هل الماتيريا هتكمل ولا كفاية كده ؟؟

**ows212** · 24-06-2008 02:03 AM

يا ترى متوقعين ايه للماتيريا ؟؟؟
ديهاتسو عملت دعاية مكثفة عليها لما نزلت لكن مبيعاتها ماكانتش بالصورة المطلوبة على الأقل بالنسبة للتيريوس والسيريون ...
ياترى الماتيريا هاتكمل ولا التوكيل هايشوف حاجة تانية ينزلها مكانها ...يا ترى توقعاتكم ايه ؟؟؟؟

**MoToRiZeR** · 24-06-2008 02:16 AM

اعتقد هي هتكمل .. اصل مبيعاتها مش ضعيفة للدرجة برده
انا بشوفها كل يوم يعني

مش زي السيريون و التيريوس طبعا .. بس موجودة
غير ان معتقدش فيه موديل لدايهاتسو ممكن ينزل في نفس الفئة السعرية موجود حاليا

هما ممكن ينزلوا عربية صغيرة 1000 سي سي و يخلوا الماتيريا برده

**أبو عبدالله** · 24-06-2008 02:27 AM

فعلا هيا بالنسبة لكثرة الأختلاف عليها في الشكل وعدم وجود تجارب سابقة لنا في مصر لمثل هذه السيارات
تعتبر عملت مبيعات من لا شئ برضه لأن مش هنقيسها بعربيات تانيه موجود لها مثيل او الناس متعوده عليها عادي

اما دي فكانت جديده في كل شئ ومختلف على شكلها الكثير ومع ذلك انا شايف انها عملت مبيعات كويسه لأن فعلا انا مبنزلشي الا لما اشوف منها

**معاذ الشرباصى** · 24-06-2008 04:04 PM

العربية على الورق كأمكانيات ممتازة

لكن للاسف مفيش تجارب لها

حتى لو تدور على النت على user reviews قليل جدا جدا

يبقى الناس اللى زينا اللى بتتدخل على النت, و تقتل الموضوضع بحثا مش لاقية معلومات كافية

ما بالك بالشخص العادى اللى بيشترى, بخبرة بسيطة او عادية

العربية دى الوكيل لازم يعمل لها test drive

كده الناس هتبدا تتعرف عليها عن قرب, و تعرف امكانياتها

**Sharky** · 24-06-2008 08:51 PM

أنا شايف إنها مش حتكمل طبعا و هى فعلا تقريبا وقفت مبيعاتها
لإن السوق المصرى أثبت ذلك من مبيعات العربية التى أظن إنها لم تتخطى 100 عربية

و الكلام دا ليس تقليلا منها بالعكس هى ممتازة لكن شكلها السئ جدا و الغير مقبل لغالبية الشعب المصرى

**ows212** · 24-06-2008 09:02 PM

المشاركة الأصلية كتبت بواسطة sharky

أنا شايف إنها مش حتكمل طبعا و هى فعلا تقريبا وقفت مبيعاتها
لإن السوق المصرى أثبت ذلك من مبيعات العربية التى أظن إنها لم تتخطى 100 عربية

و الكلام دا ليس تقليلا منها بالعكس هى ممتازة لكن شكلها السئ جدا و الغير مقبل لغالبية الشعب المصرى

100 عربية طبعا لا .... اكيد باعت اكتر من كده بكتير جدا ...
وعلى فكرة العربية لسه موجودة وبتتباع يعنى ما وقفتش ...
لكن نستنى هل هاينزلوا 2009 ولا لأ..

**Sharky** · 24-06-2008 09:31 PM

ممكن فعلا تكون باعت أكتر من كده بس مش كتير قوى

و هى فعلا موجودة بس نادرا لما تتباع و دا مش كلامى دا كلام م/أحمد فى توكيل دايهاتسو

و مازلت عند رأى إللى قولته أول مانزلت العربية دى
لن تستطيع عمل مبيعات نهائى نظرا لشكلها السئ و دا بان جدا فى اول سنة و من المتوقع إن تتتوقف نهائيا فى القريب إن لم تكن وقفت فعلا