اللون الجديد للكورولا 2013

**Mohamed Elnagar** · 07-07-2012 01:19 PM

افشل عربيه ركبتها في حياتي بيقولوا عليها ياباني هي الشارك 1600كمان ولا تقارن مع الكورولا نهائي

**MohammedAladel** · 07-07-2012 03:30 PM

إيه العيوب ؟؟

**MohammedAladel** · 07-07-2012 03:31 PM

وحضرتك مش شايف إن الكورولا سعرها مش مناسب لشكلها وكمالياتها وموتورها ؟؟؟ إنت بتدفعلك على الأقل 40 ألف عشان شعبية العربية دى

**mr_sameh** · 07-07-2012 06:23 PM

التويوتا عربيه مضمونه

**Mohamed Elnagar** · 07-07-2012 07:04 PM

انت تعرف ايه الكماليات اللي نازله 2013
-تكيف تاتش
-مثبت سرعه
-طاره مالتي
-نازله بشاشه وكاميرا
اانا هعوز ايه تاني

**MohammedAladel** · 07-07-2012 10:08 PM

لسة هتنزل بمثبت سرعة !!!!!!!!!!! حضرتك كل اللى بتقول عليه موجود أكتر منه فى الميجان 2005 هاى لاين وموجود فى الفلوانس والفوكاس والإمبريزا وبسعر منافس وطبعا كل العربيات اللى ذكرتهم ظلم ليهم إنى أقارنهم بالكورولا اللى لسة هتنزل بمثبت سرعة ويمكن يقولك ببتدأ من 190 ألف عشان اللون الجديد والمثبت دا فيها مثبت سرعة بحاله هههههههههههههه مقولتليش حضرتك إيه عيوب الشارك ؟ شكلها أحسن منا الكورولا موتورها حديث وجيد ثباتها كويس جدا على كلام كل الناس إيه بقى العيوب ؟

**MohammedAladel** · 07-07-2012 11:58 PM

المشاركة الأصلية كتبت بواسطة mr_sameh

التويوتا عربيه مضمونه

أكيد بس تقريبا كل الماركات مضمونة اليومين دول بس إحنا عامة بنتكلم فى إمكانيات مقابل السعر وللعلم فيه عضو هنا رفع قضية على تويوتا بسبب الفتيس وكسبها وخد متهيقلى والله أعلم مبلغ 100 ألف جنيه تعويض بحكم من المحكمة دا مش هيخلينى أقول إن تويوتا معيوبة ولا هقول إنها كانت بتسحب عربيات كتير ليها من السوق لكن الخطأ وارد إحنا بشر

**kholio** · 08-07-2012 08:48 AM

المشاركة الأصلية كتبت بواسطة toyota4arab

افشل عربيه ركبتها في حياتي بيقولوا عليها ياباني هي الشارك 1600كمان ولا تقارن مع الكورولا نهائي

بقا الشارك افشل عربية حضرتك ركبتها في حياتك ؟؟؟؟؟؟؟؟؟؟؟

عموما يا باشا العربية دي من احسن العربيات في فئتها بشهادة العالم كله ومن احسن موديلات ميتسوبيشي و كركوبة وشياكة وثبات وموتور 1600 مايفيك اجدع من اي كورولا اتعملت لغاية دلوقتي

**S O P H O S** · 08-07-2012 12:18 PM

فعلا لولا اختلاف الازواق
اكيد كل انسان معجب بعربية
الكورولا ممتازة جدا
ولكن الشارك بردوا عربية ترفع لها القبعة
مجرد راي فقط ..

**me_medoo** · 08-07-2012 12:43 PM

الشارك. اتفرج عليها من برة تعاله اركبها من جوه هيا هيا البومة والماتريل بتاعها مش قاد كده زي الكورولا وبعدين كل واحد ليه مدرسة بمعنى مينفعش تقنع واحد بتاع مستوبيشي بالتويوتا ولا ينفعش تقنع تويوتاوي بالمستوبيشي انا ممكن اركب مستوبيشي كبديل لتويوتا بس عمرك ماهتلاقي واحد يغير تويوتا علشان يركب مستوبيشي

الي يبيع التويوتا ويركب اي ماركة تانية يتعب جداً ماعدا المرسيدس والبي ام والنقطة التانية : بالنسبة لسعرها مش كتير عليها بالنسبة لاحتفاظها بمتنها واناقتها ومسكنها نفسها في السوق بعكس العربيات التانية وغير كده والاهم انها تويوتا

والحمدالله تويوتا مبتوزعش موترها لحد زي مستوبيشي كل عربية صيني بقه فيها متور مستوبيشي. ده حتى الهونداي. اول مابدئت راحت لشركة مستوبيشي وقعدو يترجوهم والنبي والنبي. ادونا متور من عندكم هههههههه

بالنسبة للون يا محمد باشا هو حلو وشيك بسم الله مشاء الله ونقدر نقول عليه لون الحرباية كده وهتبقى مميز اذا اشتريتها بس فكر فيما بعد الشراء بمعنى لو ركنتها في الشمس شوية فكر هل هيبان عليها الدواير والخرابيش فكر مثلاً هل لو حبيت ترش اي جزء من اجزاء العربية لا قدر الله. هل هتعرف تجيب نفس الدرجة ولا هتبان انا عن نفسي بفضل لونين الابيض زي الحمامة البيضة كده حمامت السلام او اللون الفضي زي لون قطعة الالمونيوم الجديدة بس الاهم والاهم مدام عاجبك توكل على الله وعلى بركت الله والمثل بيقولك هات واركب العربية الي تعجبك وألبس الي يعجب الناس هههههههههه

وبالتوفيق انشاء الله