رجه غريبه في الماتور

**kemks** · 23-06-2008 08:08 AM

يوجد عندي تسريب في ماسوره الشكمان عند السوسته حيث يتسرب اللعادم من فتحه صغيره في وسط الشكمان

لا حظت قبل اكتشاف هذه الفتحه ان العربيه يكون بها رجه خفيفه (غربله) و هيا واقفه عند دوران المحرك و لكن عند الحركه لا تظهر و العربيه مخنوقه و سحبها بطيء

و يوجد رجه غريبه في الماتور و يتحرك من مكانه و كشفت علي القواعد و تم فكها و تركيبها من جديد لكن نفس الرجه موجوده هل هذا بسبب التسريب في الشكمان

و ضغط البنزين عالي عن المعدل الطبيعي ذايد جدا دا اللي الميكانيكي قالهولي هل هذا ايضا بسبب هذا التسريب

السياره هيونداي اكسنت موديل 2000 ماتور 1500cc

و كل مافيها عن طريق الكهرباء و الميكانيكا لم يعطيني اي سبب لذياده ضغط البنزين و كشف علي خرطوم الراجع كان شغال مظبوط

و الكمبيوتر لغايه دلوقتي خارب بيتي كل شويه كشف بفلوس و غيرت حساس الاكسوجين و البوجيهات مغيرها مرتين لغايه دلوقتي و سلوك البوجيهات ولا امل

و البنزين بتاكل اكل مني

ملحوظه لسه مكتشف التنفيس في الشكمان دا امبارح يا تري كل العيب دي بسبب الخرم دا

ارجو الافاده من الاعضاء

و شكرا مقدما لكم

**samehafez** · 24-06-2008 01:54 PM

طيب ما تصلح الشكمان و بعد كه نشوف لو لسة المشاكل دي موجودة ؟؟؟!؟!؟!!؟

**ahmedsrs** · 24-06-2008 03:38 PM

الشكمان لو مسدود او مخروم بيبرجل العربية صلح مشاكل الشكمان وشوف

**MMamdouh** · 24-06-2008 03:48 PM

المشاركة الأصلية كتبت بواسطة samehafez

طيب ما تصلح الشكمان و بعد كه نشوف لو لسة المشاكل دي موجودة ؟؟؟!؟!؟!!؟

+1

ليه تسيب حاجة ممكن تسبب شك فى العربية؟ حل المشكلة عشان تقفل الباب دة

MMamdouh

**kemks** · 28-06-2008 07:31 AM

شكرا علي الاهتمام
تم اصلاح الشكمان و كان هناك سوسته بالاسفل بايظه خالص
و تم تغيرها بواحده اخري بس اكبر منها شويه

دي فيها حاجه و لا ايه

و الاحظ عند وضع يدي علي مخرج العادم و كتمه اسمع صوت تفيص صغير جدا معني كده ان اللحام فيه عيب ولا ايه بالظبط

و شكرا

**ahmedsrs** · 28-06-2008 08:02 PM

يبقى لسة عندك تنفيس

**sameh7** · 14-07-2008 07:09 PM

طيب صوت الرجه كده راح لإن عندى مثلها والميكانيكى بردوه قالى شكمان وانا مش مصدق

**mohamed ibiza** · 14-07-2008 07:18 PM

يا باشا ممكن يكون الشكمان معووج و عايز يتعدل و ده بيعمل رجرجة في الهادي و انت واقف او لسه هتطلع مش في السريع اقفل بابا الشك في الحته دي و اكشف لو مراحتش شوف القواعد

**kemks** · 15-07-2008 02:30 PM

علي العموم لقيت سوسته بتاعه الشكمان اللي قبل الحساس بتاع الاوكسجين اللي تحت مخرومه و غيرتها بواحده استعمال الخارج( شونه )يعني
و الله الرجه خفت بس الماتور لسه بيتهز و الميكانيكي ربطلي القواعد ولسه الماتور بيتهز
و بيقولي شكلها قواعد الماكنه
مع انها شكل القواعد سليمه و مفهاش حاجه