ليه الصني خرجت من فئة اللانسر و الالنترا و نزلت لفئة الاكسنت و الهوندا سيتي و الريو ؟

**mody3on** · 07-07-2012 10:02 PM

المشاركة الأصلية كتبت بواسطة tutankhamoun

الصني سيارة ممتازة و أكثر من ممتازة

اللي شايف أن التقفيل المصري وحش ......... عمره ما هايقتنع أن العربية الصني حلوة و هايدخل العربية يطلعلها القطط الفاطسة ........ لو لقى الكلام ده في عربية ياباني ..... أو كوري أو أي عربية مستوردة ما عدا الصيني ....... هايطلع مليون عُذر للعربية و للمصنع .

دي حالات نفسية و صعب تغييرها .
إنما العربية حلوة جدا في كل شئ .

بالنسبة للفئة
هو ليه حضرتك شايف أنها نزلت لفئة أقل ؟؟؟
العملية مش بتتقاس ب 100 سي سي قلوا من الموتور ....... أو فرق السعر .

الموضوع قياسا يجب أن يكون أحجام سيارات ....... و فرق السعر و حجم الموتور ..... نقطتين مقارنة .

يعني مثلا
السيتي 1500 سي سي ....... و الصني الجديدة 1500 سي سي و لكن
قوة المواتير كعزم و حصان قريبين جدا من مواتير 1600 سي سي .

طيب تعالى أديك مثال

العربية الهيونداي الجيتز ....... موتورها 1600
و لكن هي في فئة البونتو و البولو علشان حجمها صغير (فئة السيارات الصغيرة )

إنما الصني مازالت في فئة السيارات متوسطة الحجم و دي في السوق المصري كالتالي :

الصني - شيري اسبرانزا 565 - فيرنا - النترا - سيراتو - جين 2 - برسونا - واجا - كورولا - سيفيك - فيات لينيا ............... الخ
كل العربيات دي و أغلب اللي موجود في السوق المصري هو فئة واحد حجما
الأختلافات بقى بترجع لحاجات تانية منها ما هو حقيقي و منها وأغلبه ما هو نفسي .

و اللي معاه صني ........ يستمتع لأنها سيارة ممتازة .
و اللي معاه أي عربية تانية ربنا يباركله فيها .

اولا الصني اصلا subcompact مش عشان واسعة من جوة تبقى فئة اعلى
لا هي فئة اقل ومش بتنافس الكورولا والالنترا لا بتنافس الياريس والاكسنت
والعملية مش عملية سعة موتور , ما الباسات 1400 اهي تبقى فئة الصني او اقل ؟
وبعدين ايه دخل الفيرنا بالسيراتو والالنترا والسيفيك ؟ الفيرنا دي اصلا جيل قديم من الاكسنت وعربية عفى عليها الزمن

**MITSUKERO** · 08-07-2012 04:08 PM

المشاركة الأصلية كتبت بواسطة cryptonx

كلام سليم ..

ياجماعة !
انتم بتردوا في نقطة تانية خالص !!!

الراجل مش بيقول ان العربية بقت وحشة ! ولا مستواها اقل ولا اي حاجة ! ياريت نبطل نبرة الدفاع دي وخلاص !

الراجل بيتكلم عن تغيير الفئة .. من compact الى sub-compact
وده على فكر بيحصل كتير اوي بالذات في الياباني ..

لو نفتكر الدايهاتسو الشاريد charade مثلا كانت قد اي لما نلزت زمان ؟ بقت تقريبا اصغر سيارة عن دايهاتوس دلوقتي ..

الكولت ؟ كانت زي الجولف تقريبا ... بقت زي البولو دلوقتي ...

بس نيسان عندهم المنطقة دي عك شوية ليه ..
الصني مش منتج عالمي ... بمعنى (قبل ماحد يقولي انا بقلل منها ! ) انها لاسواق معينة مبتنزلش في كل حتة .. يعني في بعض الدول بتنزل صني .. و مكانها في بعض الدول التانية كانت بتنزل بلوبيرد ... و في بعض الدول كانت سلفي ... و في امريكا مثلا الفئة دي كانت فيها النيسان سينترا .. و هكذا ... و في نفس الوقت التيدا فيها لعب كبير :)

ازاي ؟ التيدا بتصنف ساعات كتير انها زي الانسر و السيراتو و الكورولا .. بينما في الواقع شاسيه التيدا و تصنفيها انها sub-compact يعني زيها زي الياريس و السيتي مثلا .. بس تصميم نيسان الناجح جدا في استغلال المساحات في راي مديها ابعاد داخلية تقارن بسيارات الفئة الاكبر ! و في نفس الوقت بسعر اقل بكثير نسبيا ! فبقت cross بين الفئة الصغيرة و الكبيرة ..

فاعتقد السنة دي نيسان صلحت مشكلة التعدد الي في كل حتة !!
فحينزلوا الصني فئة لتحت في الحجم ... ويطلعوا التيدا فئة واحدة صريحة لفوق ..
والدليل .. انا التيدا في امريكا كان اسمها فرسا ....
الصني بتاعتنا نزلت انها فرسا هناك ! وبرده في امريكا تعتبر ارخص سيارة سيدان صغيرة هناك !

بس ياريت تبقى التيدا الجديدة مبنية على قاعدة جديدة خاصة بالفئة الاعلى "حجما" علشان هي شكلا ة تحفة فنية بصراحة .

بالنسبة للمقارنة بين الصني و السيتي والريو و الاكسنت الصني مبعجرة و من جوة فقيرة لكن بصراحة صفقة ممتازة سعريا و حجميا في الفئة دي (خصوصا مواصفات الامان) .. ماشي الريو الجديدة احلى الف مرة شكلا من جوة و من برة و خامات و محرك و كل حاجة .. بس علشان تتملك ريو بالكماليات الكاملة حتفدع 120 الف جنيه .. بينما الصني ب 100 الف فقط ! و اسمها نيسان (ودي بترن اكثر في ودن المصريين عن كيا) !
نيجي للسيتي .. للاسف المقارنة برده شبه محسومة للنيسان بسبب فرق السعر ! 28 الف جنيه ! لكن لا تتخيل لوهلة ان الصني افضل كاداء مثلا او كسواقة عن سيارة هوندا ..

بس بصيلها لصفقة متكاملة هي رابحة ..
انا شايف ان نيسان ضربت ضربة معلم بالصني .. وعملت زي حركات هيونداي و كيا .. وضربتهم تحت الحزام كمان ..

هل هي سيارة لكل الاذواق ؟ لأ .. انا شخصيا حشتري الريو لو بفكر في الفئة دي .. بس لو معييش الا 100 الف ... بدون فتكير حجيب الصني ! حتى لو شكلها مش عاجبني .

بس خلاص :)

ده الرد اللي انا مستنيه من الاول

بغض النظر علي ان لو الواحد بيبص في الفئة دي يشتري ريو لاني مش بحب العربيات الكوري بس باقي الرد تحفة

**limo81** · 10-07-2012 12:12 AM

المشاركة الأصلية كتبت بواسطة mitsukero

ده الرد اللي انا مستنيه من الاول

بغض النظر علي ان لو الواحد بيبص في الفئة دي يشتري ريو لاني مش بحب العربيات الكوري بس باقي الرد تحفة

+1111111111

**CryptonX** · 10-07-2012 11:12 AM

المشاركة الأصلية كتبت بواسطة mitsukero

ده الرد اللي انا مستنيه من الاول

بغض النظر علي ان لو الواحد بيبص في الفئة دي يشتري ريو لاني مش بحب العربيات الكوري بس باقي الرد تحفة

الله يكرمك ياباشا .. بص مش علشان انا راكب كوري ولا حاجة .. بس انا بطلت ابص لمنطق الصناعة ده في كل حاجة .. انا دلوقتي بشوف معايا كام و حعيش بكام و حركب بكام :) تيجي بقى كوري .. تيجي الماني .. تيجي مصري .. اهلا وسهلا :)