حرام اللى بيتعمل فى العربيات الجديده .......

**Samir Elshahawy** · 13-07-2012 12:49 AM

المشاركة الأصلية كتبت بواسطة BuNsH_FoX

هنقول اى غير! حسبى الله ونعم الوكيل ..

لسة شايف فانتازيا 2012 بالورق بتاعها ومن غير نمر (معجونة ومتشالة على ونش) طب دية هيعملواا فيها اى هيظبطوها واقلب لزبونها !

**AhMeD MeTwAlY** · 13-07-2012 03:14 AM

وبيتعمل اوسخ من كدا بكتير يا ريت الي يشتري عربيه يبص علي عداد الكيلوهات كويس جدا لان فعلا المعارض بتسلم العربيات لسواقين يفحتوها الاول
كنت بشوف منصور وهو بينقل عربياته الربع نقل العربيات بحس ان بتفرج علي Need For Speed السواقين بيشدو مع بعض وحاجه تقرف
لسه شايف واحد النهارده معدي من جمبي في وسط المدينه والطريق مقفول اساسا اقل حاجه 80 ك/س
وعمال ياخد غرز بطريقه غبيه عمل رعب للناس

**koshary** · 13-07-2012 05:30 PM

المشاركة الأصلية كتبت بواسطة amr_azab

يا باشا انا مقصدش ابدا اني اشكك في كلام حضرتك ولا اي حاجة انا كنت بستفهم بس منك لاني اعرف ناس معاهة اكسيل وعمرالعربية معاهم ماعدت الـ140 كم /ساعة فانا كنت بستفهم منك ليس الا
وربنا يباركلك فيها ويكفيك شرها يارب

اساسا انا موتورى قبل ماعمل العمرة كان بيجيب 160 بس بعد ماعملت العمرة وفتيس وطقم دبرياج جديد كانت اخرها 165 بعدين اكتشفت ان الباب الثانى بتاع الكربيراتير بايظ جبت كربيراتير جديد العربيه فاقت جدا بعديها مره فى مره بقت تجيب ال 185 والفرامل اتحسنت عالسرعات العاليه لانى مغير طنابير وتيل هيونداى موبيس الاصلى وجايب مساعدين خلفى ماركة امريكانى بس مش فاكر اسمها بس الكلام ده انا صارف عالعربيه فوق ال 10 الاف جنية فى اققل من 7 شهور لو مكانتش عملت كدا انا كنت ولعت فيها فالكلام ده كلو بترجع لحالة العربيه وصيانتها يعنى انا بحط شل 10 الاف وبنزلو على 5 مثلا بيريح العربيه وبحط 92 علطول والكربيراتير بتاعها بياخد 80 وبيمشى عادى وبترجع للميكانيكى لو معاك ميكانيكى صح وموتور الاكسيل كويس مش وحش سااعات كتير بشد مع اكسنت 98 وبطلع منها بس لو انت راكب لوحدك فى العربيه اتفرج على موتور الاكسيل ده عامل ازاى انما لو محمل الموتور عزمو بيقل شوية

**S O P H O S** · 13-07-2012 05:35 PM

هي دي توكيلات مصر للاسف
ربنا يهديهم ويراعوا ربنا ..

**amagroup** · 29-07-2012 02:14 PM

انا شاري عربيت من غبور المنصورة كانت عاملة 9 كم يدوب لما نزلت في الميناء ومشت شوية وجيبها لي متشالة وده السبب اللي خلاني اتمسك بغبور رغم انه معملش خصم ولا خدت دوسات هدية او غطاء

**gebreel** · 29-07-2012 02:35 PM

اشهر معرض بيعمل كدة المصرية للاسف كنت على الصحراوي و 3 عربيات جداد بيشدوا مع بعض طول الطريق وانا راجع من اسكندرية لحد البوابات

و في معارض محترمة بتنقل على كساحات اي ماركة و دي انا بشوفها كثير بحكم شغلي قريب من ابو رواش و تعاملي مع محمد زكي كذا مرة

كثير الاقي وانا مروح من الشغل ونش عليه عربية واحدة بس و بيبقى كثير منهم هيونداي بس مش عارف لأنهي معرض

و واحد صاحبي يعرف واحد عنده معرض بيتفق هو و كام معرض ثانيين و يطلعوا لنفسهم كساحة ليهم كلهم

**rockana9112007** · 20-08-2012 02:28 PM

احب اضيف لكل اللى بيقولو بص على العداد

ان فى فيوز بيتشال بيفصل الكهرباء عن التابلوة ...عداد السرعة و المسافة وباقى العدادات اللى فى التابلوة ولما بترجعة العربية ولا اكنها مشيت كيلو واحد

وسلملى على الضمير

واحب اضيف انى شغال جمب مصنع دايو اللى فى اكتوبر ..وبشوف بصفة مستمرة عربيات زيرو خارجة من المصنع رايحة المعارض عن طريق السائقين مش كساحات واغلبهم شباب صغير

**koshary** · 20-08-2012 02:32 PM

المشاركة الأصلية كتبت بواسطة magoda

أنا مستغرب فعلا دنا أخرى 140 وببقى حاسس انى هتقلب بيها مع أول غرزة والعربيه خفيفة جدا متجبش السرعه ديه كلها

الحالة بتختلف من عربية لعربية ومن موتور لموتور وكمان الطريق ليه عامل اساسى يعنى عالمحور وانا رايح استحالة العربيه تعدى 160 وانا راجع بتعدى بتوصل لحد 170 وساعات مبتجيبش اكتر من 160 بس الحمد لله مادام بتعمل صيانة للموتور كويس مش هيقول لا وخصوصا لما بتبقى لوحدك الموتور بيجرى بغباء

**Magoda** · 21-08-2012 09:10 AM

[quote=koshary;3874431455]اساسا انا موتورى قبل ماعمل العمرة كان بيجيب 160 بس بعد ماعملت العمرة وفتيس وطقم دبرياج جديد كانت اخرها 165 بعدين اكتشفت ان الباب الثانى بتاع الكربيراتير بايظ جبت كربيراتير جديد العربيه فاقت جدا بعديها مره فى مره بقت تجيب ال 185 والفرامل اتحسنت عالسرعات العاليه لانى مغير طنابير وتيل هيونداى موبيس الاصلى وجايب مساعدين خلفى ماركة امريكانى بس مش فاكر اسمها بس الكلام ده انا صارف عالعربيه فوق ال 10 الاف جنية فى اققل من 7 شهور لو مكانتش عملت كدا انا كنت ولعت فيها فالكلام ده كلو بترجع لحالة العربيه وصيانتها يعنى انا بحط شل 10 الاف وبنزلو على 5 مثلا بيريح العربيه وبحط 92 علطول والكربيراتير بتاعها بياخد 80 وبيمشى عادى وبترجع للميكانيكى لو معاك ميكانيكى صح وموتور الاكسيل كويس مش وحش سااعات كتير بشد مع اكسنت 98 وبطلع منها بس لو انت راكب لوحدك فى العربيه اتفرج على موتور الاكسيل ده عامل ازاى انما لو محمل الموتور عزمو بيقل شوية[/quote]

لأ حقك تجيب بيها ال 200 كمان أنا أصلى من النوع اللى مش بحب السرعات العالية يعنى يوم مجابت ال 140 مكنتش انا اللى راكبها جبت واحد صحبى من محبى الجرى يجبلى أخر ها بس كانت خفيفة وكنت ع المحور ساعتها
ربنا يباركلك فى عربيتك وزى منت مهتم بيها هيا برضه هتديك الأداء الصح

الموضوع: حرام اللى بيتعمل فى العربيات الجديده .......

LinkBack

أدوات الموضوع

عرض

-

-

-

-

-

-

المواضيع المتشابهه

أيه اللى بيتعمل فى صيانة الـ 20000 ؟

ايه اللى بيتعمل فى صيانه ال 100,000 للاسترا

عايز اعرف ايه اللى بيتعمل فى صيانه ال 60 اللف للنوبيرا

ايه اللى بيتعمل فى صيانة ال 5000

مش حرام الي بيحصل في العربيات في مصر ؟

الكلمات الدلالية لهذا الموضوع

المفضلات

المفضلات

ضوابط المشاركة