الموضوع: الفرق بين الجوك الخليجى و الوكيل

السلام عليكم و رحمه الله و بركاته
انا ليا واحد صاحبى ان شاء الله هيجيب جوك هو سأل فى وكيل نيسان فى السويس و قال قدامها شهر و نصف على الاستلام !!
فروحنا سألنا عند تاجر عادى و قال هيشوف يقدر يجيبها امتى و هيرد علينا و قالنا على قصه الخليجى فقلنا مفيش مشكله يسأل برضه و يرد علينا
فياريت يا شباب لو حد يقدر يفيدنا فى الفروق بين الخليجى و الوكيل فى الكماليات و هل الخليجى ممكن يتعمله صيانه فى التوكيل
و هل الجوك فعلا بتتأخر فى التسليم من الوكيل و لا المشكله عنده هو بس
استفسار اخير معلش صدعتكو حد عنده فكره عن اسعار قطع الغيار و الصيانات فى التوكيل
و شكرا

المشاركة الأصلية كتبت بواسطة ahmed.tv

قريب باذن الله حينزل موضوع عن قطع غيار الجوك فى التوكيل .. بس بيجهز حياخد وقت
وقول لصديقك ان حتى لو اشترى خليجى .ز الافضل يعمل الصيانة فى التوكيل .. بلاش مراكز خدمة غريبة
لانهم عارفين العربية
وبعدين انت بتعمل الصيانة زيها زى الوكيل .. بنفس اسعار المصنيعات ومفيش زيادة
هى الحاجة المختلفة لو انت مشترى خليجى ان لو طلع عيب فى العربية بتدفع تمنه ومش بتتعمل فى الضمان


وبالنسبة لحضرتك افضلك الجوك اذا كنت تقدر على تمنها وقسطها وانها مش حتزنق عليك
لان مفيش وجه مقارنة بين العربتين .ز غير ان الجوك ضيقة بس .. والصنى الجديدة اوسع

متشكر جدا لرد حضرتك و نورت الموضوع
انا كنت قريت الموضوع اللى حضرتك عامله عن اسعار قطع غيار القاشقاى و اخدته كمرجع ان الاسعار اظن هتبقى قريبه بشكل كبير و الله اعلم
تانى حاجه و مشكلتى انى حبيت الجوك جدا بصراحه و عامل الاستخاره و مرتاح لها ان شاء الله حتى الآن و ظبط الورق بتاعها بس للاسف هى مش موجوده عندى فى السويس فى اى معرض علشان اركبها بس بصراحه و شهاده حق هنا فى المنتدى من المواضيع المميزه اللى معموله عنها حسيت انى ركبتها قبل كده و معجب بيها جدا
و مشكلتى الوحيده موضوع ان الصالون ضيق شويه هى مش فارقه اوى معايا لانى معايا اطفال لسه صغيرين 4 سنين و سنتين لكن بتحصل كل فتره انى ممكن يسافر معايا والدى و والدتى فهل هتبقى صعبه جدا يعنى الصالون ضيق ضيق و لا عادى زى ايه من العربيات مثلا ؟
و تشرفت برد حضرتك احمد بيه