غاوز اجيب سماعات وصب وجي ام للايفو

**eldell** · 22-05-2013 03:35 PM

المشاركة الأصلية كتبت بواسطة osamy

بصوا انا من قرايتي في كذا موضوع ونصايحكوا هنا حسيت اني قررت كدة مبدأيا حبة حاجات بس فيه كذا سيناريو ارجوا انكم تساعدوني فيهم

أولا: السماعات حاسس ان انسب حاجة هيه الكينوود الدبل بيز 400 وات (علشان انا عاوز بيز ازيد شوية)

ثانيا: جي ام 350 كينوود

-طبعا لو شايفين ان الاختيار ده مش موفق يا ريت تقولولي-

المشكلة بقى في سيناريو التركيب في 4 سيناريوهات:

1- اركب ال4 سماعات الي في البيبان على طول على الكاسيت Front واركب الكينوود على الجي ام Rear
علشان كمان لو ما عجبونيش اتحم فيهم من الكاسيت واخليه كله rear او اقلل ال front

2- نفس السيناريو الاولاني بس افصل السماعتين الي في البابين الي ورا (مش عارف هتفرق كsurround مثلا ولا ايه)

3- اجيب جي ام 4 تشانيل يكون قريب من الكينوود ال350 بس بدل 2 تشانل 4 تشانل واركب الاربعة الي في البيبان على 2 تشانل والكيينوود على 2 تشانل بس اوطي الجي ام للاربع سماعات الي في البيبان

وممكن قدام اجيب اتنين سوني 300 احطهم مكان الاتنين الي في الباب الي قدام (مع انهم بيقولوا ان السماعات الي في العربية الستوك عندي كويسين برضه)

4- افصل الي قدام كلهم واشغل الي ورا بس على الجي ام (حاسس انه مالهاش لازمه لاني اعمل رقم واحد ولو ما عجبنيش اضبطهم كلهم rear وبكده يبقوا اتفصلوا لو ماعجبونيش -ولا front & rear- هتفرق في حاجة)

سؤال مهم جدا عاوز اعرفه:
مش الMP3 كلها 2 تشانيل Right & left يعني مش بتفرق front & rear فيها في حاجة
ولا فيه زي الافلام مثلا 6 تشانل Front left , Front Right , Rear left, Rear Right...... etc

علشان السؤال ده ممكن يفرق في السيناريوهات

انا معاك فى الاختيار الاول
بالنسبه لسوالك انا مش فاهم قصدك ايه بالmp3 ?

**osamy** · 22-05-2013 04:10 PM

المشاركة الأصلية كتبت بواسطة eldell

انا معاك فى الاختيار الاول
بالنسبه لسوالك انا مش فاهم قصدك ايه بالmp3 ?

قصدي ان الفورمات بتاع الfile ال MP3 او ملفات الاغاني بصفة عامة بتبقى 2 تشانل Left & Right
يعني الصوت الي في السماعة اليمين غير الشمال ده قناة وده قناة
فكنت بسأل علشان اعرف هيبقى فيه فرق بين السماعات لما تتوصل front or rear ولا الفرق الوحيد في التحكم فيهم من الكاسيت وبس

على العموم انا دورت ولاقيت ان الاغاني كلها بتنزل
2 channels (Stereo) مش surround (5.1 مثلا(
مش زي الافلام يعني

الاختيار الاول انا اقرب ليه برضه
بس ما قلتليش اعمل ايه في التركيب نفسه
وهل لو اشتريت من برة هيرضوا يركبوة في ادريان او كلاريون وبيركبوا بكام تقريبا

**Ahmod** · 22-05-2013 05:27 PM

المشاركة الأصلية كتبت بواسطة osamy

بص لو قصدك في عدد الEQ Band هيه عدد الColumns الي بتحكم فيها في ال custom EQ
فهما تقريبا على ما اتذكر 7

HPF / LPF واضح انهم هيبقوا للصب اكنتر وانا مش ناوي اجيب صب علشان الشنطة للاسف

زي عندك كده

فابالنسبه للجي ام البايونير الي نازل فيه الاوبشن دي هيفيدني لو هركب صب بس علشان فيه HPF / LPF
ولا ليه تحكمات تانيه او هيفرق في حاجة تانيه علشان ما ادفعش فيه فلوس مادام مش هجيب صب؟

بس بجد معلومات كويسه انا ماكنتش عارفها خصوصا HPF / LPF انا كنت فاكر الموضوع في الصب ابسط من كده

هو انا ماقصدش الانظمة بتاعة ال EQ اللى بتبقى نازلة Default اللى هي (Gravity - space - vocal - ... etc _)

انا اقصد لما بتدخل على ال Custom EQ بتقدر تتحكم في كام Band !! ؟؟

بالنسبة للجي ام فانا نصيحتي ليك انك لما تحب تجيب صب لازم تجبله جي ام لوحده ياخد طاقته كلها !! ده في حالة لو هتركب صب محترم

اما انك تركب سماعات وصب على نفس الجي ام يبقى لازم صب متوسط الاداء عشان هيبقى حرام انك تجيب صب شديد ويتركب على جي ام ضعيف ماتعرفش تستفيد من طاقة الصب كلها او مش ضعيف بالمعنى المقصود لكن انت كدة اكنك بتقسم قوة الجي ام على حاجتين (صب - سماعات)

يعني انا الصب اللى ركبته عندي ركبتله جي ام بايونير 820 وات للصب فقط

ولما كنت موطي الجي ام وبعد كدة عليته واديت للصب طاقة الجي ام كلها !! قوة البيز فرقت جاامد جدا

وصدقني طالما دخلت في قصة سماعات وجي ام هتجيب صب عاجلا ام اجلا

!! اصله ادمان بعيد عنك !! ؟ وهتقول طب مادفع بقى زيادة حبة واخد بيز محترم !! ؟ وطالما دماغك دخلت في كدة يبقى مش هتخلص وبعد ماهتجيب الصب هتجيب صب اعلى واعلى وهكذا لحد ماتعتزل المجال كله

يعني انا مثلا قلت هجيب صب وجي ام للصب وهسيب السماعات زي ماهي حلوة ورضا على كدة !!

بعد ماجبت الصب قلت لا مانا اغير بقى السماعات عشان اسمع صوت نقي والعدة تبقى كملت

ومتاكد بعد ماهجيب السماعات هقول طب ماجبلها بقى جي ام عشان اخد صوت اعلى وهكذا

**eldell** · 22-05-2013 10:08 PM

المشاركة الأصلية كتبت بواسطة osamy

قصدي ان الفورمات بتاع الfile ال mp3 او ملفات الاغاني بصفة عامة بتبقى 2 تشانل left & right
يعني الصوت الي في السماعة اليمين غير الشمال ده قناة وده قناة
فكنت بسأل علشان اعرف هيبقى فيه فرق بين السماعات لما تتوصل front or rear ولا الفرق الوحيد في التحكم فيهم من الكاسيت وبس

على العموم انا دورت ولاقيت ان الاغاني كلها بتنزل
2 channels (stereo) مش surround (5.1 مثلا(
مش زي الافلام يعني

الاختيار الاول انا اقرب ليه برضه
بس ما قلتليش اعمل ايه في التركيب نفسه
وهل لو اشتريت من برة هيرضوا يركبوة في ادريان او كلاريون وبيركبوا بكام تقريبا

تقريبا مش بيركبو لوحده من غيير ماتشترى من عنده والسماعات تركيبها بيبقى 30

**osamy** · 22-05-2013 11:13 PM

المشاركة الأصلية كتبت بواسطة eldell

تقريبا مش بيركبو لوحده من غيير ماتشترى من عنده والسماعات تركيبها بيبقى 30

تمام يا باشا هحاول كده اروحلهم واشوف اسعارهم ايه
ولو تعرف حد كويس ونظيف يركبلي العدة لو هجيب من برة قولي

**eldell** · 23-05-2013 02:18 PM

اعرف واحد فى عابدين بتعامل معاه على طول وكل صحابى بيتعاملو معاه وحتى ناس من هنا اتعاملو معاه لو عايزنى اديلك العنوان نا تحت امرك

**osamy** · 23-05-2013 05:26 PM

المشاركة الأصلية كتبت بواسطة eldell

اعرف واحد فى عابدين بتعامل معاه على طول وكل صحابى بيتعاملو معاه وحتى ناس من هنا اتعاملو معاه لو عايزنى اديلك العنوان نا تحت امرك

تمام ابعتلي عنوانه وتليفونه لو امكن
ويارب يكون اشتغل في فيات جديد

انا شاكر ليك جدا

**Ahmod** · 23-05-2013 05:37 PM

المشاركة الأصلية كتبت بواسطة osamy

لا لا يا باشا انا عارف الDefault دي عندي الي هيه Rock & Jazz .....etc

فيه بقى واحدة Custom بيتعدل فيها 7 حاجات بعلي واوطي كل حاجة فيها فوق الخط وتحت الخط
(الي هيا تقريبا اخر واحده في الشمال مخصصة للبيز) وكل واحدة بيبقى مكتوب عليها MHz تقريبا زي 1000 MHz كده

----

انا عارف انه ادمان

.... انت عارف لو مش محتاج الشنطة كنت جيبته وش بس انا هبتدي بدول كده الاول وممكن ... ممكن يعني

اجيب الصب واشيلة في السفر علشان الشنط بس اشتري الاول السماعات والجي ام واشوف الحوار هيخش دماغي اد ايه

---

قولي ايه رأيك برضه في السيناريوهات الي انا كاتبها

لو انت بتسافر كتيير يبقى فعلا الصب هيعملك مشكلة !! اما لو انت زي اغلبية الناس مثلا اللى هو يسافر في الصيف مرة ولا مرتين سعتها مش مشكلة ممكن تشيل الصب من الشنطة

اما بالنسبة للسيناريوهات فانا رايي ان حضرتك تشوف الفرق في السعر مابين الجي ام ال 2 شانيل واخوه ال 4 شانيل

لو الفرق في السعر بسيط يبقى تيجيب ال 4 شانيل وانت مش خسران حاجة !! اصلا ممكن تركبه على السماعات اللى ورا بس وبعدها تركبه على كلو وتقعد تجرب لحد ماتوصل للصوت اللى انت عايزه

اما لو الفرق في السعر كبيير - ولو اني اعتقد ان الفرق مش هيبقى اكتر من 150 جنيه -

سعتها شوف انت عايز صوت شديد هتضطر تجيب ال 4 شانيل عشان تحط السماعات كلها عليه

غير كدة ال 2شانيل وتحط السماعات اللى ورا عليه وتسيب اللى في الابواب وممكن توطيها بحيث يكون معظم الصوت طالع من اللى ورا

والابواب مجرد بتديلك بس Surrounding للصوت لان اللى اتعود يسمع صوت من سماعات ابواب وسماعات خلفية

لما هتيجي تفصل سماعات الابواب وتركب الخلفية فقط هتحس ان الصوت جاي من ورا بس وهتضايق !!

**Ahmod** · 23-05-2013 05:39 PM

وعلى فكرة انا فيه ناس قالتلي لو جبت 4 سماعات دبل بيز محترمة مع جي ام محترم يقومهم !!

ده هيديلك بيز يغنيك عن الصب والبازوكا !! ؟ ولو اني اشك في ذلك الصراحة