الموضوع: غاوز اجيب سماعات وصب وجي ام للايفو

المشاركة الأصلية كتبت بواسطة Ahmod

انا ممكن رايي يبقى مختلف شوية عن بقية الاعضاء

بس انا رايي الشخصي انك تغيير الكاسيت بتاع العربية لكاسيت اقوى وده لكذا سبب

1- حرام تصرف وتغير سماعات وجي ام وممكن مستقبلا صب !! ؟ وانت اصلا الكاسيت عندك الخرج بتاعه ضعيف ومافيهوش اوبشنز للتحكم في الصوت !! ؟

بص انا غالبا مش هجيب صب علشان الشنطة
والكاسيت بيقولوا انه كويس زي ما كاتب في الموضوع فوق وفي واحد في الموضوع الي انا حاطط اللينك بتاعه بس معاه برافو مش عارف هيبقى نفس الكاسيت ولا لا بيقول انه مخرج منها صوت جامد

واقصد بالاوبشنز للتحكم في الصوت كذا حاجة مش مجرد ال EQ !! ؟ انا بتكلم على ال Band EQ / DSQ / HPF / LPF الى غير تحكم الصب

ممكن تشرحلي اكتر عن Band EQ / DSQ / HPF / LPF


الحجات دي بتفرق كتير اوي في نقاء الصوت وبتديلك Flexibility عالية اوي في التحكم

2- لما هتجيب كاسيت محترم هيديلك تحكمات كتير في الصوت وبالتالي هتلاقي ان سماعات العربية بقت مطلعالك صوت كويس

3- لما هتيجي مستقبلا تركب جي ام وصب وعدة صوت ان ماكنش عندك كاسيت يقومهم وفيه اوبشن التحكم بالصوت هتبقى بترمي فلوسك في الارض

هوه مش الجي ام هوه الي هيقوم السماعات ؟


فعاجلا ام اجلا انت كدة كدة لازم هتغير الكاسيت

يبقى ابدأ بيه وبعد كدة شوف هل الصوت اللى سمعته راضي عنه ؟؟ لو تمام كان بها

ماكنش تمام يبقى غير السماعات بعدها جي ام بعدها الصب وهكذا

يعني خدها بالترتيب وواحدة واحدة

المشكله زي ما قال Mohab.Nabil
هفقد مميزات كتييييييييييييييير
ده غير شكل التابلوه هيدمر فالموضوع صعب جدا اني اغير الكاسيت يا ريت يبقى في حلول تانيه احسن

ده شكل الكاسيت في الايفو فمش هينفع :(

المشاركة الأصلية كتبت بواسطة mohab.nabil

لو غير الكاسيت هيضيع حاجات كتير منها المالتى فنكشن و الـ display اللى غالبا بتبقى مرتبطة بالكاسيت الاستوك غير اوبشنز الـ blue & me ، لو عربية مفهاش الكلام ده كنت هقوله دوس يا معلم و عيش بس حرام بصراحة يفقد كل ده قصاد انه يركب كاسيت حلو و غالبا مش هيبقى ماشى مع شكل التابلوه ..

انا بعانى من المشكلة ديه برضه و عايز اقولك انى جبت جى ام تقريبا بتمن كاسيت نضيف عشان مستغناش عن الاصلى

ازيك يا باشا :)

كلامك صح الموضوع مستحيل فعلا :(

طب ماتقولنا كده جبت جي ام نوعه ايه والدنيا عندك ضبطت ولا ايه النظام؟

المشاركة الأصلية كتبت بواسطة mohab.nabil

انا تمام الحمد لله .. ايه اخبارك يا باشا ؟

فعلا الموضوع صعب انا مريت بنفس مشكلتك

انا جبت جى ام بايونيير 760 وات 4 تشانيل و كنت مركب عليه 4 سماعات بايونيير 500 وات و بازوكا بايونيير 1400 وات



طبعا الصوت فرق السما من الارض عايز اقولك انى لما كنت بعلى الصوت عن 3 العربية الشنطة بتترج عشان هاتشباك كان اخرى اشغلو 4 دا لو مبسوط و عايز اعمل فرح فى الشارع

بس بعت البازوكا لأنها كانت واكلة الشنطة و اتبقى عندى الـ 4 سماعات و الجى ام .. هقولك على مميزات الموضوع و عيوبه بكل صراحة .. المميزات انك تقفل الشبابيك و تشغل التكييف و تشغل الكاسيت و تنسى نفسك خصوصا ان عربيتك اكيد العزل فيها هيبقى كويس فهتشغل الكاسيت هتحس انك فصلت عن كل الدنيا اللى حواليك و انك فى حفلة مع نفسك .. الصوت طبعا اقوى و انقى ..

العيوب الرف اللى ورا مش زى الاصلى و لو الطريق مكسر اوى بتحس الرف ورا فيه صوت تزييق كده و ترييح لأنه مش نفس ابعاد الاصلى بالمللى

انت محتاج ايه محتاج صوت قوى اوى و لا عايز تحسن الصوت شوية و خلاص ؟

تمام بس انت مركب ال 4 سماعات على 2 تشانيل و الصب على الاتنين التانيين؟

انت خلع الرف الاصلي ليه ؟ علشان ماتخرمش في الاصلي؟
وهل اللو خرمت الاصلي الفبر ممكن برضه يعمل مشاكل في الصوت العالي علشان الفبر خفيف؟

انا عاوز الصوت يعلى علشان عندي مش عالي اوي ولما اعلي بيخرف
وكمان عاوز احس بالبيز اكتر من كده يعني يبقى كويس مش عاوزه جامد اوي ومش عاوز صب برضه


شكرا ليك :)

المشاركة الأصلية كتبت بواسطة Ahmod

هو طبعا صعب انك تغير كاسيت العربية !! لكن محلولة ماتقلقش

تقدر تحل المشكلة دي من خلال انك تشتري جي ام نضييف

البايونير دلوقتي منزلة كذا جي ام فيه تحكمات HPF / LPF بتتحكم فيها من الجي ام نفسه

هو طبعا لما بتكون في الكاسيت بيكون افضل بكتيير لانك بتتحكم بحرية اكتر غير الجي ام اللى غالبا مابيتظبط مرة واحدة وبتسيبه على كدة

وتاني حاجة انك لما مستقبلا تجيب صب ركب معاه سماعات محترمة عشان حتى ولو معرفتش تفصل البيز منها بشكل نهائي تبقى السماعات محترمة وماتعملش Noise على الدرجات العالية للصوت

بص لو قصدك في عدد الEQ Band هيه عدد الColumns الي بتحكم فيها في ال custom EQ
فهما تقريبا على ما اتذكر 7

HPF / LPF واضح انهم هيبقوا للصب اكنتر وانا مش ناوي اجيب صب علشان الشنطة للاسف زي عندك كده

فابالنسبه للجي ام البايونير الي نازل فيه الاوبشن دي هيفيدني لو هركب صب بس علشان فيه HPF / LPF
ولا ليه تحكمات تانيه او هيفرق في حاجة تانيه علشان ما ادفعش فيه فلوس مادام مش هجيب صب؟

بس بجد معلومات كويسه انا ماكنتش عارفها خصوصا HPF / LPF انا كنت فاكر الموضوع في الصب ابسط من كده

بصوا انا من قرايتي في كذا موضوع ونصايحكوا هنا حسيت اني قررت كدة مبدأيا حبة حاجات بس فيه كذا سيناريو ارجوا انكم تساعدوني فيهم

أولا: السماعات حاسس ان انسب حاجة هيه الكينوود الدبل بيز 400 وات (علشان انا عاوز بيز ازيد شوية)

ثانيا: جي ام 350 كينوود

-طبعا لو شايفين ان الاختيار ده مش موفق يا ريت تقولولي-

المشكلة بقى في سيناريو التركيب في 4 سيناريوهات:



1- اركب ال4 سماعات الي في البيبان على طول على الكاسيت Front واركب الكينوود على الجي ام Rear
علشان كمان لو ما عجبونيش اتحم فيهم من الكاسيت واخليه كله rear او اقلل ال front


2- نفس السيناريو الاولاني بس افصل السماعتين الي في البابين الي ورا (مش عارف هتفرق كsurround مثلا ولا ايه)


3- اجيب جي ام 4 تشانيل يكون قريب من الكينوود ال350 بس بدل 2 تشانل 4 تشانل واركب الاربعة الي في البيبان على 2 تشانل والكيينوود على 2 تشانل بس اوطي الجي ام للاربع سماعات الي في البيبان

وممكن قدام اجيب اتنين سوني 300 احطهم مكان الاتنين الي في الباب الي قدام (مع انهم بيقولوا ان السماعات الي في العربية الستوك عندي كويسين برضه)

4- افصل الي قدام كلهم واشغل الي ورا بس على الجي ام (حاسس انه مالهاش لازمه لاني اعمل رقم واحد ولو ما عجبنيش اضبطهم كلهم rear وبكده يبقوا اتفصلوا لو ماعجبونيش -ولا front & rear- هتفرق في حاجة)



سؤال مهم جدا عاوز اعرفه:
مش الMP3 كلها 2 تشانيل Right & left يعني مش بتفرق front & rear فيها في حاجة
ولا فيه زي الافلام مثلا 6 تشانل Front left , Front Right , Rear left, Rear Right...... etc

علشان السؤال ده ممكن يفرق في السيناريوهات