-------- الحمد الله الي كنت خايف منه حصل وطار وانا ماشي ومفيش فرامل ......!!!

**S O P H O S** · 07-07-2012 05:11 AM

المشاركة الأصلية كتبت بواسطة yoko

لو 128 موديل 70 لما التيل يكون قرب يخلص هتلاقيه بيسفر (سفارة مع الفرامل مش تنبيه في التابلوه أو الكلام ده)

ايوة الصفارة الخاريجية دي طبيعي ولوني فحالتي الصوت مكملش يومين بداء وبعدين حصل كده
بس انا فاكر ميدو يقصد صوت تحذيري فالتبلوه
فأستغربت ..

**sas5** · 08-07-2012 11:50 AM

حمدلله على سلامتك

**S O P H O S** · 08-07-2012 12:16 PM

المشاركة الأصلية كتبت بواسطة sas5

حمدلله على سلامتك

الله يسلمك يا باشا ..

**wwaeel** · 08-07-2012 12:26 PM

يا جماعه خدو بالكو كويس الكورولا لما التيل بيخلص وانت بتنسي تغيره بيفلت من الطنبوره ويطير وطبعا لما التيل بيطير البيستم بيخرج من مكانه بتاع ماستر الفرامل الي في العجل وبيسرب الزيت ومبيكونش في فرامل ساعتها خالص في العربيه ناس كتير عملت حوادث ولبست في الي قدمها بسبب هروب التيل لازم يكون فيه علي الاقل 3 ملي متبقي من التيل وتغيره متستناش عليه لما يخلص خالص

**S O P H O S** · 08-07-2012 12:32 PM

المشاركة الأصلية كتبت بواسطة wwaeel

يا جماعه خدو بالكو كويس الكورولا لما التيل بيخلص وانت بتنسي تغيره بيفلت من الطنبوره ويطير وطبعا لما التيل بيطير البيستم بيخرج من مكانه بتاع ماستر الفرامل الي في العجل وبيسرب الزيت ومبيكونش في فرامل ساعتها خالص في العربيه ناس كتير عملت حوادث ولبست في الي قدمها بسبب هروب التيل لازم يكون فيه علي الاقل 3 ملي متبقي من التيل وتغيره متستناش عليه لما يخلص خالص

والله يا باشا عندك حق وده الي حصل
علشان كده ياريت الناس تاخد بالها كويس من التيل
لانه اول ما طار من العجل مبقاش في فرامل يعتبر وكل ده حصل فلحظة
ربنا يستر طريق الناس جميعا ..

**me_medoo** · 08-07-2012 12:48 PM

ها يا احمد يا حبيبي مقلتلناش عملت ايه ووصلت لغايت فين

**S O P H O S** · 08-07-2012 02:01 PM

المشاركة الأصلية كتبت بواسطة me_medoo

ها يا احمد يا حبيبي مقلتلناش عملت ايه ووصلت لغايت فين

انت تأمر يا باشا ..
الحمد الله علي كل شئ
التيل باظ بالطبع
وكمان الطنابير مع الف سلامة
والحمد الله طبعا
ودي شوية صور للافادة الاخوة الكرام : ..

_______________

طبعا واضح من الحالة ان الطنبورة الشمال بالاخص الي طار منها التيل
هي الاكثر ضررا وبالطبع التيل التالف اثر عليها بالسلب الي اقصي درجة من الريجة والموجة والاخري فاليمين كانت بحالة عادية وايضا تيل العجلة اليمين كان طبيعي ولكن ليس بالجيد
تم تغير الطنابير والتيل وبطنابير ايطالي وتيل اسباني رميسا تقريبا علي ما اتذكر
والحمد الله علي كل شئ
وفي انتظار التجربة لاني مكنش في فرصة كبيرة للتجربة وان شاء الله خير ..
تحياتي وشكري للاخوة الكرام علي مساهمتهم فالمساعدة بالموضوع
واتمني يكون تذكرة لجميع الاخوة وعدم الاهمال فالصيانة وتغير التيل ..

تحياتي