حاجه غريبه صوت الماتور فجأه بقي مزعج وعامل رجه في العربيه

**mahmoud_bs** · 03-12-2009 12:06 AM

مساء الفل علي اجمد منتدي سيارات

دي اول مشاركه ليا وحبيت اسالكم عن حاجه غريبه شويه
انا عربيتي اكسنت 2002 1300 العربيه معايا بقالها سنتيين زي الفل وناعمه وصوت الماتور كان مشاءالله اهدي من عربيات كتير احدث منها
لكن فجأه من حوالي اسبوعيين وانا بدور العربيه الصبح لاقيت صوت الماتور عالي عن الطبيعي وعامل رجه في العربيه
رحت فاتح الكبوت واتاكدت ان مية الرديلتيير مظبوطه وان الزيت مظبوط وانا اصلا كنت مغير زيت من قريب فلما لاقيت كل حاجه مظبوطه قلت يمكن عشان الشتا ابتدا والجو بارد الصبح وكده
المهم سخنتها وطلعت اول ما طلعت لاقيت صوتها هدي عن الاول بس برضه عالي عن الطبيعي لكن ادائها طبيعي وبتاخد سرعتها عادي المهم برضه عديت علي اول ميكانيكي بص عليها وقالي ان مافيهاش حاجه وصوتها مش عالي ومؤشر الحراره في الطبيعي
بس انا عربيتي وعارف صوتها وصوتها مش طبيعي خالص في حاجه غريبه مش عارف ممكن تكون ايه وحاسس اني وانا ماشي هايحصلها حاجه !!!
فياريت لو حد عنده فكره ايه ممكن يكون السبب ياريت يقولي وكمان لو حد يعرف مركز خدمه او ميكانيكي محترم فاهم في الهيونداي في مدينة نصر او المعادي ياريت يدلني عليه لاني مش مطمن امشي بالعربيه
ملحوظه ان العربيه صوتها وهي ماشيه اخف من صوتها وهي دايره وواقفه !!!

**sameh127** · 03-12-2009 02:34 AM

لو العربية حقن اكشف على:
فلتر الهواء
فلتر البنزين
حساس الهواء في الخط بعد فلتر الهواء الى المنيفولد
حساس الأوكسجين الموجود علي هدرة الجكمان
خراطيم الvaccum الواصلة من و الى manifold و الكشف علي اي منظماتdiaphragm ان وجدت

**mrsailor** · 03-12-2009 03:39 AM

ممكن تكون قاعدة موتور او قاعدة جير بوكس

**FIATBloodline** · 03-12-2009 06:20 AM

المشاركة الأصلية كتبت بواسطة mrsailor

ممكن تكون قاعدة موتور او قاعدة جير بوكس

i don't think so

**yahiahelaly** · 03-12-2009 06:47 AM

فلتر هوا يا فندم بنسبة كبيرة معتدقش الموضوع وصل لقاعده موتور
لو مش كده حطها على سكانر وشوف الحساسات وبعدين هية اساسا مفيهاش لكمبيوتر ولا حساسات ووارد برضة تكون مونت من بنزينة مش تمام

**abo_lamar** · 03-12-2009 07:19 AM

عشان تلخص الحوار حط العربية على اسكانر وهو حيعرفك المشكلة فين اول تغير الفلاتر الاول و تشوف حيحصل ايه ؟

**mahmoud_bs** · 03-12-2009 11:25 AM

شكرا جدا علي سرعة الرد يا شباب
بالنسبه للفلاتر انا غيرت فلتر البنزين من قريب والهوا برضه لسه باصص عليه قريب
وبالنسبه للبنزين انا بمون من وطنيه او الامارت و عربيتي كاربيتير وهو انا اللي عملته فعلا اني غيرت من 90 ل 92 من قريب بس تفتكروا ده السبب !!
مش المفروض ان التغير كده افضل ولا انا كده غلط
موضوع القعواعد والفا كيم والسيور والحاجات دي بصراحه معنديش اي فكره بتتغير كل اد ايه لاني برضه لسه جديد
في العربيات
عموما انا هاروح اكشف عليها بس مش عارف مركز خدمه او ميكانيكي محترم فياريت حد يدلني علي مكان في مدينة نصر او المعادي عشان زي ما انتوا عارفين الصنايعيه المضروبيين كتييير

ومعلش عندي استفسار هو ينفع امشي بيها ولا ده ممكن ياثر علي الماتور

الف شكر يا شباب

**SAMEH_FOUAD** · 03-12-2009 01:47 PM

لو صوتها على ممكن تكون عايز ظبط تاكيهات على الجو البارد دة

**modo88** · 09-12-2009 06:34 AM

لو حاسس ان صوتها علي وفيها رجه ممكن تكون مش من المكنه يا باشا ممكن يكون كرسي من كراسي المكنه اللي شايلينها ريح ولا حاجه وهوا اللي عامل القلق دا
اما لو صوتها عالي وحاسس فيها تكه كدا فا من الممكن يكون من طقم الكوستبنات اللي هيا الناس لما تسمعها في الاكسنت تقولك تاكيهات والاكسنت اصلا ملهاش ظبط تاكيهات كل الاعتماد علي الكوستبنات ممكن يكون كوستبان لازق او حاجه وهوا اللي عامل الصوت
وان شاء الله خير

-

الموضوع: حاجه غريبه صوت الماتور فجأه بقي مزعج وعامل رجه في العربيه

LinkBack

أدوات الموضوع

عرض

-

-

-

المواضيع المتشابهه

حاجه غريبه فى العربيه

حاجه غريبه فى سحب العربيه

حاجه غريبه جدا في العربيه octavia

العربيه بتعمل حاجه غريبه

العربيه عملت حاجه غريبه امبارح....

الكلمات الدلالية لهذا الموضوع

المفضلات

المفضلات

ضوابط المشاركة