أشترى كيا شوما ولا لانوس 2

**أبو يوسف** · 18-07-2012 10:11 AM

المشاركة الأصلية كتبت بواسطة أبو يوسف

اللى مخوفنى الظروف اللى أنا فيها ( الظروف الصحية , وثانياً المادية )
يعنى لو العربية حصل فيها حاجة لا قدر الله , هسيبها فى الشارع وهامشى , وغير كدة العملية مش مستحملة مصاريف تانية يعنى يادوب على قد البنزين والزيت وقطع الغيار البسيطة
وبصراحة أنا معايا فيسبا ( مجهزة ) ملهاش مصاريف نهائى , ومريحانى جداً , بس أنا عاوز العربية علشان زوجتى وأولادى بيبهدلوا معايا على الفيسبا علشان كدة قررت أجيب عربية
يعنى أخر سؤال للجميع ( كيا شوما ) ولا ( لانوس 2 ) من بورسعيد وأنا معايا 25000 جنية , مانيوال فقط لأا الاعاقة فى القدم اليسرى و ملهاش اتومتيك , ودى شروط الكومسيون

أنا بعتذرلكم ياجماعة على اللى هاقولوا دلوقتى , بس والله مش بحيركم معايا
فى واحد صاحبى فى الشركة بيقولى أن فى عربية أسمها كيا سيفيا أحلى من الشوما ,والانوس , وبنفس السعر
وتعتبر نفس مواصفات الشوما , بس احلى منها فى قطع الغيار , واعادة البيع , ولا تقارن بالانوس
الكلام دة صح , انا بقيت محتار أكتر ؟؟؟؟

**misho2008** · 18-07-2012 05:01 PM

المشاركة الأصلية كتبت بواسطة zomprakes

انا بردو لسة مش فاهم قطع غيار اة اللي الناس بتتكلم عليها بلنسبة للشوما انا اسف جدا في اللي هقولو هل حد من السادة المحترمين اللي بيردو عندو شوما انا عارف طبعا ان في اخ معاة سيفيا و السيفيا هي هي الشوما بس انا بجد زهقت من كل واحد يقول قطع غيار غلية و مش موجودا و هي صراحة ولا غالية اطلاقاااااااااااااااااااا اااااااا و لا ندرة بردو اطلاقاااااااااااااااااااا قطع الغيار ارخص من الرخص و حضرتك ممكن تخش الرابطة و تسال و تشوف و قطع الغيار الحمد لله الناس في الرابطة عارفة كل بتوع قطع الغيار من الاف لل ي و انا بجد مش عارف ازاي المقارنة دي بتم زي ما قال اخونا الكبير استاز احمد الجندي الشوما هتتحط في مقارنة مع النوبيرا و هتبقي مقارنة ضالمة للنوبيرا و بلنسبة للاستاز اللي بيقول ان الشوما مصري

مين قال لي حضرتك انها مصري الشوما كوري تقفيل كوري او كوري تقفيل الماني و في منها اوروبي كمان
هاي لاين حضرتك هي اخر فئة من الشوما اللي بيبقي فيها وسائد هوائية و فراما abs و فتحة سقف كهرباء و علي فكرة الفئة دي زيرو كانت بي 125 الف اول مانزلت

طب حضرتك كمان ممكن تريح نفسك و تجيب الشوما اوتو هاي لاين و ماتعدلش في حاجة و تريح نفسك عالاخر لكن الانوس مافيش منها اوتو اصلا الا لانوس 1 اللي لحد موديل 99
يافندم حضرتك تسال زي ماتحب يا رب تكون الاجابات فاديتك ملحوظة اخيرة انا قبل ماستري العربية كنت محتار نفس الحيرة بس مش مابين الشوما و الانوس طبعا مابين الشوما و الانسر الكرستالة و كلام الناس عن قطع الغيار و اسعارها و نودرتها كان رعبني بس اتكلت علي الله و جبت الشوما و مالقتش حاجة واحدة من اللي اتقالي الحمد لله

باشا مع احترامى لرأى حضرتك الفنى الكيا عموما حسن عربية كورى انا بقول لحضرتك ركبيت لانوس 2 سنتين وبعتها وجبت سيفيا 2002 برة وجوة مفيش مقارنة فى قطع الغيار ما بيت الانوس والسيفيا الانوس تكسب فى قطع الغيار وبعدين احنا فى الاخر بنتكلم عن عربيتين فئة 1500 سى سى

**eldmrane** · 19-07-2012 12:38 AM

المشاركة الأصلية كتبت بواسطة أبو يوسف

أنا بعتذرلكم ياجماعة على اللى هاقولوا دلوقتى , بس والله مش بحيركم معايا
فى واحد صاحبى فى الشركة بيقولى أن فى عربية أسمها كيا سيفيا أحلى من الشوما ,والانوس , وبنفس السعر
وتعتبر نفس مواصفات الشوما , بس احلى منها فى قطع الغيار , واعادة البيع , ولا تقارن بالانوس
الكلام دة صح , انا بقيت محتار أكتر ؟؟؟؟

معلومة لحضرتك السيفيا والشوما واحد في كل حاجة عفشة ماتور فتيس كل حاجة باختلاف الشكل خارجي وعلي فكرة الشوما ماكنتش بياعة هية والسيفيا زمان حاليا قطع غيار رخيصة وبياعة جداااااااااااااااا والله مليون واحد عايز يخد الشوما اللي معايا وناس بتوقفني في الشارع عايزين يشترو وحضرتك ليك الحرية طبعا

**ahmad550** · 20-07-2012 11:56 AM

المبلغ اللي مع حضرتك ممكن يجيب نوبيرا 1

**mas0h** · 21-07-2012 02:19 AM

الشوما والسيفيا واحد فى كل حاجة ماعدا الشكل الخارجي يعنى فوانيس واكصدامات وشنطة
الموتور والعفشة واحد.
واحد صاحبى كان جايب كيا شوما زى اليومين دول السنة اللى فاتت من بورسعيد وكانت ماشية 60 الف كيلو ماشاء الله عليها كانت ولا الجديدة من كل حاجة يعنى تجيبها ومش هتعمل فيها اى حاجة غير غيار الزيت وتفويلة البنزين.

السيفيا والشوما فيهم عيوب زى عيب الاسكاطرة وطرمبة الباور بس فى حالتك العيبين دول مش هيبقوا موجودين علشان العربية هتبقى فى حالة الفبريكة.
السيفيا والشوما بصراحة وحوش على الطريق فى السرعة والثبات.
انا بصراحة الشوما كانت اول عربية امتلكها من سنة ونص تقريبا ولسه معايا ومش ندمان على الفلوس اللى دفعتها فيها وكويسة معايا الحمد لله.

الانوس كل اللى انا سمعته عنها انها خفيفة شوية لما تجري بيها ولو انت مش بتاع جري يبقى ده مش هيبقى عيب عندك.
تانى حاجة الشوما هتبقى اوسع من الانوس لان مقارنة الشوما مع الانوس ماتنفعش وزى ما قالو الرجالة الشوما تتقارن بالنوبيرا مش بالانوس وعن تجربة الشوما اوسع من النوبيرا
واكيد اوسع بكتير من الانوس.
استهلاك البنزين بتاع الشوما ماشاء الله جميل جدا ( انا مجربتش الانوس فى استهلاك البنزين)
قطع الغيار اكيد هتكون فى صالح الانوس بس مش بفرق كبير بس فيه حاجة ان قطع غيار الانوس بتبقى فى اى حته لكن الشوما لازم تجيبها من عند ناس معينة واعتقد ان الموضوع ده بدأ يقل شوية لان الشوما والسيفيا انتشروا جدا الفترة دى.
سعر الاسكاطرة الجديدة 1500 الاستيراد 450
سعر طرمبة الباور الجديدة 750 الاستيراد 250

رادياتير استيراد 300

بصراحة معرفش حاجة عن اسعار قطع غيار الانوس

ممكن حد من الجماعة يكون عارف ويقولك.