اقتباس المشاركة الأصلية كتبت بواسطة toty_305 مشاهدة المشاركة
-هو في حد ممكن يفكر يركب عربيه لو عطلت مش هيلاقي قطع غيار و يبقى غاوي تعب

أولا قطع الغيار موجودة .... و لكن مش منتشرة زي الهيونداي الفيرنا مثلا.
فيه ناس غاوية تركب ألفا روميو ........ علشان غاوية و فيه ناس بتستورد عربيات مش موجودة في مصر أصلا علشان غاوية
هي دي الغية .
-مميز صعب مش ferrari هي
أما التميز
فهو عدم الأنتشار و الجين 2 ينطبق عليها الكلام ده لأنها مش منتشرة .
يعني مثلا اللي راكب فيرنا (راكب عربية ممتازة ) و لكنها ليست مميزة
اللي راكب هيونداي كوبيه ..... ده مميز ....... اللي راكب جين 2 ...... ده مميز ....... اللي راكب بي أم كوبيه ده مميزة
مميز مش علشان العربية فيراري ........ مميز علشان مفيش منه كتير .

اقتباس المشاركة الأصلية كتبت بواسطة mech.power.eng مشاهدة المشاركة
استاذ tutankhamoun واضح ان حضرتك ما شاء الله فاهم اوى فى الجين تو حضرتك بتقول امتلكت منها اتنين ربنا يحفظهملك

الله يباركلك .
طيب انا عندى سؤال انا دايما بشوف ناس كتير اوى بتغير فى العربية حاجات كتير بالذات فى العفشة وعلبة دركسيون كتير اوى وناس فيوزات عندها بتضرب كتير والملتى فنكشن هل العربية دى مش معمره يعنى قطع غيارها بتستهلك بسرعه بصراحة انا بعشق العربية بس بقارن بينا وبين الياريس ومش عارف استقر بحس ان الجين كل شويه فيها حاجة هتعطل او هتحتاج تتغير هل الكلام ده صحيح ولا لا يعنى حضرتك تديها كام من عشره فى موضوع الاعطال وطوله العمر وكذلك تدى الياريس كام من عشره بردو وياريت لو تقولى العربية بتستهلك اد ايه بنزين بردو لانى سمعت انها بتستهلك بنزين كتير وتنصحنى بالمانيول ولا الاوتو
بُص يا باشا .
هاتلي عدد الناس اللي عندها مشاكل ..... و قارنه بعدد الناس اللي أشترت العربية و معندهاش مشاكل .

أنا بستخدم جين 2 من سنة 2007
و معنديش حاجة
بعمل صيانتي في التوكيل ........ و بسوق على مهلي و محافظ على عربيتي .

بالنسبة للياريس
الياريس عربية حلوة و جميلة و معمرة و موفرة في البنزين .

الجين 2 بتتميز عنها في الكماليات ..... و الثبات (بفارق ملحوظ) ..... و الشكل (و لو أن الشكل ده أذواق )
و طبعا الياريس عربية تويوتا ........ و تويوتا مشهور عنها الأعمادية و قلة الأعطال و طعا بالاضافة للموتور الصغير القوي الموفر في البنزين .
بس أي حاجة في الدنيا تحافظ عليها تعيش معاك و تعمر .

الجين 2 طبعا أستهلاكها أعلى من الياريس في السواقة الطبيعية نظرا للفارق بين سعة الموتورين.

الجين 2 بتستهلك بنزين لو سواقتك كلها داخل البلد يعني وقوق كتير .... اشارات كتير ...... مش بتعدي 50 كم - س . و على طول ماشي أول و ثاني في الغيارات .

العربية على طرق السفر ........................... ممتازة في كل شئ
ثبات و تحكم ............... أستهلاك بنزين ممتاز .................

متوسط الأستهلاك من 200 إلى 250 كم لكل 20 لتر .
حسب طريقة سواقتك و حرقك على الموتور ..... و هكذا .

بالنسبة للمانوال و الأتو ......... دي حاجة ترجعلك أنت
لو بنتكلم في الجديد طبعا .

لو هاتشتري حاجة قديمة
أي موديل قبل 2009 ......... المانوال أفضل
من 2009 فيما فوق ............. الأثنني حلوين .


بالنسبة لموضوع الأعطال .
مش هاقدر أفيدك في الياريس ...... أصحاب الياريس يقدروا يفيدوك عني لأني مش مستخدم للعربية بأستمرار .

بالنسبة للجين 2
أعطالها عادية زيها زي أي عربية ...... و أنا بتكلم عن تجربتي الشخصية .
لو بنتكلم على آراء الناس عموما على نايل موتورز .......... ممكن نقول مثلا 7 أو 8 من عشرة .