عداد الـــ .... Econ لادا .. 2107

**AYMAN_19059** · 07-07-2012 08:45 PM

عداد الـــ .... Econ ماهى وظيفتة وهل العداد دة وانا ماشى وعاوز العربية تسحب شوية سعات بيجى معاية على الاحمر والمكيانيكى قالى لا اكبر غلط ان العداد دة يجى على الاحمر ومتخرجش عن الاخضر لاانك كدة بتكون قارص على المكنة وممكن الماتور يخف منك مع العلم انى فى الغيارات بعتمد على صوت المحرك وعلى عداد الاربى ام يعنى مش بيوصل معاية العداد وانا قارص على الغيار عن . 30 وصوت الموتر مرتاح ولكن العداد دة ممكن يجى على الاحمر هل فعلا كلام الميكانيكى دة صحيح ولو صحيح انا لو معملتش كدة بحس ان العربية مش حتسحب ومش حتوصل للسرعة المطلوبة ارجو الايضاح واسف على الاطالة .....

**د.أبونضال** · 07-07-2012 09:20 PM

بيتهيئلي ده اختصار ل economy وبالتالي يبقى الميكانيكي بتاعك بيفتي ... الأحمر يعني سرعتك عاليه فاستهلاك البنزين غير اقتصادي .. وده ما لوش علاقة اطلاقا حسب تخميني بأي خطورة على الموتور

**MOK3336** · 07-07-2012 09:24 PM

إية أصلا العداد ده ؟؟؟؟
ده غير عداد rpm

**khalid_adel** · 07-07-2012 09:25 PM

ياباشا ده مؤشر الايكونومي وده طبيعي انه يجي على الاحمر وده معناه ان استهلاك البنزين عالي وده يبان لو طالع مطلع او لسه بتتطلع اول تاني تالت لانك في النقطه دي بتكون لسه بتتسارع لكن اول ماتثبت رجلك على دواسه البنزين او مثلا جبت رابع وبطلت دول (طريق طوالي ومثبت سرعتك) حتلافي العداد نزل تاني على الاخضر
من الاخر ده ميزته انك تعرف منه العربيه دلوقتي في اعلى معدلاتها ولا اقل في استهلاك البنزين
معلومة جامده: لو انت على منزل ومدي العربيه رابع مثلا وشايل رجلك من على البنزين الاستهلاك بيبقى اقل من انك تمور العربيه :)

**exact** · 07-07-2012 09:47 PM

ميكانيكي بيفتي وخلاص
الغلط ان عداد الار بي ام هو اللي ييجي عالاحمر

**hassanin_lada** · 07-07-2012 11:09 PM

انا هقول اللي عندي وامري علي الله انا جبت العربيه من قيمة سنه ونص مو2006 وكنت فاكر انها زي الحديث وكنت بقرص بيها والعداد ده كان معظم الوقت علي الاحمر وبعد اقل من سنه ليقت المكنه بتبخر وعطيتها شنبر..ايوه هو بيقيس معدل استهلاك البنزين ويعتبر مقياس لمدي تحميلك علي المتور..طبعا الاخضر يعني معدل التحميل معقول لكن الحمر ده يعتبر حمل زياده علي المتور وممكن يسبب لا قدر الله انك تفك المكنه هي العربيه اصلا خشنه في السحب وفي كل حاجه اه هتدوس بنزين وهتسحب معاك بس حمل علي المتور اللهم بلغت اللهم فاشهد والكلام ده عن تجربه ماشيها احسن علي الاخضر الا لو لا قدر الله لازم تقرص لاي سبب لكن مش طول الوقت حفاظا علي المتور

**hassanin_lada** · 07-07-2012 11:16 PM

وبالنسبه لسحب العربيه ممكن يرجع لكذا سبب منهم ان البنزينه اللي انت بتمون منها بنزينها مغشوش(انا لو مونت من بنزيت التعاون بحس العربيه بتموت والاقيها اتربرجلك واحسها مش مظبوطها وده طبعا مثال ) ممكن يكون مجموعة الدبرياج وممكن يكون المتور مش بيحرق كويس (الكاربرتير او البوجيهات)..انا معايا العربيه الحمدلله سحبها مالهوش حل وغالبا بيبقي علي اخر الاخضر ومش بزود عن كده حتي لما ابقي ماشي علي سرعه عاليه بيبقي علي الاخضر الا اذا جبت اخر الدواس بيبدأ يدخل في الاحمر

**AYMAN_19059** · 08-07-2012 02:33 PM

المشاركة الأصلية كتبت بواسطة bkaltalamana

انا هقول اللي عندي وامري علي الله انا جبت العربيه من قيمة سنه ونص مو2006 وكنت فاكر انها زي الحديث وكنت بقرص بيها والعداد ده كان معظم الوقت علي الاحمر وبعد اقل من سنه ليقت المكنه بتبخر وعطيتها شنبر..ايوه هو بيقيس معدل استهلاك البنزين ويعتبر مقياس لمدي تحميلك علي المتور..طبعا الاخضر يعني معدل التحميل معقول لكن الحمر ده يعتبر حمل زياده علي المتور وممكن يسبب لا قدر الله انك تفك المكنه هي العربيه اصلا خشنه في السحب وفي كل حاجه اه هتدوس بنزين وهتسحب معاك بس حمل علي المتور اللهم بلغت اللهم فاشهد والكلام ده عن تجربه ماشيها احسن علي الاخضر الا لو لا قدر الله لازم تقرص لاي سبب لكن مش طول الوقت حفاظا علي المتور

اشكرك على الافادة واظن كدة الموضوع افاد ناس كتير العداد دة مكانش واضح لهم هوة بيعمل اية بالظبط

**ahmed_gamal777** · 08-07-2012 03:57 PM

المشاركة الأصلية كتبت بواسطة ayman_19059

اشكرك على الافادة واظن كدة الموضوع افاد ناس كتير العداد دة مكانش واضح لهم هوة بيعمل اية بالظبط

اولا اهلا بيك استاذ ايمن ومنور منتدى الادا الى ان بحبة كدة من قلبى مع انى بعت عربيتى الادا
وراكب عربية مختلفة خالص عنها ولكن كنت بحب سوسن جدا ومنها اتعلمت حاجات كتيرا
(سوسن عربيتى الادا موديل 2107 لسنة 2010)

بص يا جميل العداد المذكور لية علاقة بالاستهلاك الاقتصادى
يعنى تدى العربية الى هى عايزة بس من البنزين مش اكتر من الازم يعنى الزيادة بتحرق فى الهوا وبس
طيب لم العداد يجى فى الاحمر سعتك بترمى بنزين على الارض وبس مفيش استفادة
دى اول نقطة

النقطة التانية مع الاحترام لكا الاعضاء الميكانيكى شق من كلامة صحيح
مش بيفتى
لية
عشان لم استهلاك البنزين يكون زيادة عن الازم سعتك تلاحظ ان المكنة بتسقف ودا شى مش كويس لمكنة
انت فعلا ماشى صح على عداد ال ار بى ام ولكن بتغط على استهلاك المكنة مما يودى الى التسقيف
ولو عملت سيرش على موضوع التسقيف هتشوف هوا بياثر على اى فى المكنة
سيبك انت من الكلام الكبير دا وتعال نعمل زى ما الخواجة عمل العربية
اى حاجة حمرا فى عدادات العربية يعنى مش مظبوط وحاجة مش كويسة
ارجوا انى اكون افدت حضرتك وكل الا عضاء