الموضوع: مقارنه بين الوجان والساجا

المشاركة الأصلية كتبت بواسطة wassof

انا اصلآ استحاله اجيب ساجا لي سبب ان توكيلها من اعفن التوكيلات في العالم ناهيك عن قطع غيارها مش موجوده اصلآ
بس سؤال من حضرتك حقيقي الوجان زي ما الفديو بين كده فيها من عند العتب زي لحام كده عامله زي الفرق
وكمان حقيقي الكلاكس بتعها في دراع النور ؟
وكمان هل تحرك الكرسي امامي وخلفي فقط ولا بيعالي ويوطي ؟ لي اني انا طويل وطولي 185 سم فابتالي عايز عربيه من الامام وسعه

إللى أعرفه إن البروتون عموما ماليزي، وأكتر من كده معرفش ولا عمري ركبت ساجا، لاكن 95% من إلل في الفيديو بخصوص اللوجان كلام فارغ وتقطيع في العربية وخلاص (إللى عامل الفيديو الأب الروحي لبروتون ولا ساجا في مصر، معرفش يعني إيه أب روحي دي، ومحدش من البروتوناويه يزعل)

المفيد..
لحام العتب، آه فيه لحام، بس العربية مش نصين والكلام الفارغ ده، هو توكتوك، ده لحام للصاج الخارجي مش الشاسيه ومش بيكون ظاهر ولباب مقفول، نوع من أنواع خفض التكلفة ومش عيب تتأثر بيه، بس إحنا الشكليات بتفرق معانا زياده عن اللزوم!!!

الكلاكس في دراع النور آه، وده مش هيتم غصلاإصلاحه لأنه مش عيب أصلا، هي العربية تصميمها طده، مستعد تتعود عليه وده مش صعب خلاص، مش مستعد تتعود عليه ديي ترجعلك.

الكرسي بيطلع وينزل ظرا وقدام وكله، وكمان الدركسيون بيطلع وينزل. أنا طولي 195 ومرتاد جدا وممكن حد متوسط الطول 170 مثلا يقعدورايا وميبقاش مدايق كمان.

إيه رأيك بقى؟ إللي في الفيديو صح ولا غلط؟

معلش سؤال حضرتك عن الكلاكس معناه إنك متفرجتش على العربية ولا قعدت فيها، نصيحتي إتفرج على لوجان في أي معرض وشوف الساجا على الطبيعة برضه، هتعرف تاخد قرارك من مغير ما أي كلام أو أي فيديو يوديك ويجيبك.

فكره ياوسوف باشا، لو قلبت كويس في المنتدي هتلاقي كلام كتير عن عيوب اللوجان قبل مميزاتها، أنا عن نفسي لما جيت أشتري فضلت أقرا، الجميل إن العيوب كلها معروفة وسها التغلب على معظمها إن لم يكن كلها لأنها مش عيوب جوهرية، كلها من نوعية مكتن الأزرار ومكان الكلاكس إلخ
صدقني مش هتحس بالكلام ده بعد ما تسوقها 500 كم

فيه مشكلة سخونيه، قتلت بحثا وليها حلول كتير وكلها بسيطة مش طل الناس بتحس بيها كمان، سخنية في الصالون مش الموتور

متستسلمش لفكرة إنها عربيه مقلب، صدقني التعصب في العربيات غلب التعصب في الكورة في بلدنا، كل إللى عليك إقراءء كتير عشان تعرف فعلا إيه العيوب إللى عليها إجماع مش عيوب فرديه أو معموله إسفين لضرب سمعه العربية وإتفرج على كل العربيات إللى بتقارن بينها على الطبيعة، أنا مبدأتش أفكر في اللوجان غير لما شوفتها على الطبيعة ومكانتش في حساباتي نهائي، وقبل كل ده الإستخاره.وعل

بصراحة العمل الفيديو دا حسبى الله ونعم الوكيل فيه.وبس. وبالنسبه للحام شفته فى عربيه فوليكس السيدان حديثه.تحت الفبره.

وبالنسبه للساجا فيه مشكله فى المساعدين الكل بغيره.لماذا؟؟؟؟؟؟؟؟؟؟؟؟؟؟� �؟؟؟؟؟؟؟؟؟؟؟؟؟؟؟

أولاً هذا الفيديو غير حيادى بالمرة لأنه لم يذكر أى عيوب للسيارة ساجا وبالعكس ذكر بعض العيوب الغير موجودة بالسيارة لوجان
وبالنسبة لموضوع اللحام فعلاً موجود ولكنه موجود فى الصاج الخارجى فقط لأنك اذا نظرت الى الشاسية من اسفل لن تجد هذا اللحام وهذا اللحام موجود فى أنواع أخرى من السيارات وليس اللوجان فقط .
وأنصحك أخى الكريم أن تشاهد السيارة التى ستشتريها وتعاينها بنفسك وان تجلس بداخلها لتحكم أنت بنفسك على مدى أرتياحك وربنا يوفقك للأخيار السليم .

موضوع فيديو المقارنة ده اترد عليه 100 مرة لدرجة انه اخد ازيد من حجمه
والغريب ان كل شوية واحد يفتح موضوع جديد ويتكلم عن نفس الفيديو مع ان الناس ردت سبعين مرة فى مواضيع فى قسم اللوجان وقسم المقارنات بس نرد للمرة الواحد وسبعين علشان الناس اللى عاوزة تشترى العربية

1- موضوع الكلاكس: اغلب العربيات الفرنساوى الكلاكس فى الدراع من اول عربية سوقتها فى حياتى (بيجو 305 موديل 1984) لغاية الداستر 2012 اللى معايا دلوقت وانا واحد من الناس اللى ببدل بين عربيتين (الافيو والداستر) ودى الكلاكس غير دى وبعرف اضرب كلاكس بيهم هما الاتنين والحمد لله

2- موضوع اللحام: وده اكتر حاجة بتزعلنى من الناس انى الاقى انسان ممكن يصدق ان فى عربية حتة واحدة او من غير لحمات او يقولك على عربية دى نصين علشان لقى مكان اللحام
الحقيقة اللى المفروض اننا كلنا نعرفها ان أى عربية مش نصين لأ دى تسعين حتة وملحومين فى بعض وافتح اى فيديو على اليوتيوب عن تجميع عربية ايا كانت مركتها وشوف العربية دى وهى حتت صاج وبتتكبس تاخد شكلها وبعدين تتلحم مع بعض (كل العربيات اللى فى الدنيا كدة حتى الساجا برضه حتت وملحومة فى بعض)

3- موضوع السخونة وده سببه ان العربية أوروبي واساسا اهتمامهم بالتكييف السخن مش البارد علشان كدة عاملين موضوع الماسورة اللى عاملة المشكلة دى كلها ودي وظيفتها انها تدخل دورة مياة الريدياتير لغاية التابلوه علشان التكييف السخن وناس كتير هنا فى المنتدى لغوها واتحلت المشكلة والحمد لله

4- ودي اهم نقطة
الكمال لله وحده ومفيش عربية كاملة اللوجان ليها مميزات وعيوب والساجا ليها مميزات وعيوب ولازم اللى بيشترى يختار العربية اللى مميزاتها بالنسبة له مش بالنسبة لحد تاني اكتر من عيوبها (اللى الساجا انسب بالنسبة ليه يشتريها واللى عجباه اللوجان اكتر يشتريها) من غير فيديوهات عبيطة عاوزة تقنع الناس بان اللوجان هتنقسم نصين لو خدت مطب جامد