السلام عليكم
كنت قرات من كام يوم موضوع في المنتدى عن اكتشاف علاج نهائي للسرطان (عافانا الله واياكم) و قرات ردود الاخوة الاعضاء من متفائل و اخر مشكك لان العلاج لم يتم انتاجه بعد بصورة رسمية. المهم (الله اكبر و لله الحمد) امبارح شفت على قناة دريم برنامج العاشرة مساء لقاء من مستشفى علاج السرطان الجديد 57357

و الله شئء رائع وحاجة يفخر بيها كل مصري و عربي . نظام ايه واجهزة ايه حتى المذيعة كانت منبهرة وقالت للطبيب المسئول " ما اعتقدش حد فقير حيتعالج هنا واللي حيدخل لازم يجيب وسطة"

بس انا متفائل والدكتور رد عليها وقال ان الموءسسه المعنيه بجمع التبرعات خصصت وديعة قدرها 200 مليون جنيه للمصاريف وعلاج امرضى بالمجان ومازالت تعمل في جمع التبرعات لشراء المزيد من الاجهزة و الادويه للعلاج بالمجان

الله اكبر الله اكبر الله اكبر

ياريت كلنا نتبرع و نساعد علشان نخلي الانجاز ده يكمل ويكبر وربنا يعفينا ويفيكم و يعفي اولادنا من المرض اللعين

ملحوظة

لقد تم طرح السوءال على المسئول وهو لماذا كل المصاريف على التصميم المبالغ فية بدل من الاستفادة بالفلوس في التجهيزات؟

رد عليه المسئول وقال ان التصميم ده كان اختيار الاطفال من بين كذا تصميم! طبعا ردي رومانسي مبالغ فيه بس اللي حصل حصل والكمال لله وحدة
دلوقتي تعالوا نركز على الجوهر و ننسى المظهر علشان الجوهر برده فيه مجهود كبير و فيه برده فخامه بس بمتانة.

على فكرة سيتم الافتتاح الرسمي 7/7/2007

يالا نشارك ولو حتى بالدعاء بالشفاء.

وشكرا

goodwave