ممكن سؤال عن النيو صني ؟؟

**saadelden** · 14-07-2012 01:29 PM

المشاركة الأصلية كتبت بواسطة mazika838

انا اتصلت بيا عشان اساله فقالي هكون ملتي فانكشن وهيكون كمان بلوتث في العربية
كمان سالته السعر هيكون في حدود كام قالي من المتوقع بعد ما سال بتوع التنظيم في المصنع ان السعر هيكون من 1080000 الي 110000 جم مصري كمان قالي معلومة غريبة اوي ان اساسا سعر العربية 103000 جم والوكيل كان منزلها عليها عرض وقالي ان المعارض الي بتسلم فوري هتبيع بالسعر ده زي سمير ريان او المصرية

شكرا يا باشا علي ردك السريع

انا كدا هستنى السوبر صالون
و فرق السعر معقول جدا علي الكماليات الي هتزيد في العربيه

**JOKER_KLEN** · 14-07-2012 02:07 PM

المشاركة الأصلية كتبت بواسطة saadelden

شكرا يا باشا علي ردك السريع

انا كدا هستنى السوبر صالون
و فرق السعر معقول جدا علي الكماليات الي هتزيد في العربيه

وانا كمان هستنى احسن السوبر صالون بسى هى هتنزل امتى ياتره ؟

**shaddadfalcon1** · 14-07-2012 03:34 PM

بس الفرق كبير كده يعني الفروق تعتبر الجنوط والاسبويلار والعدادا ب 10 الاف؟ طيب لو حبيت اركبهم بعدين يتكلفو كام؟

**dodyam** · 14-07-2012 08:00 PM

الفرق كده على الكلام اللى العضو الكريم كاتبه
جنوط اسبور \ عددادت مختلفة تقريبا قصده الليد \ اسبويلر علي الشنطة \ الاوكر نيكل \ الطارة ملتي فانكشن + بلوتوث

والفرق فى السعر اللى هو كاتبه من 8 الى 11 ألف

بس هما هينزلوا السوبر صالون دى امتى بس طالما صنعوا 6 عربيات منها يبقى أكيد عليها طلب عند موزع ما أو ممكن تكون دى عربيات عرض وكده يبقى معنى الكلام ده انها هتنزل قريب
يا ريت العضو mazika838 يقولنا امتى ميعاد نزولها
و يارب يبقى قريب

**د.هشام** · 14-07-2012 08:46 PM

الفرق في السعر دا قبل ولا بعد العربية الحالية لما تغلى؟

**tarekiooo** · 14-07-2012 08:52 PM

الهند صنعت القنبلة النوويه
التقفيل الهندى محترم

**malta** · 14-07-2012 09:02 PM

د هشام هو حضرتك مصمم ليه ان العربية هتغلى لو عندك معلومة أكيدة باريت تقولنا

**yassermotors** · 14-07-2012 09:07 PM

انا قريت مشاركة على فيسبوك nissan egypt ان الهاي لاين دي هتنزل شهر اكتوبر اللي جاي
والكلام ده مأكدوش ادمن الصفحة .. هوا قال ان مفيش معلومات عندهم يقدروا يأكدوها دلوقت
ده طبعاً من وجهة نظري كلام الهدف منه عدم التأثير على مبيعات الموديل المطروح حاليا في السوق
لأن كل اللي عجبته العربية .. وانا منهم .. لما سمع ان الهاي لاين هينزل قريب قال استناه لغاية ما ينزل

**د.هشام** · 15-07-2012 12:48 AM

[QUOTE=malta;3874433346]د هشام هو حضرتك مصمم ليه ان العربية هتغلى لو عندك معلومة أكيدة باريت تقولنا[/QUOTE

المعلومة فعلا أكيدة
على شهر 10 أو قبل كدة كمان , بس مش عارف بالضبط حتغلى قد ايه, انا بقولقم الكلام دا علشان انتم زي اخواتي.
وعلى فكرة انا حجزت امبارح العربية (اللون برونزي)