ساندن و لا ديافيا ؟

**safyyyyy** · 02-10-2011 12:09 AM

السلام عليكم و رحمه الله

معيا اوكتافيا a5 2007 و حصل فيها مشكله الكباس الشهيره و طبعا مش حا اجيب الاصلى بتاعها لسببين الاول سعره ( 6500 ) غير التركيب , الثانى انه بيبوظ تانى على ما سمعت

و بعد ما دورت فى المنتدى الرائع ده لقيت واحد اسمه ساندن بيركب جديد بــ ( 3500 ) و بيقوله عليه يابانى و التانى اسمه مركز اسمه ديافيا بس ما عرفتش اجمع معلومات عنه كتير

سؤالى هنا ياريت حد يقولى ساندن ده يابانى فعلا و لا مضروب و حد جربه قبل كده ؟
و ديافيا ده حد تعامل معاهم قبل كده ؟ و ايهم افضل علشان انا ان شاء الله نازل القاهره على الافضل فيهم و مش عايز اطخ المشوار ده و فى الاخر مجهودى يطلع على حاجه مضروبه

اسف على الاطاله

**roland_yamaha** · 02-10-2011 11:49 AM

ساندن كل شغلهم في الياباني معرفش ديافيا متعملتش معاهم قبل كده حاول تجيب رقمهم من الدليل هما في حدايق القبة

**safyyyyy** · 02-10-2011 05:10 PM

المشاركة الأصلية كتبت بواسطة roland_yamaha

ساندن كل شغلهم في الياباني معرفش ديافيا متعملتش معاهم قبل كده حاول تجيب رقمهم من الدليل هما في حدايق القبة

اشرك يا استاذ هانى على الرد بس حضرتك تعاملت مع ساندن ؟

**roland_yamaha** · 02-10-2011 09:19 PM

صراحأ لا بس ناس اصدقائي اتعاملو معاه وبيشكرو في م/سمير مدير المركز وكفاية انه بيديك ضمان سنة علي شغله

**safyyy** · 04-10-2011 02:21 PM

المشاركة الأصلية كتبت بواسطة roland_yamaha

صراحأ لا بس ناس اصدقائي اتعاملو معاه وبيشكرو في م/سمير مدير المركز وكفاية انه بيديك ضمان سنة علي شغله

انا رحت امبارح عند ساندن و ركبت الكباس الحمد الله و كان مكتوب عليه صناعه امريكيه مش يابانى و فعلا استاذ سمير محترم جداو الحمد لله خلال طريق عودتى من القاهره الى الاسكندريه كان التكييف فوق الممتاز الحمد لله .. يارب ما يحصلش فيه اى حاجه لان فيه ناس بتشكننى و تقولى ده صينى مش يابانى و لا حتى امريكى و على فكره التكلفه كانت 3600 تغيير كباس و تغيير فلتر

**safyyy** · 04-10-2011 02:23 PM

نسيت برضه اقلكم انى سئلت فى ديافيا و قالولى ان الكباس بتاع a5 خلص و حا يجى على الموسم الصيف القادم و صناعته مجرى و بيديك عليه ضمان 6 شهور و سعره 3850

**mohd7380** · 04-10-2011 02:28 PM

ليه مجبتش استيراد ب 700 او 1000 بالكتير ؟؟؟؟؟؟؟؟؟؟؟؟؟

**mido51eg** · 04-10-2011 02:59 PM

انا روحت ديافيا السنة اللي فاتت وواضح ان المركز محترم وكبير ونضيف انما معجبنيش الراجل صاحب المركز. بيتكلم من طرطوفة مناخيره وعامل نفسه دكتور وبيشتغل غناوة ومارضيتش اعمل حاجة عنده وسبته ومشيت.

**safyyy** · 04-10-2011 03:29 PM

المشاركة الأصلية كتبت بواسطة mohd7380

ليه مجبتش استيراد ب 700 او 1000 بالكتير ؟؟؟؟؟؟؟؟؟؟؟؟؟

الاستيراد بيكون نفس كباس العربيه و ده فيه عيب يعنى لو جبته كان حا يبوظ تانى حسب ما سمعت

**safyyy** · 04-10-2011 03:32 PM

المشاركة الأصلية كتبت بواسطة mido51eg

انا روحت ديافيا السنة اللي فاتت وواضح ان المركز محترم وكبير ونضيف انما معجبنيش الراجل صاحب المركز. بيتكلم من طرطوفة مناخيره وعامل نفسه دكتور وبيشتغل غناوة ومارضيتش اعمل حاجة عنده وسبته ومشيت.

هوا فعلا مركز كبير و هوا توكيل لكباس مجرى مش فاكر اسمه الصراحه و عندهم مصنع كمان فى 6 اكتوبر بس كويس انى ما رحتش لانه لو اتعوج ما كنش حا يبقى فيه غير ...........

بس يارب ساندن ده يطلع محترم هوا كمان و ما يكونش حاططلى حاجه مضروبه