استفسار بخصوص البيجو 405

**enternext** · 07-07-2012 08:22 AM

عايز اشتر عربية 405 ومعروض واحده 1800 سى سى وبيقول فبريكة كله موديل 96 بريستيج كاملة مانيوال عايز اعرف سعر العربية ولو فبريكة دواخل بس سعرها يبقى كام واذى اعرف ان المتور مش متغير من 1600 الى 1800 او من 2000 الى 1800واية اهم حاجات ابصل عليها وانا بشترى العربية لانى مليش فى البيجو خالص واى ملحوظات اخد بالى منها ولو حد يعرف بنزينة فيها bbc بتع كشف الدهان او اى حد يقدر يكشفلى عليها فى نطاق مصر الجديده او عين شمس او مدينة نصر
والف شكر

**enternext** · 12-07-2012 12:22 AM

اية يا شباب البيجو محدش جوب عليا

**benmatar** · 13-07-2012 09:57 AM

بيجو 405 عربية رائعة بمقاييس مختلفة، وحضرتك هتلاقي أكتر من موضوع من فرسان البيجو أو من حد زي حضرتك بيستفسر عنها وهتلاقي المفيد، أما بخصوص موتور 1800 وموتور 1400 وموتور 1900ديزل فميش ولا واحد منهم نزل مصر فابريقة، ولو لقيت كده إما يكون متركب أو عربية موافقة إستيرادية. كل المواتير الأصلي في مصر 1600 أو 2000
وأنصح حضرتك متتعبش نفسك وتركب حاجة مش هتلاقيلها قطع غيار للموتور، يعني لو رحت لمحل قطع غيار بيجو وسألته عن الحاجات بتاعت الموتور 1800 مش هتلاقي، وإنما حاجة 1600 منتشرة جدااااااااا
والدليل إن تجار الوكالة وبورسعيد بيبيعو موتور 1800 و1400 أرخص من موتور 1600 رغم إن 1800 أقوى، لأن الإقبال قليل.
وحضرتك ممكن تلاقي حاجة 1600 من 2004 وما قبلها بشرط الحالة الجيدة جدا والاستخدام الراقي عشان تحب بيجو
وعند حضرتك محطة بنزين كالتكس في ش عباس العقاد، كويسة في الكشف على الشاسيه
ومحطة بنزين التعاون اللي في مطار القاهرة هيكشفلك على كل حاجة في العربية
وطبعا أفضل مركز بيجو متخصص في مصر القديمة أحمد عمارة مش هيسيب مسمار في العربية
وبالتوفيق