-------- الحمد الله الي كنت خايف منه حصل وطار وانا ماشي ومفيش فرامل ......!!!

**S O P H O S** · 06-07-2012 03:22 AM

بسم الله الرحمن الرحيم

الحمد الله استكمالا لموضوع التخبيط الي قدام
وانا ماشي انهاردة بجرب العربية فجأة الصوت زاد
وسمعت صوت حاجة بتفك من العجل وقام تيل الفرامل طار فنص الطريق
المهم جيت ادوس فرامل الدواسه بقت ناعمة اوي ومفيش فرامل يعتبر
الحمد الله وقفت وجبت التيل من نص الطريق

بعدين طبعا مفيش فرامل وماشي بالهاند والهاند كمان للتهدئة فقط
معرفش ليه بقي ضعيف كده
وبعد شوية لمبة الهاند نورت فالعدادات مع اني مش رفعه
وحاولت لكن بدون اي فائدة منورة بردوا ده غير اني وانا بدخلها الجراج
لقيت زيت واقع اظن الباكم وبالمناسبة الصوت مازال موجود
وربنا يستر والطانبير والحاجات التانية متكنش باظت
ودي شوية صور تاني للافادة

______________

طبعا ده نتيجة التأخر فالتصليح والاهمال للتيل الفرامل فياريت نصيحة محدش ينسي التيل زي ما ميدو قال ..
دلوقتي بقي في كذا سؤال فدماغي التيل خرج نصه فقط ازاي يخرج اساسا ويطير فالطريق..
-- ثانيا ليه التيل لما طار الفرامل كلها سابت حتي الهاند بقي ضعيف جدا
و___ هل هيكون في اثار جانبية للي حصل (ربنا يستر)

وياريت فين شارع دمشق بالمرة واروح للعالمية الي بتشكروا فيه
هل قرب المهندسين ... وهو افضل محل لقطع الغيار الاصلية

ياريت الموضوع يكون تذكرة للناس
علشان يخدوا بالهم
والحمد الله علي كل شئ
تحياتي

**me_medoo** · 06-07-2012 03:44 AM

يانهر ازرق الحمدالله ربنا ستر قدر ولطف
ايه ياحمد ده ... ده تيل الفرامل يعتبر معدوم وجاب جاز .... الحمدالله ان ربنا نجاك وسلمك يا عزيزي انا افتكرتك بتعملها الصيانة اول باول زيي وزي الدكتور احمد كده شارع دمشق ياغالي في مصر الجديدة ناحية ميدان روكسي كده لو تحب ممكن يوم السبت اروح معاك وخلي العربية مكانها ونروح سوى ونشوف ايه حكايتها. ... والتيل طار من مكانوا نتيجة انو محجر وانتهى تاريخ صلاحيتو من زمان وانتا دايس عليه يامشالله عالله طنابير الفرامل تكون سليمة وميكنش حصلها حاجة. علشان متخشش في ال ١٥٠٠ جنيه طنابير مهلاش لازمة. بس عامة الحمدالله عرفناالمشكلة فييين. وانشاء الله بمجرد ما تنحل هترجع العربية زي الفل. وتحس بطعم الكورولة الناعمه مش الكورولا الخشنة وحمدالله على السلامة كمان مره يا غالي

**koshary** · 06-07-2012 04:10 AM

ياعم الحاج ماحنا قولنالك الحق نفسك انت لازم تستنى لما تحصل حاجه زى كدا احمد ربنا انك عرفت تقف الحمد لله انت ربنا بيحبك شارع دمشق ده اول ماتوصل ميدان روكسى هتاخد الاتجاه اللى رايح على النزهة اول ماتعدى الاشارة هتلاقى بنزينة على ايدك الشمال هتدخل تانى شارع على نفس صف البنزينة طبعا لو رايح بالعربيه هتلف من قدام وترجع تانى ولو على رجلك هتدخل تانى شارع شمال بعد البنزينة

**SYD** · 06-07-2012 04:11 AM

الف حمدلله علي سلامتك

**BUNSH** · 06-07-2012 04:33 AM

حمدلله على سلامتك .. وربنا ستر انها جت على قد كدة .

**S O P H O S** · 06-07-2012 06:02 AM

المشاركة الأصلية كتبت بواسطة koshary

ياعم الحاج ماحنا قولنالك الحق نفسك انت لازم تستنى لما تحصل حاجه زى كدا احمد ربنا انك عرفت تقف الحمد لله انت ربنا بيحبك شارع دمشق ده اول ماتوصل ميدان روكسى هتاخد الاتجاه اللى رايح على النزهة اول ماتعدى الاشارة هتلاقى بنزينة على ايدك الشمال هتدخل تانى شارع على نفس صف البنزينة طبعا لو رايح بالعربيه هتلف من قدام وترجع تانى ولو على رجلك هتدخل تانى شارع شمال بعد البنزينة

ربنا يخليك يا كشري علي الوصف
وعندك حق بس صدقني كل حاجة جت بسرعة انا من ساعة ما عملت موضوع الصوت بتاع التخبيط
وانا مطلعتش بيها ويوم ما قولت اجرب اشوف حصل كده الحمد الله
ودي نتيجة تكبير الدماغ عندك حق
وان شاء الله خير ..

**S O P H O S** · 06-07-2012 06:04 AM

المشاركة الأصلية كتبت بواسطة syd

الف حمدلله علي سلامتك

ربنا يكرمك يا أ. سيد
اشكرك علي كلماتك الطيبة ..

**S O P H O S** · 06-07-2012 06:06 AM

المشاركة الأصلية كتبت بواسطة bunsh_fox

حمدلله على سلامتك .. وربنا ستر انها جت على قد كدة .

ربنا يخليك يا بنش
وفعلا الحمد الله ان ربنا ستر برحمته ..

الموضوع: -------- الحمد الله الي كنت خايف منه حصل وطار وانا ماشي ومفيش فرامل ......!!!

LinkBack

أدوات الموضوع

عرض

-

-

-

-

المواضيع المتشابهه

انا ماشي وانا خايف بالعربيه الاوبترا

انا ماشي وانا خايف بالعربيه الاوبترا

الحمد لله السوسته الاماميه اتكسرت وانا ماشي

صوت صفارة لما بدوس فرامل وانا ماشي براحة

يا جماعه انا ماشي وانا خايف حد يساعدني في مشكلتي

الكلمات الدلالية لهذا الموضوع

المفضلات

المفضلات

ضوابط المشاركة