هارد على مشاكلك بالترتيب على اد ما اعرف وان شاء الله اكون مفيد
1- انا فاهم ان فتيسك اوتوماتيك ودى مشكله فى كل الفتايس بتاعت المكن القديم بدل ما تفتحه وتوجع قلبك غيره هو كله ب 1200 جنيه
2- الكرونه مادام ونت يبقى لازم تتغير والاحسن انك تشوف طلبك فى الكرونه هايبقى ايه لان الكرونات بارقام وكل رقم بيدى اداء مختلف يعنى لو بتحب طلعه سريعه لكن ممكن تستغنى عن التوب سبيد العالى يبقى هاتها كرونه برقم صغير لو يهمك التوب سبيد ومش مشكلة سرعة التجميع فى الطلعه يبقى هات كرونه رقمه عالى وبالنسبة للشكمان فماينفعش فيه لحامات كننا كلنا عملنا كده لازم يتغير
المساعد لو كويس مش هايدب ومع ذلك بص على الصدادت اللى ورا والجلد ممكن يكونوا السبب اما لو كانت بتدب مع اللى كانت معاه العربيه قبلك وكان مهمل فيها فده ممكن يكون سبب التزييق اللى بتسمعه ورا اول حاجه تعملها انك تكشف الفرش وتبص على البطاحات ورا لان صوت التزييق ده بيبقى عبارة عن كسر مكان تثبيت مسامير المساعد وبتبقى واقفه على مسمار عشان كده بتزيق وللاسف دى مشكله منتشرة فى ال 36 وسببها اهمال المساعدين كسبب رئيسى
3-بالنسبة للبارومة اى سمكرى نضيف يعملها وبتتكلف على حسب كل سمكرى بياخد كام
4- لو عاوز تسقط مكنه يبقى ناخدها بالارخص لو عربيتك 16 او 18 يبقى تجيب المكنه ال 43 الجنزير اهدى وانعم ومشاكلها لا تذكر اساسا وتستحمل الهلاك والمكنتين دول مش هايحتاجوا تغيير عفشه وبالتالى دى اقل تكلفه لانهم ارخص مكنتين بعد كده الاى اس ودى لازم تغيرلها عفشة وبتيجى بادوات التغذية وبالشكمان القديم ممكن يشتغل عندك فى معظم الاجزاء بس مش معقوله هاتكلف نفسك وتجيب مكنه قطع غيارها اغلى ونادره الى حد ما بالنسبة لباقى الموديلات وتموتها يعنى لازم تهتم الحاجات البسيطه لانها هاتفرق كتير فى الاداء بعد كده بقى تطلع على ال 6 سلندر ابتداء من المكنه ال 20 وانت طالع ودى بتبقى تكلفة صيانتها اعلى نسبيا من ال 4 سلندر لكن فى فرق فى الاداء اكيد
ارجو انى اكون قدرت افيدك فى مشاكلك واى حاجه تقابلها انا تحت امرك فى اى وقت
أخوك
محمد سليم
المفضلات