الموضوع: مقارنه بين الوجان والساجا

المشاركة الأصلية كتبت بواسطة spider_007

زي ما كل الناس ردت مش هازود كتير بس
1-موضوع الارتفاع و الدركسيون و ركبته اللي بتخبط في الدركسيون اولا انتا عندك اوبشنين :
1.انك تعلي و توطي الكرسي زي ما تحب و اكيد طبعا تقدمه و ترجعه دا مفروغ منه
2.انك تعدل ارتفاع الطاره اصلا او توطيها زي ما تحب و ما اظنش ان الاوبشن دا موجود في الساجا و الا كان اتكلم عنه و الله اعلم
2-موضوع الكلاكس و الكلام ده انتا بالظبط مشيه واحده و هاتتعود عليها ان شاء الله
3-اصلا اللي صاحب الفيديو اغفله ان في الساجا لو اخدت بالك شوف اماكن الانوار فين (في الكونسول) مقارنة بدراع الانوار اللي في ايدك علي طول في اللوجان و دا بيعوض حتته الكلاكس
4-الازاز اللي في الكونصول في اللوجان اه في الاول هاتستغربه بس برضه مشيتين و هاتتعود عليه مع العلم ان دا بيديك كمان ميزه قليل اللي ياخد باله منها انك لو راكب و في حد جنبك تقدر و هو تفتحو الازازين لأنه في النص ما بينكم علي عكس لو كان ناحيتك انتا بس
5-موضوع اللحام اترد عليه اكتر من مره و اتقال انه من بره بس مش في الشاسيه و لو انتا فكرت شويه شوف فرق الطول اصلا بين اللوجان و الساجا هتلاقي ان اللوجان اطول فمحتاجه يمكن شيتات اكتر و ان كان دا فعلا المفروض يداروه
6-اللوجان فيها برضه مرايات كهربا بس العربيه زيرو و مع احترامي ليه هوا يمكن لسه ما يعرفش مكانه فين و في كمان 4 ازاز كهربا مش اتنين بس
حاجات تانيه بقي هوا ما اتكلمش عنها
1-اللوجان 1600 سي سي ..... الساجا 1300
2-اللوجان 90 حصان(عند5500) ...... الساجا 94 حصان (بس عند 6000 rpm)
3-العزم128ن.م (عند3000) ......... الساجا 120 ن.م (عند4000 rpm)
طبعا غير فرق المساحات و فرق مساحة الشنظه تشيل اد ايه للعلم اللوجان من اكبر العربيات في فئتها في مساحة الصالون و الشنطه ان لم تكن الاكبر
بس و دي كلمة حق تقال ان فيها بعض الحاجات اماكنها مش كويسه زي مثلا مكان بكرة مستوي النور انا شايف ان مكانها مش مناسب هنا و كمان الفرش شايفه مش حلو اوي بس دي حاجه بايدك تغيرها , الدواخل يمكن مش عجباني اوي يمكن عشان انا مهمل عربيتي شويه بس بنسبالي موتورها و عزمه مرضي جدا انا كنت بالعب ع الرمله بيها اصلا
بس لو انتا مش هاتجيب ساجا ولا بتفكر فيها اصلا سيبك من الفيديو دا و ركز انتا عاوز لوجان ولا لأ و اسأل الناس كلها هنا هاتساعد ان شاء الله و ما هايصدقوا يخدموا و انزل معرض او روح اي فرع من فروع رينو و اركب العربيه و جربها و اتأكد من الكلام اللي قولتهولك دا و شوف فرق الموتور بتاعها عامل ازاي و استهلاكه و رنا يكرمك و يكتبلك الخير بنسبالك و يكفيك شرها
ملحوظه: انا العربيه دي عملت بيها حادثه محترمه و صلحتها و الحمد لله العربيه شالت عني (الحادثه كنت معدي160) و بفضل الله نزلت منها واقف علي رجليا من غير أي كسور مفيش بس غير ان الازاز عورني تعويره صغيره و الحمد لله و اكيد كدمات خفيفه في الرقبه

بعيداً عن المقارنة الممتازة دي
بس ممكن اعرف حادثة ايه دي اللي كانت على 160 بعربية لوجان ؟؟
طبعا بعد الشر عنك والف سلامة عليك بس يهمني اعرف الحادثة دي ايه بالظبط

http://www.nilemotors.net/Nile/294134-a-2.html
ردا على طلب المقارنه