السلأم عليكم ورحمة الله وبركاته
يا جماعة وبدون مقدمات , أنا حبيت أنى أعمل الموضوع ده علشان بصراحة أنا تعبت من التقليب فى الصفح للبحث عن مواضيع أو حلول لمشاكل خاصة بال E36 زى المشاكل اللى عندى فى عربيتى ,, فحبيت أن الموضوع ده يبقى زى موسوعة ودايرة معارف تلم كل المواضيع لكل من كان عنده مشكلة وعالجها فى E36 , أو مازالت المشكلة محيراه فى حلها فنقدر نفيد بعض ونستفاد عشان محدش يهمل فى حاجة فاتتلف حاجة تانية وكمان عشان نعرف المصنعيات أتكلفت كمان وفين ممكن نحل المشاكل ديه..

بسم الله ,,أبدأ بنفسى:
أنا كان عندي مشاكل خاصة بسخونية الموتور والعفشة ..وتم حل المشكلة رقم واحد بتغير ريداتير مكان القديم لأنه كان ملحوم ومسمار الهواء بتاعه بأيظ وكمان أشتريت قميص مروحة موتور جديد ومروحة كالتش جديدة لأن القديمة كان فيها ريشة مكسورة والقميص كان مكسور من تحت وانتهت للأبد السخونية والحمد لله ,, أما بالنسبة للعفشة فغيرتها بالكامل عند مركز منصور اللى وراء قسم عين شمس وخد مصنعية 150 جنيه ,,
ولكن مازال عندى مشاكل بسيطة ومحتاج مساعدتكم :
1- الفتيس بعد ما بسخن وأجى أطلع بيبقى تقيل شوية ولكن لما العربية بتسخن اكتر مع الجرى بينعم وأن كان مازال ناشف شوية بالمقارنة بالتويوتا والهيونداى اللى كانوا معايا , ياترى أيه السبب ولأ ده طبيعى , وأيه أحسن زيت لفتيس ال E36 لأن أنا عرفت من مالكها الأولأنى أنه كان لسة مغير من شهر زيت الفتيس بزيت موبيل وقيست الزيت لأقيته كويس وتمام !!!!!!!!!!

2-المشكلة التانية فى عندى ونة مع دوسة البنزين وعرفت أنها من الكارونة ونأوى اغيرهاأن شاء الله بس الشكمان بصراحة ملحوم من الأمام وشكله مقشر من العلبة من وره , فهل ده ليه دور بردوا عشان بعد كده يبقى صوت العربيىة مكتوم , وياترى لو هأغيروا يتكلف كام وأجيبه منين عشان تعبت من اللف وياترى يتكلف كام مصنعية تركيبه .

3-العربية واطية جداً ولما بيكون معايا خمس أفراد وبنجرى على الدائرى , فلو خدت مطب هوه بسمع رزعة من وره مع أن المساعدين تمام ومش جايبين زيت , فهل ينصح بتغير المساعدين بنوع أحسن وياترى يتكلف كام , وكمان لما بأجى أطلع الصبح فبسمع تزيقة فى المساعد الشمال وره وبردوا بتختفى وما بتتسمعش بعد العربية ما بتمشى وتركن تانى بالليل.

4-عندى صدى وبارومة فى الشنطة وبعض الأجزاء زي العتب من الجنب وعاوز أعالجها ,, أروح لمين وتتكلف كام ؟

5- خامس حاجة بقى وده من الأخر , لو انا حبيت أغير موتور العربية مستقبلأً فهل من الممكن تسقيط موتور حديث فوق سنة 2000 ولأ لأزم موديلات التسعينات ,, وكمان لو هاسقط موتور 1800 فهل 1800 is M44 كويس ولأ مالوش قطع غيار وينصح ب M43
أنا بشكر الجميع ومنتظر الرد ومستنى الأخرين يشاركونا تجاربهم عشان نستفاد كلنا