الموضوع: تكييف الماتيريا

اه انا عاوز اقولكم ان اللمبه الحمرا بتاعت الحراره مش بتنور ولا عمرها نورت
وبالتالى انها مش بتوصل لدرجه خطر
والمروحه بتشتغل باستمرار تفصل شويه وتشتغل شويه (دا لو انا ماشى براحه بس )
ولو لسه جاى من مشوار سخن او طويل اول لما اوصل الاقيها اشتغلت

المشاركة الأصلية كتبت بواسطة madoo

بسم الله الرحمن الرحيم


يا جماعه انا ملاحظ عندى ان صوت التكييف بقى عالى اوى (تسمعه وانت واقف بره العربيه ) انما وانت جوه يعنى مش مسموع زى بره طبعا

مش عارف بقى دا صوت المروحه ولا صوت التكييف ولا ايه ولا دا العادى بس على ما اتذكر انه ماكنش كده فى الاول
والشئ التانى ان انا وانا ماشى بالعربيه براحه يعنى العداد بتاع السرعه مابين 0 و 20 الاقى صوت المروحه بتاعت التبريد شغاله باستمرار تفصل لمده 3 ثوانى وترجع تشتغل (دا لو انا مشغل التكيف او فاصله ) يعنى فى الحالتين
برده مش عارف ليه بتسخن كده
مع العلم مياه التبريد الحمراء اعلى من المنيمم بشويه
طيب لو ده عيب ايه الحل
انا معايا ماتيريا 2009 اوتوماتك ...رايح اعمل صيانه ال 15 الف كمان كام يوم بس هعملها فى مركز الخدمه اللى فى طريق طنطا المحله لانى انا الايام دى فى طنطا
مش عارف بقى اقولهم واخليهم يشوفها ولا دا العادى ولا استنى لما ارجع القاهره واروح العبور ولو روحت العبور هيكشفوا عليها بكام ولا دا تبع الضمان

انا مضايق اوى وخاااايف جدا بلييييييييييز ساعدونى

اي عربيه لازم تسمع صوت التكييف من بره و من جوه العربيه كمان بس مع اختلاف الصوت و شدته بين انواع العربيات و موديلاتها المختلفه.

اللي بيفصل و يشتغل ده المفروض انه كمبريسور التكييف مش المروحه.. فهل متأكد ان المروحه هيه اللي بتعمل كده؟ بصراحه مظنش.

الميه زودها شويه و خليها بين علامه mini و max بس هيه ملهاش علاقه باللي بتوصفه.
كمان من الحاجات اللي ممكن تعلى صوت التكييف شويه لو السير بتاعه مرخي و عايز يتشد

كلام أ/احمد صح
والمشي بالراحه خالص بيسخن العربيه جدا بمعني اصح في الزحمة ووسط البلد او السلانسيه
الكلام دة بيخليها تسخن كتير خصوصا لو لفترة
عموما اكشف واتاكد برضه يامادو وحافظ علي العربيه دي ده انت حببتني فيها

المشاركة الأصلية كتبت بواسطة medo_sirion

بس انت تستاهل علشان محمود قالك تعالا السيكو سيكو وانت مجدش
ههههههههههههه

بس نصيحة منى اى مركز فى طنطا مش هيكون زى العبور ولا زى ابو رواش
خليك لما ترجع بالسلامة وتعمل الصيانة وتكشف على العربية هناك احسن
بدل مواحد ابن حلال يبوظ حاجة اكتر ماهية فيها
استنى ومتستعجلش

ههههههههههههه يا راجل انت عارف هو قالى امته على السيكو سيكو ده ؟
كان استحاله الحق اعمل حاجه ....بس انا كلمتكم بليل والظاهر ان السيكو سيكو كان جامد اوى لدرجه انه مخلهوش يرد على الموبيل

المشاركة الأصلية كتبت بواسطة Ahmed Hassan

اي عربيه لازم تسمع صوت التكييف من بره و من جوه العربيه كمان بس مع اختلاف الصوت و شدته بين انواع العربيات و موديلاتها المختلفه.

اللي بيفصل و يشتغل ده المفروض انه كمبريسور التكييف مش المروحه.. فهل متأكد ان المروحه هيه اللي بتعمل كده؟ بصراحه مظنش.

الميه زودها شويه و خليها بين علامه mini و max بس هيه ملهاش علاقه باللي بتوصفه.
كمان من الحاجات اللي ممكن تعلى صوت التكييف شويه لو السير بتاعه مرخي و عايز يتشد

مش متأكد اذا اكان الصوت كمبريسور التكييف او المروحه
وهزود الميه برده ..........شكرا يا استاذ احمد

المشاركة الأصلية كتبت بواسطة haitham10

كلام أ/احمد صح
والمشي بالراحه خالص بيسخن العربيه جدا بمعني اصح في الزحمة ووسط البلد او السلانسيه
الكلام دة بيخليها تسخن كتير خصوصا لو لفترة
عموما اكشف واتاكد برضه يامادو وحافظ علي العربيه دي ده انت حببتني فيها

بص هو ناس كتير قالتلى ده عادى وبيعملى الموضوع ده على عربيته ...بس انا برده انسان موسوس بطريقه فظيعه
وناس برده قالتلى ماهو ده الطبيعى لان عربيتك اوتوماتك ولما تبقى ماشى على سرعات 0 10 20 تبقى حاكمها بغيار فطبعا لازم تسخن

على العموم انا هكشف عليها واقولكم ايه اللى حصل بس انا مستنى
ردود اى حد معاه ماتيريا (مع انى عارف ان مفيش حد متابع منهم غير سمير باشا )

مادو بية, كل سنة و انت طيب. صوت التكييف دة عادي جدا هي نظامها كدة و بخصوص المروحة مع التكييف, أيوة يا طبعا بتشتغل نص دقيقة و تبطل نص دقيقة حاجة كدة يعني, متقلقش خالص دة نظام العربية كدة الديزاين بتاعها كدة و دة مريح ليها جدا.. متقلقش يا باشا العربيات دي مش بتخرف! انت راكب عربية مش يابانية بس لا دي متقفلة في اليابان 100% و علي الموضوع السخونة ولا في سخونة ولا حاجة! دة بس احساس عندك.. أنت شكلك محسوك زيي! عربيتك زي الفل و كل شئ ماشي طبيعي. بالمناسية أنا رايح بكرة التوكيل أعمل صيانة ال30,000 كيلو.