرج اقف فى الهوا لقية واقف بره المعرض وكل عربية تعدى يقوله بايع ويجىيقولى تشترى مش عارف ايه

**amrelsaqqa** · 05-07-2012 06:01 PM

http://www.c o n t a c tcars.com/UsedCars_Profile.asp?CarID=873879

( شيل المسافات من كلمة كونتاكت )

دى فيرنا 2011 ب40 الف بس :D

وال ايه عشان عنده ظروف ومسافر

**bode_mw_2005** · 05-07-2012 10:47 PM

والله عندك حق تبقى عربيه تبقى العربيه تمنها بالكتير 29 الف او 30 بالكتير وتلاقيه كاتبلك عليها 42 الف ولما تكلمه يطلع معاه كمان توكيل يعنى تاجر من الاخر :d

دا غير بقى اللى بيقولك فبرييييكه دواخل وتروح تلاقى العربيه راشه حوض ولما تزنقه يقولك هى فبريكه دواخل كلها ما عدا الحوض على اعتبار ان الحوض ده جزء من الشارع مش من العربيه :d

**saladin911** · 06-07-2012 03:03 AM

انا بقالى حوالى شهرين بدور وببص على سيفيك 92-2000 ووالله انا من النوع اللى بيتقرف قوى من النصب وببقى عايز ارجع لما اشوف اسواق السيارات فى الحقيقة....

المهم لما اتعلمت موضوع كونتكت وشوفت كمية العربيات اللى بتتباع اونلاين اتبسطت وقعدت اتباع واتفرج يوميا فى ك ونتكت و فبريكة ودو بيزل ... والله يا جدعان كونتكت ده فيه 15% تفريبا عربيات يتبص عليها الباقى واحد من الحالات ديه
1- عربية مشمومة وتاجر نصاب ملمعها وفردها وتشوفها تقول اللهههههه! وتبص تلاقيها رخصية بصورة غريبة... يعنى سيفيك 1992 مفيهاش عيب و1600 سى سى .. صحابها بيبعوها لو بيتى فى حدود 44 الف...... ازاى بقى هو اعلانه "طبعا مكتوب بطريقة تجار.. وجايز لو شفت نمرته تلاقيها فى جوجل متكررة كتير"

2- واحد عبيط او تاجر نصاب والعربية فعلا حالتها كويسة وطالب سعر خيالى .. يعنى نفس السيفيك اللى فوق ديه بس معتنى بيها فعلا تلاقيها نطت فى الخمسينات!!!!

3- واحد عبيط حاطط فى العربية حوالى 15-20 الف جنيه اكسسوارات على ذوقه الشخصى.. ويبيع العربية وعايز سعرهم!!!! لدرجة ان العربية تمنها يبقى برة حدود المستخدم وقريب من الجديد.

4- واحد عادى عايز يبيع وسعر العربية فى حدود المعقول "وده نادر قوى!!!"

للاسف التجار بيشتروا كتير قوى لان بشوف كم العربيات السيفيك اللى بتتباع اغلبها تجار!!!!!

والله العظيم انا قرفان جدا من النفاق اللى فى البلد ديه.. شعب مليان نفاق ونغمات المحمول مع المناظر ديه حتلاقيها قران كريم او نشيد اغيب لمشارى راشد!!!! سوق قايم على السحت للاسف فى عربيات مستهلكة تعبانة

امتى بقى يفرجوها علينا ويفتحوا استيراد المستحدم ونظام لاعدام القديم!!!

الموضوع: أعلانات السيارات على الأنترنت ما بين الأستهبال و الحقيقة !!!

LinkBack

أدوات الموضوع

عرض

أعلانات السيارات على الأنترنت ما بين الأستهبال و الحقيقة !!! - انشر الموضوع فى :

-

-

-

-

-

المواضيع المتشابهه

الحقيقة كما هى لا اريد تزيف الحقيقة

الحقيقة في زيوت السيارات .. و وفر فلوسك

أشاره روكسى بتصور حتى لو الأشاره فاتحه دا قمه الأستهبال

أعلانات نيو أكسنت

ماهو سبب كل هذا الكم من أعلانات السيارات ؟؟

الكلمات الدلالية لهذا الموضوع

المفضلات

المفضلات

ضوابط المشاركة