أنا باتردد على ماكرو قليوب ..
دايماً لازم الكارت
وماشفتش فيه أبداً بهدلة كارفور.
وعلى فكرة فيه كل حاجة ولا يقل عن تنوع كارفور أبداً.
عرض للطباعة
هو اي فايدة. الكارت
بصراحة موضوع يفطس من الضحك برغم ما به من مآسي غير طبيعية ... وعلى فكرة كارفور مش كدة عشان خاطر رمضان بس ... ده بقى كدة طول العام كل يوم بالليل تقريبا أنا تقريبا كنت طريقي دايما من عنده وكنت بكره الطريق اللى حواليه من الزحمة اللى بتقفل الدائري في بعض الأحوال
أنا بطلت أروح كارفور تقريبا من حوالي تلات سنوات كاملين بسبب اللى بتحكيه ده بالضبط وبكل حرف فيه وبالذات موضوع الخناقات على الكاشير ... ولو هاروح يبقى لازم يكون الصبح بدري جدا الساعة 9 وأكون مخلص بالكتير قوي الساعة 11 - 12 عشان أكون خرجت قبل الناس ما تيجي وبالرغم من كدة الساعة 11 دي بيكون ابتدى يتزحم
أحلى وقت بقى أروح فيه كارفور واللى بستناه من السنة للسنة هو في رمضان نفسه قبل المغرب بنص ساعة على الفطار ... بيكون آخر دلع وفاااااااااااااضي من هنا للسنة للجاية ... ولكن آخره بعد المغرب بساعة أو أقل ويكون الناس ابتدت تيجي .. آكون أنا بقى خارج
قرأت الموضوع وعندي شىء من الفضول إني أعرف الناس فى مصر بتتعامل إزاي في كارفور
بس اتصدمت والله العظيم جدا ...ماهو نفس كارفور اللى هنا هو اللى عندكم
وهما نفس المصريين اللى هنا هما المصريين اللى عندك..بس التعامل مختلف شكلا وموضوعا
هنا برضه بنتخنق من الزحمة وبنتخنق من الطوابير اللى عند الكاشير لكن هل يقدر حد يفتح بوقه؟
هل يقدر حد يتعصب على حد؟ بالعكس العصبي أصلا بتلاقيه ساكت خالص
والانسان العادي تلاقيه واقف بيلاعب ولاده وبيكلم مراته بهدوء وبضحك
طيب فين المشكلة بس؟؟ كارفور هو هو والمصريين هما هما؟ الفرق ده فين وليه؟
ورمضان ع الأبواب برضه هنا وعندكم؟
هل هى عدوى الفوضى؟ هل إحنا بنحترم قوانين البلاد التانية ومش عارفين نحترم قوانين
المكان اللى احنا فيه ده ؟ هل بنمثل الاحترام والرقي برة قدام الناس عشان نبقى زيهم؟؟
أنا متغاااااااااااظة جدا جدا عشاااااااااااان احنا مش ناقصنا اي حاجة خالص عشان نكون
راقيين وملتزمين ومحترمين فى كل مكان ... انا بحس بالغيرة كل لما بشوف الناس هنا
ولما بنزل مصر ..ونفسي نفسي اشوف بلدي وولادي بلدي أحسن ناس فى الدنيا
فهموني أنتم لإمتى هتفضل سلوكياتنا بالشكل ده؟؟؟ لإمتى كل واحد مش هيحترم آدمية أخوه
لإمتى كل واحد مش هيحترم إن فيه ست واقفة وممنوع يقول لفظ وحش ..؟؟؟
لإمتى هنبطل نطلع عصبيتنا على بعض بدل ما نتحمل بعض ؟؟
هقول إيه بس؟؟؟ ربنا يصلح أحوالنا كلنا واشوف فى مصر اللى اتحرمت اشوفه منها طول عمري
اقسم بربي ما ينقصنا اي شىء عشان نكون أحسن ناس فى الدنيا
وخلونااااااااااااا ننهي الموضوع اللى يضايق ده بكلام كويس ....
كل سنة وإنتم طيبين وربنا يبلغنا جميعا رمضان ويتقبلنا فيه ويقدرنا على صيامه
وقيامه وترتيل قرآنه آناااااااء الليل وأطراااااااااااف النهاااااااااار وأن يجعلنا من عتقائه
اللهم آمــــين
تحيتي وكل احتراااااااااامي
توتاااااااااااا