الموضوع: الاسترا الجديدة 2013 السيدان نزلت يا رجالة

المشاركة الأصلية كتبت بواسطة amraction

معلش.. انا مش متفق معاكو فى موضوع مبيعاتها ده لو بقت بالسعر اللى بتقولو عليه.. لسبب بسيط جدا..
الشعب المصرى ماشى بثقافه اشترى اللى بيحبو جارك مش اللى بتحبو..
الناس كلها دلوقتى بتشترى سكودا ايه فايف وباسات وجيتا.. نادر لما حد فيهم هيبص ايه تانى موجود ف الرينج ده..

طب ما الفورد فوكس الجديده اول فئه فيها بنفس اعلى فئه ف الالنترا الجديده.. وبرغم كده شوف كام فورد فوكس وكام النترا انا لو معايا 150 الف هجيب الفوكس.. بس مليون واحد قدامى هيجيب الالنترا.. اصلها هيونداى يا بيه وكورى والسوق بيحبها وسعر اعاده البطيخ وقطع الغيار واى هبل ف الجبل وييجو عند اول صيانه يتلبو سعر محترم عشان لسه العربيه 2012 ويقولك لا بس الاوروبى غالى ووحش... الناس ما بتحبش التغيير.. بتخاف .. شوف فيه كام لانسر شارك وكام لانسر كلاسيك وفى المقابل بنفس السعر كام رينو فلوانس..رغم ان الفوكس والفلوانس احسن من التانيين.. بس هيا ثقافه سوق غبيه

ده انت تسمع كلام عجب من الناس.. يقولك يا سلام.. هو فيه زي ركوبه الالمانى.. ابن جوز خالت بنت عمت ابو خال جدى كان معاه اوبل سى دى اكس.. كان فيه زرار للتخميس.. اى والله..(( يقصد التراكشن كنترول )).. تقوله تانى يوم انا اشتريت اوبل.. يقولك دى بنت %$^%& تيييييييت ووحشه.. تقوله ما خاله عمت ابو ام اللى جابوك كان عندها سى دى اكس اللى بتخمس بزرار.. يقولك لا بس كانت قرفاهم ومصاريف وبتسخن وصرفو عليها 50 الف كونيه عشان جالها اسهال فى حساس التربتوح..

بنفس المنطق ده الناس هتجيب اى حاجه وهتنسى ان فيه استرا سيدان او هاتش او ان فيه فيات برافو او بيجو 308 او رينو فلوانس

هي وجهة نظر بس اصبحت قديمه شويه الناس ابتدت تفهم والثقافه اتغيرت وعلى فكره اللى بيشترى اوبل او فورد غير بتاع الكورى واللي بيشترى اليابانى شخص اخر برضو والسكودا الناس كانت بتشتريها بسبب ان مفيش المانى بنفس السعر يعنى لو تفتكر ايام الفيكترا بى والاوكتافيا ؟؟؟ تقريبا كانت ١ لكل ٣٠ عربيه فيكترا فى المبيعات لأن السعر كان متقارب والناس حالياً اتصطمو فى قدع غيار الكوري واليابانى الجديد كانو عيشين على اسعار الفيرنا والكريستاله بس خلاص الاسعار الحقيقيه متقاربه للالمانى والمستقبل هيوضحلك كلامى الناس ابتدت تفهم