سيات exeo في اسواق الخليج

**sala7** · 15-07-2012 12:49 PM

السلام عليكم و رحمة الله وبركاته

حبيت اعمل موضوع لسعر و امكانيا سيات exeo في دول الخليج .. التقرير ده كان طلبه مني استاذ سيد فحبيت اني اعمله في موضوع جديد منفصل نظرا لان الاستاذ سيد كان طالب التقرير بالتفصيل ، و كنت بناقشه فيه في موضوع تاني خالص ليس له علاقة بالسيات اكسيو ،،،،فا قلت افصله للفائدة
اتصلت النهارده بوكيل سيات و سألته عن exeo قالي الاتي :
السيارت الموجوده فقط موديلات 2011 و 2012 .....!! اما عن 2013 الدفعة الاوله كلها مباعة
طيب ايه الاوبشن و المواتير اللي موجوده بالمعرض عندك بالنسبة للمعروض 2011 او الجديد 2013 ؟
قالي ان exeo ما نزلتش غير بماكينة واحدة فقط 2.0 TC i4 FWD بقوة 200 حصان مع علبة تروس CVT (ناقل الحركة المتغير المستمر) الجديد طبعاً - السرعة القسوى 235 - بتصل لسرعة 100 في 7.3 ث .

سألته عن ناقل الحركة مانيوال - قال ممكن يجي ( اسبيشيل اوردر ) لكن التكلفة هتكون عالية لان نظام فصل الحركة في موديلات الالماني الجديدة بقا مكلف وده لانه متطور و هتيجي العربية بناقل حركة 7 غيار امامية . .. بصراحة مقدرتش اسأل عن التفاصيل في موضوع ناقل الحركة الجديد لاني كنت عاوز اعرف تفاصيل اكتر عن باقي العربية ..

سألته ايه الفئات المتاحة ؟؟ قالي انه هما فئتين فقط
عادية و بتيجي فيها كل الاوبشن زي (مثبت سرعة - كراسي كهرباء + طبعاً الاوبشن العادي ازاز كهربا و مريات كهربا و كاسيت دي في دي و النفيجيتور و سينسور خلفي و وسائد هوائية في الكبينة بالكامل) دي سعرها مصري تقريباً = 162 الف
و ده السعر طبعاً اللي بدون جمارك مصرنا الحبيبة

الفئة التانية FULL OPTION - الاوبشن الزياده بيكون ( سينسور امامي - فتحة - تدفئة في الكراسي ) و دي سعرها مصري تقريباً = 181 الف

ده تقرير مبسط سريع في التليفون انا حجزت معاد يوم السبت بعون الله اعمل تيست درايف و ان شاء الله هبلغكم بانطباعي و الى ان القاكم

**ehab_mansour** · 15-07-2012 02:07 PM

الله ينور يا مهندس و منتظرين التيست درايف و لكن بيتهيئلي عمرها ما هتنزل مصر هنا لأن سعرها هيعدي ال 200 الف و ده كتير جدا هنا

لكن طبعا تستاهل و علي فكرة فولكس بمجموعتها معندهاش فتيس cvt هو اكيد يقصد ال dsg ذو السبع سرعات الأمامية و ده فعلا بيأكده توصيفك له

و بالتوفيق و منتظرين المزيد يا صديقي

**sala7** · 15-07-2012 02:57 PM

المشاركة الأصلية كتبت بواسطة ehab_mansour

الله ينور يا مهندس و منتظرين التيست درايف و لكن بيتهيئلي عمرها ما هتنزل مصر هنا لأن سعرها هيعدي ال 200 الف و ده كتير جدا هنا

لكن طبعا تستاهل و علي فكرة فولكس بمجموعتها معندهاش فتيس cvt هو اكيد يقصد ال dsg ذو السبع سرعات الأمامية و ده فعلا بيأكده توصيفك له

و بالتوفيق و منتظرين المزيد يا صديقي

تسلم يا كبير
بالنسبة لموضوع الفتيس ده انا دخلت اتاكدت منه ع النت هو فعلا CVT ..
على فكرة مسئول المبيعات كان بيتكلم على الفتيس المانيول انه سبع سرعات ، انما تكنولجي DSG دي موجوده في الاوتو و ده في توصيفة للفتيس الموجود فيها
اللي فهمته ان A continuously variable transmission CVT ده ديناميكية عمل الفتيس انما DSG دي الخواص A direct-shift gearbox
و الله اعلم

**SYD** · 15-07-2012 05:22 PM

تقرير ممتاز
تسلم ايدك

والف شكر لحضرتك علي سرعة الأستجابة
وفي انتظار التقرير بتجربة القيادة عشان يكتمل التقرير

ولكم مني كل التحية والتقدير

والله المستعان
،
،

**SYD** · 15-07-2012 05:30 PM

المشاركة الأصلية كتبت بواسطة ehab_mansour

الله ينور يا مهندس و منتظرين التيست درايف و لكن بيتهيئلي عمرها ما هتنزل مصر هنا لأن سعرها هيعدي ال 200 الف و ده كتير جدا هنا

المشاركة الأصلية كتبت بواسطة bob12345

يا باشا دي 2000 سي سي
يعني ممكن توصل ل 400 الف

يااااااااااه
لا طبعا مش للدرجة
انا مع رأي المهندس ايهاب
هي هتعدي ال200 بس مش بكتير جداً

يعني اعتقد لو حصل ونزلت في 2015 او 16 هتبقي اغلي عربية في سيات طبعا وهتقترب جدا من سعر الباسات يعني في حدود 250 او علي اقل تقدير هتكون بسعر الجيتا وكدة بردو هيكون سعر منافس لأن الجيتا 1.6 بنزين اما هي 2.0 ديزل

**SYD** · 15-07-2012 06:07 PM

الموتور ببتاعها في منه 2.0 بنزين TSI وفي منها TDI والأتنين تربو تشارجر
والفتيس فعلا مش DSG هما بيقولوا عليه مالتي ترونيك
وفعلا الفتيس دة مش بينزل مع كل المواتير
بينزل فقط مع الموتور الديزل - بينزل فقط مع الموتور 143PS

لمزيد من المعلومات برجاء مراجعة المواصفات الكاملة في هذا التقرير