باركولى

**Sindibad** · 12-07-2012 11:36 AM

السلام عليكم

انا أصبحت من الهيواندويه من أمس - يارب يكون اختيار موفق

اشتريت النترا 2012 - fully loaded - اللى هى ب 159 الف جندى - لكن مستعملة - وعامله 2000 كم بس - لونها اسود - وبحالة الزيرو - وبسعر معقول جدا - انطباعاتى الأوليه وانا ركبت كتير من السيارات من اول الصينى والماليزى الى الاوروبى واليابانى والأمريكانى وبالذات فى العمل انها فخمه وتعطيك احساس بانك راكب سياره مميزه جدا - السياره بتعطيك احساس انها مش خفيفه زى الموديل اللى فات - التكييف ممتاز - الأوبشنز حلوه لكن كان ناقص فيها حاجات بسيطه لكن مهمه زى نواكل على احرف زجاج الابواب زى الجيتا كده - وان صوت الكاسيت يوطى مع وضع الرجوع للخلف علشان تسمع صوت الباركنج سنسور - مفيش اى بى دى EBD لكن الفرامل ممتازة
لكن فى المجمل السياره تستاهل - الشكل الخارجى ثورى وهيعيش على الأقل خمس سنين لحد ماتحس انه اصبح قديم - الأوبشنز الموجوده اللى عاجبانى الزينون العالى - الفرش الجلد جميل - البصمه فعلا حاجه مريحه وخاصة لما يكون فى ايديك حاجات - السياره واسعه ومريحه الى حد كبير والباب الامامى بيفتح بزاويه كبيره والدخول والخروج سهل

لسه التقييم العادل والمنصف هعمله بعد ماأمشى بها على السريع واشوف العزل واستهلاك البنزين والحاجات دى وهبلغكم بكل تفصيله صغيرة مع صور لكن مبدأيا الأستهلاك اللى موجود فى الشاشه بيقول انها موفرة - اللى ملاحظه لغاية دلوقتى الباور صحيح انه خفيف لكن تحس بمقاومة لما تييجى تحود وترد تانى مش عارف دى طبيعيه والا السياره محتاجه ضبط زوايا هنشوف

انا فى العمل حاليا ومابركبهاش كتير لكن لما اروح هعمل التقرير مفصل بأذن الله

م/طارق منصور

**fanky_fanky** · 12-07-2012 12:07 PM

الف مبروك وربنا يديك خيرها ويكفيك شرها .. ومستنين التقرير
مبروك مرة تانية :)

**ahmedkhairy** · 12-07-2012 12:34 PM

الف مبروك

**HAITHAM1985** · 12-07-2012 12:37 PM

مليوووووووووووون مبروووووووووووووك

**Samir Elshahawy** · 12-07-2012 12:40 PM

ألف مبروك و ربنا يبارك لك فيها و يؤتيك خيرها و يكفيك شرها و شر الطريق

و أن شاء الله يكون أختيار موفق و مرحبا بك نجم جديد من نجوم هيونداي و منتظرين منك تقرير شامل عن العربية باذن الله

**Sindibad** · 12-07-2012 12:47 PM

شكرا لكم ولحسن استقبالكم فى هذا القسم
أرجو انى أفيد واستفيد من واقع خبراتى كمهندس ميكانيكا ومن واقع اهتماماتى بالسيارات عامة

ان تقريبا قرات كل المداخلات عن تلك السياره وهارد على كل الأنطباعات الأيجابيه والسلبيه بكل حياديه حتى يستفيد الكل ان شاء الله

وتحياتى لكم جميعا