ماتور استيراد

**ahmad_salama** · 11-07-2012 07:58 PM

ابيزا 94 هاف انجيكشن
عاوز اسقط ماتور فول انجيكشن بالتكيف

السؤال الاول هينفع ماتور 1600 من غير ما اغير حاجات تانيه؟؟

السؤال التاني منين (ياريت حد معين) وبكام وايه نصايحكم ؟؟

**windofchange** · 11-07-2012 08:23 PM

الموتور اساسي يجي بفتيسه وضفيرته وكنتروله وطقم التبريد يفضل تغييره بالطقم الكبير اللي جاي معاه وده بالنسبة للموتور ال75 حصان فيه 100 حصان بس قليل فالسوق بيسموه الفهد وده كنت هتحتاج تغير عفشة معاه امامي وخلفي واول حاجة في تغيير العفشة اساسي ..... الفرامل ,,,لكن ال75 حصان مش هتغير حاجة فالعفشة والله اعلم وال75 حصان الانجكشن كوده alm او aee

**ahmad_salama** · 11-07-2012 08:35 PM

المشاركة الأصلية كتبت بواسطة windofchange

الموتور اساسي يجي بفتيسه وضفيرته وكنتروله وطقم التبريد يفضل تغييره بالطقم الكبير اللي جاي معاه وده بالنسبة للموتور ال75 حصان فيه 100 حصان بس قليل فالسوق بيسموه الفهد وده كنت هتحتاج تغير عفشة معاه امامي وخلفي واول حاجة في تغيير العفشة اساسي ..... الفرامل ,,,لكن ال75 حصان مش هتغير حاجة فالعفشة والله اعلم وال75 حصان الانجكشن كوده alm او aee

شكرا يا باشا بس متعرفش حد معين في الحرفين اجيب منه وانا مطمن ؟؟

**ahmad_salama** · 12-07-2012 01:02 PM

هو ينفع اسقط شورت بلوك 1600 بالتكيف ؟؟
مع العلم ان الماتور الي عندي ناس قالتلي 1300 وناس قالتي 1400 والي مكتوب في الرخصه 1400

ارجو النصيحه بحيث اني مغيرش اي حاجه في العفشه ولا الفرامل وعاوز اوفر الحلول

**ahmad_salama** · 12-07-2012 02:36 PM

ايه الاخبار يا بشمهندس SYD ويا بشمهندس Ehab_mansour ؟؟؟

محتاج نصايحكم

**SYD** · 12-07-2012 05:57 PM

بص يا باشا

ان عربيتك ابيزا 94 ؟؟
غالباً بنسبة 90% هتكون بالموتور الأستوك 1300 سي سي هاف انجيكشن

مع الأسف لو هتغير فانت هتغير الموتور كله
وامامك احد الخيارين

يا أما 1400 انجيكشن ومش هتغير اي حاجة ولا حتي الفتيس
يا أما 1600 انجيكشن وهتغير عفشة وفرامل وفتيس

ال1400 هتجيب موتور بالكنترول والضفيرة
مش هتتكلف اكتر من 3000 - 3500 بالكتير

ال1600 هتجيب موتور بالفتيس بالعفشة بالفرامل وهتغير طرمبة بنزين وقواعد موتور
مش هيتكلف اقل من 4500 - 5000 الموضوع كله

بالنسبة لقطع الغيار
ال1400 متوفرة جدا لتشابها الشديد مع قطع غيار المكنة ال1000

ال1600 اغلي شوية واقل شويتين

انا من رأيي خليك في ال1400 للتكلفة وكمان قطع الغيار

والله المستعان
،
،

**SYD** · 12-07-2012 06:09 PM

المشاركة الأصلية كتبت بواسطة ahmad_salama

خلاص نخلينا في ال 1400
*ياتري السعر الي هو من 3000 ل 3500 ده الماتور بالتكيف ولا ماتور بس؟؟ ولو من غير اومال بالتكيف يبقي كام ؟

*ياتري لو جبت شورت بلوك بس ده كفايه ولا مش هينفع ؟ خاصة ان باقيت ادوات التغذيه عندي مش عاملالي مشاكل خالص؟ وياتري في شورت بلوك بتيجي بالتكييف بتاعها ؟؟

لا السعر ده سعر الشورت بلوك فاضي تماما بالكنترول والضفيرة
الشورت ب2500 + 250 كنترول + 150 ضفيرة الأنجيكشن

مش عارف والله هينفع تركب الشورت بلوك علي نفس ادوات التغذية بتاعتك ولا لاء

لو حابب
انا ممكن اديلك رقم تليفون الميكانيكي بتاعي تسأله وهو هيفيدك جامد في موضوع اداوت التغذية بتاعة المكنة ال1300 تنفع ولا لاء

بس انا اعتقد انه مش هينفع
الأسبراتير مبدئيا مختلف
الموبينة مختلفة
المارش هتلاقيه ثابت
طرمبة المياة مختلفة

وعموما بردو اسأله وشوف هيقولك ايه

لو عايز
ابعتلي علي الخاص

والله المستعان
،
،

**SYD** · 12-07-2012 06:17 PM

التكييف حواره كبير ولو عايز تكييف يبقي هتصرف كتير عشان يبقي مظبوط

مبدئيا طالما هتغير مكنة

يبقي حضرتك هتجيب نص كامل علي بعضه وتفضيه في عربيتك

هتجيب نص 1400 انجيكشن مكيف (مش هتفرق نص بولو او نص ابيزا)
بس يستحسن نص ابيزا عشان تستفاد بكبوت واكصدام وفوانيس وشبكة وكساحة ورفارف

النص هتجيبه بالطابلوه وعصاية الفتيس والدواسات والطارة ودراعات المساحات والمساحات نفسها
كأنك بتشتري نص عربية كاملة مش ناقصها فتفوتة

ليه النص ؟؟؟

لأنك عايز تلاجة
كويل
مواسير وخراطيم ووصلات
طقم تبريد
كباس

لو هتشتري الحاجات دي مفرطة مش اقل من 3000 - 3500
+ ثمن الماتور 3000 - 3500

لا انا ازود 1000 واجيب نص كامل (كورسيليه) ب 8000 جنيه وهبقي عدلت الشكل من 94 ل 98 واستفدت بقطع غيار كتير أضافية زي فتيس و عفشة وفرامل وخزان مياة وخزان باور وخزان فرامل وخزان مساحات وجميع أدوات التغذية وباور وعلبة دريكسيون وقنطرة وقواعد وكل محتويات النص

وخلي بالك كبوت ال94 مختلف عن ال98 وبالتالي انت هتبقي غيرت العربية كليا

وبالتوفيق

وفي رأي تاني

انك لو هتصرف 10,000 نص بالمصنعيات يبقي تحطهم فوق ثمن عربيتك وتشتري عربية ابيزا 99 كاملة مكيفة علي ابوها ويمكن توفر كمان 1000 ولا 2000

والله المستعان

،
،

الموضوع: ماتور استيراد

LinkBack

أدوات الموضوع

عرض

-

-

-

-

المواضيع المتشابهه

ماتور استيراد...

ماتور لادا 1500 استيراد

اثبات ماتور استيراد علي الرخصة

عمرة ولا ماتور استيراد للفليشيا

عمرة ام ماتور استيراد

الكلمات الدلالية لهذا الموضوع

المفضلات

المفضلات

ضوابط المشاركة