الموضوع: لغز اسمة fsv

المشاركة الأصلية كتبت بواسطة ikshanh

ارجو الافاده هل اقوم بشراء السيارة بالاخص انا هشتريها مستعملة مش معاية اجيب منها جديد هل هى بتستحمل يعنى ولا بعد كام الف كيلوا بتبقى استهلكت خاصة انى ببيع صنى عشان اجيبها اتوماتيك ارجوا الافادة بأمانة

اخى الكريم
العربيات البريليانس عربيات فعلا محترمه
صاج تقيل وعافشه كويسه وثبات وقطع غيار متوفره بره التوكيل انا بتكلم بشكل عام
معايا انا frv العربيه انا بصراحه بعاملها معاملة قاسيه ماشى بيها 160000كم خلال 4 سنين يعنى 40000كم فى السنه وده معدل كبير المهم خلاف الصيانات العاديه معملتش مشاكل والحمد لله
هيا حاليا عاوزة شغل فى العافشه علشان حالة طرقنا الجميلة فى مصر بس انا عاوز اقولك ببساطه كده على العافشه وبالتفاصيل
المقص الأمامى كامل ب 350 جنيه
المساعد الأمامى الجوز ب 700 جنيه
المساعد الخلفى الجوز ب 500 جنيه
جلب مقص جوز بلحه ب 60 جنيه
جلب مقص كبيره جوز ب 80 جنيه
بيض المقص الجوز 150 جنيه
بطاحة المساعد الجوز ب 120 جنيه
رأس الكوبلن 250 جنيه
بارة الدريكسيون الداخليه الجوز 160 جنيه
بيض دريكسيون ب 60 جنيه
تيش ميزان ب 75 جنيه
كده تقريبا 2350 جنيه وتغير العافشة كلها وده انا محتاجه بعد 150000كم
اعتقد هايل جدا واسال عن سعر اى عافشه عربيه فى السوق فى نفس مستوى العربية دى او حتى اقل منها ومش حتلاقى الأسعار دى نهائى
الطنابير ب 400 جنيه المانى
التيل الأمامى 180 جنيه بولندى
التيل الخلفى 250 جنيه بولندى
الفلاتر
البنزين ب 45 جنيه كل 30000كم
الهواء ب 40 جنيه كل 20000 كم وبيتنضف
التكيف ب 60 جنيه كل صيف وبيتنضف
سير الكاتينه بوش ب 180 جنيه ل 50000كم
سير الدينمو والتكيف ب 100 جنيه لكل 20000كم
البوجيهات 55 جنيه
بليه الكاتينه ب 55 جنيهمع سير الكاتينه
الدينمو ب 650 جنيه
وكل قطع غيارها بره التوكيل متوفره والميكانيكيا بيشتغلو فيها كويس جدا
اعتقد انت بقه تقدر تحكم انت عاوز ايه
اما كونك حتغير من عربيا نيسان صنى
فعربيتك بردك محترمه والسؤال انك حتغير من عربيتك لعربيه مستعمله اعتقد قيم حالة عربيتك اولا وشوف هيا عاوزةايه وممكن تكمل بيها طالما حتركب مستعمل وطبعا دى حريه شخصيه
استخير ربنا واطمن من البريليانس
وربنا يوفقك