فتيس النوبيرا الكورى

**mummy_47** · 23-06-2008 12:43 PM

انا فيه ميكانيكي كويس جدا ايضا اكتشفته بالصدفه لما كنت رايح اغير زيت الفتيس الاوتوماتيك بتاع عربيتي النوبيرا في مركز الكويت والبلاد العربية والذي اتضح لي انه غالي كثيرا علاوة على انه معندوش امكتنيات زي ما انا كنت فاكر..ده انا سمعته بيقول لعربية جنبي انها محتاجة تغيير سير كاتينة ب 800 ج يمكن اكون سمعت غلط..لكن لما قلتله اني عايز اغير زيت الفتيس (على فكرة عربيتي كوري) قالي لازم تيجيبلي الجوان بتاع الفتيس..قلتله اجيبه منين..قالي مش عارف..وبعدين حسيت انه بيشتغلني كتير..قالي هغيرلك الزيت على الجوان القديم وبعد 500 كيلو تيجي نغير الزيت تاني..فرحت ماشي على شارع العشرين وسالت على ميكانيكي بتاع فتيس اوتوماتيك فدلوني على واحد اسمه /علي السماني ت0106333504/0101455376 ولما شفته اتضح انه كان الميكانيكي بتاعي اللي كنت بتاعمل معاه قبل كده وهو فتح ورشة ومركز خدمه ماشاء الله وعنده الكمبيوتر اللي بيقرا العربية الكوري وكل العربيات وكمان بيشتغل في المرسيدس والشبح وكويس جدا جدا..وكمان عنده مكبس الجلب في ثواني كان شايل الجلب القديمة وحاطط الجديدة واسعارة كويسه .يعني انا غيرت زيت الفتيس الاوتوماتيك وغيرت تيل فرامل امامي وفلتر بنزين وفلتر هواء ونظفلي فلتر التكييف ب 150 ج..

يرجى من السادة الاعضاء عدم اغراق المواضيع الاخرى بمناقشات فرعية... برجاء فتح مواضيع منفصلة لمناقشة تساؤلاتكم

مشرف القسم

**ads** · 23-06-2008 04:04 PM

عملت ايه فى الجوان لاقيته ولا لاء وايه نوع الزيت الى حطيطه

**mummy_47** · 23-06-2008 04:09 PM

الجوان طلع سليم لكن لو مكنش سليم كان عنده جوانات وكل شئ متوفر لاني لاحظت ان العربيات النوبيرا الكوري كثيرة هناك..بالنسبة للزيت فكان موبيل

**ads** · 23-06-2008 04:13 PM

يعنى انتا فكيت الكرتيره ونضفت الفالف بودى

**mummy_47** · 23-06-2008 04:16 PM

ايوه طبعا فك الكرتيره ونظفها وشاف المصفاه ولاقها نظيفة مفيهاش شوائب

**mummy_47** · 23-06-2008 04:18 PM

وخلي بالك ان الفتيس الاوتوماتيك وخصوصا في النوبيرا 2 الكوري لاحظت ان وضعه غريب ومقرف جدا..يعني مش سهل انك تغيره وتركبه بسهوله كمان ملهوش مقاس زي العربيات الثانية الاوتوماتيك فكان لتزك ينزل تحت العربية ويحط زيت وبعدين يقيس يدوي عن طريق فتحة تحت ..

**ads** · 23-06-2008 04:18 PM

واضح انك معاك نوبيرا كورى اوتوماتيك ورده الخارج ممكن توصفلى مكانه فين بالظبط

**mummy_47** · 23-06-2008 04:21 PM

ايوه صح هي نوبيرا 2 اوتوماتيك كوري من بورسعيد...
العنوان هو:32 ش المساكن-العشرين-فيصل

**ads** · 23-06-2008 04:34 PM

المشاركة الأصلية كتبت بواسطة mummy_47

ايوه صح هي نوبيرا 2 اوتوماتيك كوري من بورسعيد...
العنوان هو:32 ش المساكن-العشرين-فيصل

بقالك اد ايه مغير الزيت وهل حسيت بفرق بعد تغيره وتنضيف الفالف بودى

**mummy_47** · 24-06-2008 09:37 AM

انا بقالي دلوقتي حوالي شهر تقريبا...انا محستش بفرق عن التغيير لاني غيرت الزيت في ميعاده بعد حوالي 40 الف وكان طالع نظيف..الفرق يحصل لما اكون مغير الزيت بعد فترة طويلة فيؤدي الى تاخير في النقل وتقليل عزم السيارة.