أغيثوني أغاثكم الله

**smsm_nabawy** · 24-10-2011 09:58 PM

شبااااب !!!

أغيثوني أغاثكم الله !! :))

عربيتي النهارده بسخنها و بزود مياه ردياتير و مساحات و بشيك على الزيت لقيت التالي

1- كمية بخر أبيض غير مألوفة بتطلع من الفايظ بتاع الزيت !! "لا كمية أكتر من الأول بكتييير"

2- مقياس الزيت معدي الماكس !!!!!!!!!!! !

3- لمبة الزيت بعد مابدور بتلفضل قاعدة 3 ثواني : 5 ثواني منورة !! عكس الول مجرد منور تطفي على طول !!!

4-رعشة في الماتور غير معهودة !!!

=========================
مع العلم !!
أنا كنت بستهدم قبل كده موبيل ،، جت عليا فترة و غيرته ألى فيسكو ،، و بعد ذلك رجعت تاني حطيت موبيل أكس أتش بي !!

أما آخر تغيرة زيت ،ن كنت في طريق سفر ،، و معيش فلوس تكفي موبيل ،، أتضريت أحط التعاون !!

يا ترى أيه السبب ، و هل تغير الزيت كده ليه أثر ؟؟

و شكراً

**SHNORY** · 25-10-2011 02:33 AM

نزل الزيت في جركن وشوف العربيه فيها زيت قد ايه
دا مبدئيا بس كده
مش حضرتك تقريبا كنت عامل موضوع تاني ومغير جوان او حاجه في العربيه ؟؟

**nice_bird** · 25-10-2011 05:49 AM

الدخان الابيض
1- لو في الدوارة الصبح بس بيبقي من بخار المية والجو برد وكدا
2-لو علي طول في نقص في الزيت يبقي الموتور بدأ يخف شوية
3- لو مغير جوانات او العربية ضربت جوانات قبل كدا ممكن يكون وش السلندر مش مظبوط تماما وبيعدي نسبة زيت وتظهر اكتر لما تقرص عالعربية جامد

اما بالنسبة للمبة الزيت اللي يخليها تتاخر في الطفي
1- الفلتر نوعه سيء او عايز يتغير
2- سحب طلمبة الزيت ضغيف شوية

**Elawany13** · 25-10-2011 12:30 PM

سمسم ربنا معاك
هوه فايظ الزيت فين بالظبط ؟؟

**Ashraf_Ashraf** · 25-10-2011 02:12 PM

طالما غيرت الزيت على طريق سفر تاكد ان الزيت مضروب ده شئ بديهى
افضل شئ تروح حالا تغير الزيت والفلتر وان شاء الله هتلاقى كل شئ رجع لاصله شرط سرعه التغيير
واديك اتعملت درس لا تغير زيت ولا تمون من على اى طريق
وابقى طمنا

**mido51eg** · 25-10-2011 02:36 PM

المشاركة الأصلية كتبت بواسطة ashraf_ashraf

طالما غيرت الزيت على طريق سفر تاكد ان الزيت مضروب ده شئ بديهى
افضل شئ تروح حالا تغير الزيت والفلتر وان شاء الله هتلاقى كل شئ رجع لاصله شرط سرعه التغيير
واديك اتعملت درس لا تغير زيت ولا تمون من على اى طريق
وابقى طمنا

كلام سليم ياأشرف. بالأضافة لأن صاحب الموضوع بيقول ان الزيت معدي علامة الماكس ، معنى كده ان الزيت بيدخل على البوجيهات وبيتحرق مع البنزين وده اللي بيعمل الدخنة البيضاء. وبرضه هو اللي مخلي العربية تبرجل (متلتة) نتيجة ان ممكن تكون فيه شمعة بتاعة بوجيه الزيت مغطيها.
اللي حضرتك هتعمله :
1- تغير الزيت والفلتر في المكان اللي متعود تغير فيه. وبأكد على تغيير الفلتر كمان لأن اللي راكب معبي زيت من القديم اللي ممكن يكون مضروب ، وتتأكد من وصول الزيت لغاية علامة max وميعديهاش
2- تخلي الميكانيكي يفك البوجيهات وينضفها من بقايا الزيت ، والأفضل طبعا تغيرها.
تقبل مروري وتحياتي لكم جميعا

**madaxman** · 25-10-2011 02:42 PM

مش عايز أزعلك بس الموضوع دا حصل عندي ومبدأيا ناس قالتلي المكنه بدأت تبخر زيت

-

-

الموضوع: أغيثوني أغاثكم الله

LinkBack

أدوات الموضوع

عرض

أغيثوني أغاثكم الله - انشر الموضوع فى :

-

-

-

-

-

المواضيع المتشابهه

أغيثوني ياجهابزه الأوبل

أغيثوني الله يكرمكم عشان انا خلاص هتجنن

+-+-+-+-+-+-+-+-+ أرجوكم أغيثوني أعمل أيه في الخرابيش دي ؟؟؟

+-+-+-+-+-+-+-+-+ أرجوكم أغيثوني أعمل أيه في الخرابيش دي ؟؟؟

أغيثوني يا وحوش في مصيبتي في التكييف

الكلمات الدلالية لهذا الموضوع

المفضلات

المفضلات

ضوابط المشاركة