الموضوع: كرولا ليه - كريم منير

المشاركة الأصلية كتبت بواسطة hazem_khidr

حمد الله علي سلامتك يا باشا و ربنا يحميهالك....
بالمناسبه دي بقي عاوز عزومه حلوه علي الغدا مش حتراجع

الله يسلمك يا حزوووم وتسلم علي المكالمة الغالية في المصيف
وعن الغدا انت تؤمر بس تجيب المشلتت معاك وانا عليا البطيخ :lol: :lol:

المشاركة الأصلية كتبت بواسطة mbluethunder7000

حمد الله على السلامه يا كيمو يارب تيكون أتبسط في الرحله

ماتنساش تجيب تويتا بريموت كنترول لكنزي

الله يسلمك يا لول يا ريت تبقي تطلع دي تحفة-اما عن الكرولا ام ريموت ايدك علي خمس بواكي يادوب عشان العلامة :D

المشاركة الأصلية كتبت بواسطة memo_hefnawy

نورتنا يا كريم :) مصر كانت مضلمة من غيرك :)

تسلم يا حودة دي منورة بيكم يا حبي

المشاركة الأصلية كتبت بواسطة h_hezzah

حمد الله عالسلامة يا كيمو ومبروك مرة تانية

الكاسيت الغبي بتاع تويوتا اللي مش مخليني عارف اركب السي دي بتاعي عشان حجمة الكبير ولو شلتة هايفضل مكان فاضي ومقضيها بامبثري وشريط من اللي ب 8 جنية
تخيلو بعد السي دي ال ALPIN اسمع امبثري بلاير

بص الكاسيتات كلها مقاسها ستاندارد
اما DIN الى هو المقاس العادى اللى متعودين عليه، او Double DIN الى هو غالبا عندك.
فعندك حلين:
اما انك تشترى كاسيت DoubleDIN ودول موجودين بس الاختيارات فيهم بتبقى اقل شوية من الDIN واغلى حبة.
بيكونوا غالبا كاسيت وراديو وسى دى MP3.
الحل التانى انك تسأل فى التوكيل على Frame اللى بيحول الDouble DIN الى DIN .
بيكون نفس فكرة ده


انا ماعرفش فيه منه للكورولا ولا لأ، بس انا شفته فى مركات كتير منها مثلا الدايهاتسو
اللى بتنزل بكاسيت اصلى بيكون DoubleDIN واللى فيها كاسيت Clarion المصرى بتكون جايه من بلدها بالادبتر اللى بقولك عليه والتوكيل مركب فيها كاسيت عادى هنا وفيه تحته خانة فاضية لوضع الحاجات.

اتمنى انى اكون قلت حاجة جديده
هو الكاسيت اللى راكب عندك ده غالبا

حازم باشا تسلم علي المعلومة الغالية
انا فعلا نزلت الحرفيين النهاردة لقيت دن فاضي(علبة) تركب مكان الكاسيت بس مالقيتش فرام ولما لقيت لقيتة عايز يدني فيهم كاسيت وسي دي اوديو
بيشتغلني يعني
قالولي اتعب شوية وهاتلاقي ان شاء الله
تسلم يا باشا علي المعلومة ودي فعلا صورة اللي عندي

المشاركة الأصلية كتبت بواسطة PAYOO

بصراحة أختيار موفق يا "كيمو" وربنا يبارك لك فيها يارب

لكن إن جيت للحق أنا أول ما شوفت عربيتك مافيهاش زجاج كهرباء قولت نفس الكلمه دي إللي انت قولتها "يعني أركب عربيه بـ100ألف جنيه ومافيهاش زجاج كهرباء ؟

لكن طالما هاتركبه في التوكيل يبقى خلاص براءه

وربنا يبارك لك فيها

تسلم يا هاني باشا وعقبالك تجيب كامري بقي
ولا لاند كروزر

المشاركة الأصلية كتبت بواسطة Mo3taz Selim

حمدا لله على سلامتك يا كيمو ... يا رب تكون أتبسطت فى الأجازه انت و الأسره الكريمه
مليون مبروك يا باشا على السياره الجديده و يارب تسعد بها دائما ....
و نورت المنتدى من جديد و فى أنتظار مشاركاتك الرائعه القيمه

معتز باشا فعلا اجازة رائعة ومن غير انترنت :lol: :lol:
حمدالله علي سلامتك انت وتقبل الله عمرتك وعقبال الحج بقي وتاخدنا في ديلك

المشاركة الأصلية كتبت بواسطة memoo_1st

الف مبروك يا كيمو على العربيه الجديده وربنا يديلك خيرها و يبعد عنك شرها
واختيار موفق

الله يبارك فيك وشكرا يا حبي وعقبالك بافنسيس بقي

المشاركة الأصلية كتبت بواسطة وائل عطية

ألف مبروك يا كريم وربنا يباركلك فيها ويبعد عنك كل شر وحمدا لله على سلامتك ونورتنا من جديد
بالمناسبة هي العربية لونها إيه؟
بس لا تنازل عن الزجاج الكهرباء :lol:

الله يبارك فيك يا وائل وحمدالله علي سلامة ابنك شفاه الله وعفاه
هيا لونها فضي وطبعا لا تنازل عن الزجاج الكهرباء
ده المانيوال معقدني

المشاركة الأصلية كتبت بواسطة labbody

أنا عمال أقول هى مصر منورة لية لية لية يا يالبودى أتضح أن الباشا / كريم منير وصل
و الف مبروك على الكرولا و حمد لله بالسلامة :lol:

الله يبارك فيك يا لبودي وتسلم علي المشاكرة الجميلة دي يا حبي

المشاركة الأصلية كتبت بواسطة Abdallah

حمدالله على السلام يا كريم, وحشتنا والله يا اخى...
من رأى جنوط 15 هتبقى ممتازة ومش هتحس بأى شىء فى العفشة انما اكتر من كدة هيبقا كتير اوى فى وجهة نظرى , بالنسبة للسوست اتقل عليهم شوية لان اسعارهم هتنزل المفروض على اول الشتا ولو ليك حد جاى من برة ممكن يجيبهوملك من برة افضل لان معظم الموجود هنا صناعة الصين ...
لاحظ برضة ان العفشة الكونى بتثبت العربية لانها بتوطيها, بمعنى انك هتجيب 190 والعربية مش هتتهز ولكن هتاكل خبطات جامدة من تحت وخاصة فى مطبات المحروسة , يعنى انا شايف انه كفاية موضوع جنوط 15 نضيفة مع كاوتش بريدجستون سرعات 195/50 عشان برضة متحسش ان العفشة بقت ناشفة, والافضل لو جبت جنوط خفيفة عشان متأثرش على الموتور, هيا طبعا هتبقى اغلى شوية بس بتشترى دماغك.

انا شوفت 16 النهاردة علي R55 تحفة وراكبين بقالهم 3 سنين علي عفشتها الاصلية وزي الفل
اما السوست اللي ب 1600 دول مش صيني ومش بيوطا العربية بل نفس الارتفاع بس بينشفوا شوية مش طريين زي الاصليين ومعاك حق كلة هايبقي علي جسم الركاب
بس في كل الاحوال بعد ماخلص الكاوتش ال تويو اللي فيه لانهم ZR ودول مش بينزلو مصر خالص
تسلم علي مكالمتك الغالية

المشاركة الأصلية كتبت بواسطة mohamed yousry

مبروووووووووووووووووووووو ووووووووووووووووووووووووو وووووووووووووووك
وحمد الله على السلامة ...ونورت المنتدى.................................... .........................


بس ازاى ؟؟؟؟؟؟؟؟

التسارع مش اد كدة ماتحسش بعافية الموتور ولا الاغراء بالجري زي اليرو

انت بتتكلم على التويوتا؟؟؟؟ هى كام سىسى 1300 ولا 1600

طبعا عفي وحلو بس الريو احلي فعلا
هيا طبعا 1300
ياعم احنا مش اد 1600

المشاركة الأصلية كتبت بواسطة معاذ الشرباصى

كريم باشا, حمدا لله على سلامتك و مصر نورت

احب احييك على الجملة دى, علشان انا مقتنع بها تماما, و دى بتبقى سبب خلافى مع ناس كتير :mrgreen:

وطبعا كانت فرصة رائعة لتليين الكرولا وان كنت اشك انها بحاجة الي تلييين

الله يسلمك يا معاذ
هيا فعلا انا كمان مقتنع بيها خاصة في العربيات المستوردة
والكلام ده سمعته من توكيل كيا وفيهم مهندسين محترمين سافرو هناك وقالولي الكلام ده
وسمعتة تاني من ناس متخصصة استيراد قطع غيار تويوتا-وبيوردا للتوكيل كمان-عرفة جابر شخصيا ولو تسمعوا عنه

المشاركة الأصلية كتبت بواسطة bassam nagy

حمد اللة على السلامة وربنا يباركللك فيها

شكرا ليك يا بسام
الله يسلمك

المشاركة الأصلية كتبت بواسطة fahd_628

الف مبروووووك و حمد لله على السلامة

و فعلا اختيار موفق جدا

شكرا كتير ليك يا فهد

المشاركة الأصلية كتبت بواسطة sharky

السلام عليكم

أولا حمدلله على السلامة
ثانيا إختيار موفق و مبروك إنضمامك لنادى تويوتا

على فكرة يا باشا تخيل إن الأوبشن دا هو اللى خلانى ماجبهاش و أجيب الياريس الأتوماتيك الفول الأوبشن علشان الأوبشن الزيادة اللى فيها :D

هو فعلا يضايق بس طالما مش في باور ولا تكييف تبقي بسيطة
اي حاجة جوة الصالون بسيطة
اي حاجة في الحوض لاءءءءءءءءءءءءءءء

بس الكرولا اكبر
اكيد احتياجاتي غيرك طبعا


شكرا لكل ردودكم يا جماعة

عن تجربة النعومة كان ليا واحد صاحبي معاه كرولا 92 اول الشكل بتاع 93 تكييف بس من غير باور
اول يد من الزيرو لحد 2005 عملت حادثة جامدة والحمد لله طلع سليم بس بقت خردة
المهم والده اعطى له نيسان 2000 بتاعته والنيسان فول اوبشن مانيوال
الاتنين ياباني
الاتنين موتور واحد مع فارق التكنلوجيا بحكم السنين للصني
الصني والده كان رافعها 5 سنين عشان كان في الخليج
لما بقولوة اخبار النيسان ايه
قالي ولا واحد من 10 من ايام الكرولا
قولتلوه اللي بقالها 13 سنة والنيسان كسر زيرو
قاللي ولا يوم من ايام الكرولا
مش هاقول اكتر من كدة
اما عن الامبريزا تعتبر تحفة بس مش بحب احط رقبتي تحت رقبة التوكيل
اما توكيل التويوتا ده عشان تغير زيت وفلتر تحجز قبلها ب 20 يوم وده عن سؤال
-------------
اما سؤال احمد اسماعيل عن السيفك
عربية جامدة وحلوة بس مش بحسها معمرة
مش عن سوء تقفيل
بس عشان عربية راليات فتحسها بيتقرص عليها قوي
لكن لو حافظت عليه انساها
مع واحد زميلي في الشغل من 84 اول يد اتوماتيك
او سنة من سنتين يغيرلها فتيس ويشد موتور
بعد 21 سنة

ربنا يوفقك ومرسي لذوقك وتخلص اللي وراك علي خير