الموضوع: اكسنت rb جابت فتيس بعد اول 100 كيلو و موقف غريب من التوكيل

قدر الله و ما شاء فعل
و يا ريت يا أستاذ أحمد يبقي تعاملك مع التوكيل ده بصيغة إتخاذ قرار يعني :
أنا رايح في الضمان و عندي شكوي يبقي لو سمحتو غيرولي كذا مش خد أكشف علي العربيه
أنا كنت بتعامل معاهم كده و يا ريت التعامل يبقي ناشف عند اللزوم
بالتوفيق و إن شاء الله تكون بعيد عن المشاكل

احمد ربنا
اول مره غبور يعمل كدا

انا قلت هتدخل تشتم في غبور :d
حركة غريبة بصراحة ويشكروا عليها وعقبال منصور والتوكيلات التانية

المشاركة الأصلية كتبت بواسطة semsem kane

على فكرة توكيل تويوتا كان بيغير الفتيس , لانة عارف ان المشكلة من الفتيس وبعدين معلش عيب فتيس التويوتا كان بيبان بعد مسافة مش اقل من 20000 كيلو فطبيعى مش هيغير عربية بس كانوا بيغيروا الفتيس على حسابهم وبدون دفع اى تكاليف ومحصلش مع واحد ولا اتنين لأ دة حصل مع كل مالكى الفتيس ال mmt

علي فكرة أنا كنت واحد من الناس اللي معاهم الكورولا ال أم أم تي و اتغير الفتيس بتاعها 3 مرات و برضه العربية كان فيها مشكلة و كانت عاملة 20000 كم و مارضوش يغيروا العربية

كمان الياريس رفضوا يغيروا المساعد اللي ورا لما أشتكيت منه و في اول صيانة بعد الضمان كتبوا تقرير أن المساعد يتغير هنا طلعت لهم أوامر الشغل القديمة كلها فرجعوا في كلامهم و غيروه علي حسابهم

تاني نقطة ..
أنا مش بادافع عن هيونداي و لا حاجة لأني مش شريك مع غبور و لكن مش هو لوحده اللي سئ

علي فكرة ..
نسيت أقول لك أني أول ما أشتغلت سنة 1995 أشتغلت في توكيل الفتوح للسيارات بالكيلو 32 و مش عايز اقولك المعاملة كانت أزاي و النصب هناك كان ازاي لدرجة أن اللي كان بيدخل التوكيل في أول صيانة بيبيع العربية بعدها و يجيب مرسيدس

بس هيه الفكره ليه كل الناس بتقول لو كنت رخصت ماكنتش اخدت معاهم لا حق و لا باطل ايه السبب فى كده

ربنا يكون فى عونك يا ابو ليلى بجد ده انا يوم واحد و كنت على اعصابى مش عارف اقولك بجد غير ربنا معاك

المشاركة الأصلية كتبت بواسطة ahmedcar

بس هيه الفكره ليه كل الناس بتقول لو كنت رخصت ماكنتش اخدت معاهم لا حق و لا باطل ايه السبب فى كده

ربنا يكون فى عونك يا ابو ليلى بجد ده انا يوم واحد و كنت على اعصابى مش عارف اقولك بجد غير ربنا معاك

لا كنت هاتغير الفتيس في الضمان عادي
لكن سهولة التغير من صعوبته بيبقي علي حسب المهندس الفهلوي اللي بيحاول يوفر لغبور علي حساب العميل لكن ميغيرش دي مش بمزاجهم