لو الينزين فى مية......ايه اللى يحصل

**yalahwy2010** · 17-07-2012 01:31 AM

المشاركة الأصلية كتبت بواسطة Mohamed_Nafie

إنت متأكد إنها Select Neutral مش Select Park ؟؟

آه....متأكد جدا.....لأنى عارف انها لو العربية مش دايرة.....وجيت أدورها والفتيس على ال P ....بتكتب select أو Put in Park
لكن اللى بيحصل ....انها بتروح مبطلة وانا ماشى عادى على ال D ........وبعدين ببص على الشاشة....ألاقى مكتوب select neutral
وبعدين بنقل الفتيس على ال P وبدور عادى....وبعد كدة بتدور
الغريب ان العربية مش بترعش ولا حاجة......بس بحس بتقل كدة لما بدوس بنزين.........ساعات وساعات
هو لو البنزين فى ميه........مصير المية دى ايه فى التنك؟؟؟
هل لازم أفضى التنك كله ....وبعد كدة أحط بنزين؟؟؟؟........ولا ايه؟؟؟؟

**MohammedAladel** · 17-07-2012 12:35 PM

حضرتك بتقول إنك وإنت ماشى العربية بتبطل تمام قوى يعنى هنا الموتور الإشعال توقف تماما وبالتالى العربية جابتلك إنك تختار وضع المور طبيعى جدا وبعدها تقف بالعربية وتختار ال p العربية تدور معاك يبقى هنا المشكلة تبقى فى المحرك لأنه بيبطل فى الأول وبعدين الرسالة تيجى

**yalahwy2010** · 17-07-2012 01:19 PM

المشاركة الأصلية كتبت بواسطة mohammedaladel

حضرتك بتقول إنك وإنت ماشى العربية بتبطل تمام قوى يعنى هنا الموتور الإشعال توقف تماما وبالتالى العربية جابتلك إنك تختار وضع المور طبيعى جدا وبعدها تقف بالعربية وتختار ال p العربية تدور معاك يبقى هنا المشكلة تبقى فى المحرك لأنه بيبطل فى الأول وبعدين الرسالة تيجى

صح كدة
عشان كدة أنا حاسس ان المشكلة فى البنزين.....والموضوع ده حصل بعد ما فولت بنزين علطول.....وعمر مال الموضوع ده حصل قبل كدة
بس انا عملت بيها مشوار تانى .......حوالى 20 كم........والحمد لله مافيش أى حاجة
وبكرة ان شاء الله هسافر بيها القاهرة.......وبعد كدة أبقى أحط بنزين من حتة تانية
وأشوف ايه اللى هيحصل
وربنا يسترها

**TARAXAN** · 17-07-2012 01:50 PM

يا اساتذة البنزين لا يختلط بالماء وعلشان كدة صعب الغش بية لان البنزين هيبقي فوق والطرمبة بع التفويل هتسحب مية علطول ومجرد ميخلص بنزين الطرمية مستحيل

تشتغل غير لما تفضي التانك
قليل من العقل يرحمكم الله

**TARAXAN** · 17-07-2012 01:54 PM

هو ممكن علي فكرة يكون مغشوش ويبوظ حاجة في العربية بس مش مية
ممكن زيت ممكن سولار ممكن 80. لكن مية لا

**Saeed-Taha** · 17-07-2012 02:14 PM

ياترى البطارية عند حضرتك تمام ؟

**MohammedAladel** · 17-07-2012 03:26 PM

أنا حصلت برضه معايا مشكلة بعدا ما فولت بنزين بس عن طريق جراكن المهم اللى حصل إن العربية قطعت ومكانتش بتسحب بس بعد فترة فتحت لوحدها ومعرفتش العيب فين بس أنا شكيت فى البنزين اللى حطيته خصوصا إنى فولت تانى ومليت التانك ع الآخر والعربية فتحت معايا ما تستهونش بمشاكل البنزين لو إنت موسوس قوى والعربية كل شوية تبطل ما تكسلش وفضى التانك بالكامل فى أى حاجة وفول من جديد وشوف الفرق

**MohammedAladel** · 17-07-2012 03:33 PM

المشاركة الأصلية كتبت بواسطة TARAXAN

يا اساتذة البنزين لا يختلط بالماء وعلشان كدة صعب الغش بية لان البنزين هيبقي فوق والطرمبة بع التفويل هتسحب مية علطول ومجرد ميخلص بنزين الطرمية مستحيل

تشتغل غير لما تفضي التانك
قليل من العقل يرحمكم الله

مش فاهم حاجة

**TARAXAN** · 17-07-2012 03:51 PM

ممكن اسالك بدون احراج شهادتك اية
يا سيدي الفاضل الكثافة النوعية الماء اعلي من البنزين ومش هيختلطوا فالبنزين هيبقي فنص التانك من فوق و الماء من تحت
علشان كدة بنستعمل الرغوة او البودرة لاطفا الحرائق البترولية

**MohammedAladel** · 17-07-2012 04:00 PM

المشاركة الأصلية كتبت بواسطة taraxan

ممكن اسالك بدون احراج شهادتك اية
يا سيدي الفاضل الكثافة النوعية الماء اعلي من البنزين ومش هيختلطوا فالبنزين هيبقي فنص التانك من فوق و الماء من تحت
علشان كدة بنستعمل الرغوة او البودرة لاطفا الحرائق البترولية

أنا طالب بكلية تجارة إنجليزى وأنا فاهم كويس إن البنزين كثافته غير الماء غير الزيت وإن فيه سائل هيطف وسائل هينزل بس مش فاهم اللى حضرتك بتشرحه على بعضه ممكن توضح طرمبة إيه ؟ أصل فيه طرمبتين طرمبة فى العربية وطرمبة فى البنزينة يعنى لما حضرتك تشرح حاجة توضحها أكتر من كدا