الموضوع: لو الينزين فى مية......ايه اللى يحصل

متابع

لو البنزين فيه مياه مايعملش العطل دة بس العطل دة ممكن يكون له اكتر من سبب منهم شدة سخونة زيت الهيدرولك في الفيتيس وعلي ما اعتقد دي الحالة هنا
اما اختلاط البنزين بالمياه وطبقا لنسبة الخلط (كمية البنزين نسبة الي المياة) دة بيشكل كارثة علي الموتور نظرا لان سخونة جدران الاسطوانات (السلندرات) بتعمل علي تبخر المياه ووجود بخار الماء بداخل غرف وشمايز الاسطوانات بيزيل طبقة الزيت الملاصقة لجدران السلندر وبتعمل علي زرجنة حركة البساتم وبالتالي كسر الشنابر والتواء اعمدة التوصيل (البيلات) بالاضافة الي كسر المكبس ايضا وفي بعض الحالات كسر عامود المرفق (الكرنك) ذاتة ..كذلك زيادة التاكل واتلاف صبابات العادم وكراسي الصبابات والدلايل عموما وبالتالي الاتلاف الكلي للمحرك وربنا يكفينا جميعا شر خلط البنزين بالمياة
كذلك وجود المياة في البنزين للسيارات ذوات دورات الحقن بيعمل علي اتلاف طلمبة البنزين والتصاق ابرة الرشاش بكرسيها وبالتالي التعطل التام لدورة الوقود
دي الاعراض البسيطة بس لوجود المياه بالبنزين..تحياتي

المشاركة الأصلية كتبت بواسطة yalahwy2010

طيب والله حصل ده تفسيره ايه
مع العلم انى لسة عامل صيانة ال 30000 كم....ولسة مغير طلمبة البنزين فى الضمان....عشان موضوع العوامة......بس طلمبة البنزين بقالها حوالى 4 أيام راكبة......ومافيش أى مشاكل ظهرت منها
بالعكس مشكلة العوامة راحت خلاص
والموضوع اللى حصل ده بعد ما فولت بنزين علطول......
لكن قبل كدة كانت العملية تمام التمام....ومافيش أى رجرجة .....ولا بحرق على الفتيس ولا النقلات خالص
أنا أخرى 120 على الطريق السريع......ومن غير حرق

اخبار زيت الفيتيس الهيدروليك عندك ايه وبقاله كام الف ولونة وريحتة شياط ولا عادي
موضوع الكود بتاع العطل اللي كتبتة بيخص الفيتيس وليس المحرك وبالتالي خد بالك من الفيتيس ويمكن العطل دة علشان حصل بعد ما فولت افتكرت انة الموتور لكن من مظهر العطل ممكن جدا الفيتيس يكون السبب وممكن يكون عطل عرضي نتيجة تهنيج مؤقت لكونترول الفيتيس او قراية غلط لحساس او انخفاض تيار البطارية لحظيا هو السبب و اتعمل عليه ريكفري ..ماتشغلش بالك اوي العربيات الجديدة جميله واعتماديتها عالية المهم ماحدش يلعب او يفتي فيها بس راجع علي زيت الهيدروليك لو بقاله فترة ليس الا واطمئن

اعمل زياره سريعه للتوكيل علشان تطمن

المشاركة الأصلية كتبت بواسطة land_cruiser

اعمل زياره سريعه للتوكيل علشان تطمن

سيدي الفاضل اي اختلاف في دورة الوقود لازم هتلاحظ رجة غير طبيعية في المحرك ولمبة التشيك هتنور او كود انجكشن فيلير ومالوش علاقة بتشانج تو نيوترال خالص وبالتالي المشكلة في الفيتيس ليس الا

لازم تروح التوكيل و تكشف على سبب العطل و حاول تلاقى بنزينة نضيفة تمون منها لان فى حالات الوساخة بتبوظ الطلمبة و مش بيرضوا يغيروها فى الضمان لانه مش عيب صناعة

متمونش من اى بنزينة و متسيبش العربية تحت الربع العربيات فرنساوى دى عربيات حساسة شوية و مبتصدق تزعل من اى حاجة