الموضوع: تقرير مصور كيا ريو 2013 كاملة خليجى

ازاى يا فندم فيها esp العربيات فى مصر بتنزل من غيره .هى بتنزل مصر فيها الاوبشن دا ولا انت طلبته.. و مبروك عليك

يا فندم انا عارف والله انها مش بتنزل فى مصر كدة بس دى مواصفات خليجى اعلى فئة اردنى كما ذكرت سالفا
ولك جزيل الشكر والله يبارك فيك

الف مبروك يا باشا
تقرير جميل ..

الف مبرك يا معلم و هكلمك قريب ان شاء الله
سؤالين عالسريع كده:
ثبات العربيه عامل معاك ايه ؟
موضوع أنها 1400cc بيفرق في أداء العربيه مع التكييف ؟
و لو فيها عيوب ولا حاجه قولنا

مبروك عليك ى باشا
اخبار العزل بتاعها ايه بالتفصيل يعنى صوت الموتور وصوت الكاوتش على الطريق وده طبعا وانت قافل الزجاج

المشاركة الأصلية كتبت بواسطة AMRTOTI

الله يبارك فيكم يا جماعة
جبتها منين ؟ من اوتو سمير الريان بس استنيت شوية لان المواصفة نادرة شوية بس لو اصريت هتيجيلك
بكام كانت ب 123.5 بس علشان دى 2013 غليت شوية ل 128 الف
استهلاك البنزين اول ما اشتريتها كان الاستهلاك حوالى 7.2 لتر لكل 100 كم وبعدين زاد شوية ل 9.8 لتر لكل 100 كم وكنت مضايق جدا وكلمت الضمان وعملت مشكلة وبعدين سبت التنك لما فضى خالص ومونت تانى من بنزينة نظيفة لانى كنت شاكك فى البنزين نفسة فعلا طلع شكى فى محلة ومن ساعتها الاستهلاك حوال 7.0 لتر لكل 100 كم وده طبعا معقول جدا بيزيد شوية فى الزحمة وبيقل لحد 6.4 لتر فى الطرق المفتوحة
بالنسبة للسحب ؟
انا كان معايا نيسان صنى مانيوال 1600 قبل العربية دى فى الحقيقة انا مش حاسس خالص انى راكب 1400 سى سى السحب كويس جدا ولما بعمل كيك دون فعلا بلاقى استجابة هايلة
ومن فترة شديد مع لانسر وبهدلتها مع انى مش بحب قصة الشد دى بس هو استفزنى
العيوب من وجهة نظرى .
1/ يمكن انا علشان ركبت عربيات كتيرة كورولا وصنى ولانسر بومة وشارك حاسس شوية انها عربية فرافيرى كدة
يعنى البيبان خفيفة حجات كدة مش متعود عليها
2/العفشة ناشفة حبة بس ده طبعا علشان الجنط 17 وعلى فكرة كانت ناشفة اوى اول ما جبتها وانا بعمل صيانة الالف فى التوكيل لاقيتهم لوحدهم بيفضو العجل فسالت ليه كدة قالولى لان العجل بيبقى زيادة جدا والعربية جديدة علشان ظروف الجو والنقل وكدة فبنظبطة بقى دلوقتى وفعلا بعدها اتحسنت كتير
المميزات /
1/ ارتفاع العربية هايل عن الارض مع عرض الكاوتش 205 مديلك ثبات محترم الى جانب انها مش بتحك فى المطبات العظيمة بتاعنا
2/ الكماليات دى كلها فى السعر ده شئ هايل بردة
3/ ال abs , epd ,esp فعلا عاملين اتزان جميل للعربية والفرامل كويسة اوى
4/ الباور وانت بتركن ميه معاك وانت بمجرد ما تتحرك بتلاقية تقل جدا نسبة وتناسب مع السرعة بس حاجة محترمة جدا


اى استفسار يا جماعة انا تحت امركم

تصدق انا كنت مستغرب موضوع التنك اللي انت بتقوله وتفضيته للاخر , لكن تصدق ان جربته امبارح وطلع صح ( حاجة غريبة) انا العربية كانت امبارح على الشرطة القبل الاخير فدخلت مونت بنزين قولت افول على الاخر , لقيت فعلا ان متوسط استهلاك العربية نزل بقى 8 على عداد الكمبيوتر بتاع العربية بعد ما كان 10.6 , بس علةى فكرة كدة كدة الاستهلاك حيقل بعد ال 5000 كم الاولانية بس فعلا كانت حاجة غريبة انا شاكك ان العربية بتعمل حاجة جو الكنترول يونيت بتاعها اسمها calibration لمتوسط الاستهلاك وهو حيقل اتوماتيك مع المشي ... وشكر على لفت الانتباه للموضوع ده :)

ألف مبروك ....
ربنا يحافظ عليك وعليها ويبعد عنكم عينين الناس ....