مطوب ميجان 2007 بحالةممتازة أوجيدةجداً

**abdelshafy85** · 13-07-2012 01:15 AM

السلام عليكم ...
انا بدور على ميجان 2007 هاتشباك حالتها كويسة او سيدان هاى لاين بانوراما , بقالى حوالى شهر ولسة ملقتش حاجة كويسة.
فكرت فى 2005 أو 2006 بس مش ميال ليهم عشان نفسى فى الشكل الجديد ولو كانت هاتشباك تبقى تمام اوى بس طبعاً الهاتشباك نادرة جداً جداً
انا معايا فى حدود 65 الف ومش عارف اذا كان المبلغ يجيب حاجة بالمواصفات المطلوبة ولا لاء.
أنا شفت حاجات كويسةعلى النت بس للأسف الموضوع مكانش بيكمل وكمان عندى مشكلة انى ساكن فى طنطا وعشان انزل كل شوية أشوف عربية فى القاهرة هيبقى الموضوع صعب شوية.
لو فى حد ظهر أدامه عربية كويسة يا ريت يتواصل معايا
وفى سؤال يا جماعة هيا الميجان بتنزل بفرش جلد أو جلد فى قماش ولا كل الموديلات فرش قماش بس ؟؟؟؟؟؟؟؟

ده تليفونى لو حد عنده حاجةكويسة 01009575145
وشكراً على الاهتمام

**تامر.محمد** · 13-07-2012 06:04 AM

اظن 65 على 2007 بانوراما قليل شوية

الفرش على حد علمي فيه جلد و فيه قماش حسب الفئة

**MohammedAladel** · 13-07-2012 06:06 PM

مبدئيا المبلغ اللى معاك تزود عليه 10 تانى عشان أنت عايزها هاى لاين بفتحة سقف بانوراما وكمان هاتش باك وكمان هيبقى صاحبها كارمك قوى لو بالحالة اللى حضرتك بتتكلم عنها ولو حالتها مش حلوة متشتريهاش لو ب 60 ألف بس الهاى لاين بتتميز عن العادية بالفرش الجلد أو الجلد فى قماش والتكييف التاتش والجنوط السبور والأكر النيكل والمرايات الضم للعلم أسمع أن كل فئات 2005 كانت نازلة بمرايات ضم لكن 2007 معتقدش فيه هاى لاين بفتحة سقف بانوراما ودى أعلى وأجمل حاجة بصراحة لو العربية حالتها فوق الممتازة معتقدش إن صاحبها هيقل عن 80 ألف

**abdelshafy85** · 13-07-2012 10:55 PM

المشاركة الأصلية كتبت بواسطة mohammedaladel

مبدئيا المبلغ اللى معاك تزود عليه 10 تانى عشان أنت عايزها هاى لاين بفتحة سقف بانوراما وكمان هاتش باك وكمان هيبقى صاحبها كارمك قوى لو بالحالة اللى حضرتك بتتكلم عنها ولو حالتها مش حلوة متشتريهاش لو ب 60 ألف بس الهاى لاين بتتميز عن العادية بالفرش الجلد أو الجلد فى قماش والتكييف التاتش والجنوط السبور والأكر النيكل والمرايات الضم للعلم أسمع أن كل فئات 2005 كانت نازلة بمرايات ضم لكن 2007 معتقدش فيه هاى لاين بفتحة سقف بانوراما ودى أعلى وأجمل حاجة بصراحة لو العربية حالتها فوق الممتازة معتقدش إن صاحبها هيقل عن 80 ألف

مش كتير شوية80 الف ؟؟
انا شفت حاجات كتير فى اواخر الستين واوائل السبعين وكانت كيلومتر معقول وحالة معقولة حسب الوصف .
ولو قلنا 65 الف بسممكن يجيبوا حاجةحالتها ايه ؟؟؟؟؟؟؟

**MohammedAladel** · 14-07-2012 12:25 AM

أن جبت واحدة ب 65 من غير فتحة سقف سيدان مش هاتش باك وفيها حكة فى الرفرف وماشية 105 ألف كيلو وصاحبها مرضيش ينزل قرش من تمنها لأن العربية حالتها كويسة جدا