عداد الـــ .... Econ لادا .. 2107

**AYMAN_19059** · 08-07-2012 07:19 PM

المشاركة الأصلية كتبت بواسطة ahmed_gamal777

اولا اهلا بيك استاذ ايمن ومنور منتدى الادا الى ان بحبة كدة من قلبى مع انى بعت عربيتى الادا
وراكب عربية مختلفة خالص عنها ولكن كنت بحب سوسن جدا ومنها اتعلمت حاجات كتيرا
(سوسن عربيتى الادا موديل 2107 لسنة 2010)

بص يا جميل العداد المذكور لية علاقة بالاستهلاك الاقتصادى
يعنى تدى العربية الى هى عايزة بس من البنزين مش اكتر من الازم يعنى الزيادة بتحرق فى الهوا وبس
طيب لم العداد يجى فى الاحمر سعتك بترمى بنزين على الارض وبس مفيش استفادة
دى اول نقطة

النقطة التانية مع الاحترام لكا الاعضاء الميكانيكى شق من كلامة صحيح
مش بيفتى
لية
عشان لم استهلاك البنزين يكون زيادة عن الازم سعتك تلاحظ ان المكنة بتسقف ودا شى مش كويس لمكنة
انت فعلا ماشى صح على عداد ال ار بى ام ولكن بتغط على استهلاك المكنة مما يودى الى التسقيف
ولو عملت سيرش على موضوع التسقيف هتشوف هوا بياثر على اى فى المكنة
سيبك انت من الكلام الكبير دا وتعال نعمل زى ما الخواجة عمل العربية
اى حاجة حمرا فى عدادات العربية يعنى مش مظبوط وحاجة مش كويسة
ارجوا انى اكون افدت حضرتك وكل الا عضاء

اشكرك على زوقك والله كفيت ووفيت ربنا يبارك فيك فعلا ان الله فى عون العبد ما دام العبد فى عون اخية

**hassanin_lada** · 09-07-2012 03:56 AM

الله ينور ياهندسه..انت جبت من الاخر في حتت اي حاجه حامره تبقي غلط دي نايس وان

**a7madramadan** · 11-07-2012 11:58 PM

التسقيف بيحصل لما تكون بتحرق بنزين مش مساوي لانضغاط الموتور بتاعك ... يعني اللادا الانجيكشن الانضغاط بتاعها عاوز بنزين 91 من المصنع فانت بتحطلها 90-92 ولو لو حاططلها البنزين المساوي لانضغاط الموتور بتاعك لو اتشقلبت الموتور مش هيسقف :) حط بقى بنزين أقل زي 80 موتورك هيفضل يسقف لحد ما تطير المكنة خالص

العداد مؤشر فقط لمستوى الحرق القياسي للعربية بتاعتك ولما بيوصل للأحمر انت بتحرق بنزين بهبل وأساسا للمعلومة يعني العداد مش مظبوط أساسا فاللادا :D بس لما سرعتك بتثبت بيبقى معقول يعني

وموضوع المنزلات انت لما بتسيب العربية تاخد منزلاية أسرع من عربيتك انت فعلا هتلاقي عداد الــ econ آه على الأخضر خالص بس الــ RPM بيعلى قوي منك وده أساسا معناه انك بتصرف بنزين .. الصح تمور العربية مش هتصرف خالص على عكس لما تسيب المكنة متعلقة على جير و RPM عالي

**ahmed_gamal777** · 12-07-2012 12:15 PM

تسلم الايادى

**khaledamin** · 12-07-2012 05:55 PM

انا عاوز اعرف العداد ده بياخد بياناته من فين او بمعنى اخر هو موصول بى ايه فى السيارة؟

**MEKAWY2000** · 13-07-2012 02:35 PM

الله ينور يا استاذ احمد العداد ولصل بخرطوم هواء من المانفو لما تدوس بنزين بيزيد الضغط فى المانفو وبالتالى بيسحب بنزين والاحمر فى العداد مش بمعنى الحمل على الموتور لا بمعنى التغذيه للكاربرتير اعلى من المطلوب
ظيب لو انت ماشى وامامك مطلع وهى نفس الدوسه فابالتالى الامبير بيرفع على الاحمر ليه لان حمل الموتور زاد فابالتالى بيتم سحب بنزين زياده لتعويض الحمل
اما بالنسبه للاخ الى بيقول السياره غير لها شمبر ده شئ طبيعى لسوء الاستعمال

**khalid_adel** · 13-07-2012 02:54 PM

المشاركة الأصلية كتبت بواسطة a7madramadan

وموضوع المنزلات انت لما بتسيب العربية تاخد منزلاية أسرع من عربيتك انت فعلا هتلاقي عداد الــ econ آه على الأخضر خالص بس الــ RPM بيعلى قوي منك وده أساسا معناه انك بتصرف بنزين .. الصح تمور العربية مش هتصرف خالص على عكس لما تسيب المكنة متعلقة على جير و RPM عالي

انا اللي قولته كان عكس كلامك انا صحيح مش متأكد منه في اللادا بس متأكد منه مثلا في العربيات الحديثه اللي فيها مؤشر استهلاك لحظي للبنزين instant consumption
وده حتلاقي في اقل مستوياته لما تسيب البنزين في منزل لكن لو مورت حتلاقي الاستهلاك اعلي
وعامة سيبك من البنزين موضوع انك تمور في منزل ده خطر جدا جدا ومصر الوحيده اللي لازالت عندها ثقافة مور العربيه دي :) بره لو عملت كده في اختبار السواقة عمرك ماهتشوف رخصه اصلا :)

**hassanin_lada** · 21-07-2012 11:04 AM

استاذ مكاوي لك كل تقدير واحترام
بس انا عندي ملحوظه انا ماكنتش بأمرك بالعربيه او تخميس او اي حاجه من دي انا كنت بسحب بيها مش اكتر وبالتالي العداد علي الاحمر بتاع econ وفجاءه لقيتها جابت شنبر(يعني لما فضلت لفتره احمل علي الاحمر المكنه خفت يعني انا كنت بحمل علي المتور) لان وانا علي الاحمر استهلاك البنزين عالي يعني بطلب من العربيه انها توصلني الي سرعه عاليه في وقت صغير وده (حمل علي المتور).. واكيد هتحمل علي طقم الدبرياج (وجهت نظر مش اكتر)