التقرير المصور لتنظيف البوابة وفصل السخن عن التكييف

**ahmedeg1** · 18-07-2012 01:17 PM

بالمناسبة كان عندي عضة في بداية الدوس على دواسة البنزين
كنت فاكر انها سلك البنزين عايز يتزيت وكل شوية اروح اقولهم زيتوا السلك
اتضح ان فيه مسمار بيتهوا في البوابة عشان يظبط قفلتها لانها بتبقى مش مقفولة كويس
بعد ظبطه بقى مجرد وضع القدم على دواسة البنزين بتتحرك وقبل كده كان فيه مقاومة في البداية وبعدين الرجل تتزحلق من على العضة دي وينداس جامد على البوابة بدون لازمة , مش عارف قادر افسرها ولا لأ
المهم انها راحت بتظبيط المسمار ده
كده احنا خلصنا تنظيف البوابة والايدل وباقي الموضوع المنتظر بمناسبة الصيف ورمضان
فصل التكييف السخن

مكان المسمار ده فين لانى انا عندى نفس مشكلى العضه دى

**ahmed_m_ashraf** · 18-07-2012 01:27 PM

أستاذ أحمد رمضان، ليه إستفسار بس، حضرتك تقصد إن بكرة درجة الحراره مبتزودش ولا تنقص الحراره إلا عن طريق خلط الهواء البارد بالسخن بس؟! أصل إللي أعرفو إن بفرض العربية مفهاش تكيف سخن أصلا لما بتقلل البروده عن طريق البكره دي التكيف بيفصل مده أطول والعكس لما تزود البروده التكيف بيفصل أقل عشان يبرد أكتر. الموضوع ده مش موجود في اللوجان؟ يعني هو التكيف في كل الأحوال بيفصل بتوقيت ثابت ومنتظم وبيعتمد بس على الهواء الساخن إللي كل لما بتدخل على منطقة الأحمر في بكرة الحراره بيزيد؟

ياترى فاهم قصدي ولا محتاج أوضح إستفساري؟ شكرا لحضرتك وخلي بالك من البرد بقى :)

**ahmed_m_ashraf** · 18-07-2012 01:34 PM

المشاركة الأصلية كتبت بواسطة ahmedeg1

من غير ولا مليم و فى التوكيل كمان

للأسف الظاهر إن حضرتك أخدت وش القفص يا أستاذ أحمد، لأن في عضو لسه سائل في المقطم قالوله ٢١٠ جنيه. يبدو إنهم لما لقو الناس مقبله على الموضوع إعتبروها تعديل بناء على رغبة العميل مش شكوى فردية تتعمل ببلاش وتعدي.

في إسكندرية بقى إحنا لا طايلين ده ولا ده :(

الله يخليكم إسم مهندس عمل الموضوع ده في التوكيل بالكامل وموقع عمله (البوسيشن الوظيفي) وفي أي فرع عشان أكلمه وأستفسر منه وأخليه يكلم حد في إسكندرية يفهمه الموضوع.

**BUNSH** · 18-07-2012 01:52 PM

جزاك الله كل خير ,, وربنا يباركلك فيها ,,
موضوع رائع :)

**YahiaAshraf** · 18-07-2012 02:01 PM

الكلام ده كبييييييييييييييييييييييي ييييير .. بس في سؤالين بقى

الأول : المركز ده تابع للتوكيل ولا مركز صيانة خارجي ؟
الثاني : هل باللي حضرتك عملتو ده تبقى خرجت من الضمان بتاع التوكيل ؟؟

تحياتى

**mostafamndy** · 18-07-2012 08:59 PM

تسلم ايدك يا دكتور أحمد ...
تقريرك مصور صوت وصورة ...
عندى سؤال هل الغاء السخن يأثر على تدوير العربية بمعنى انها هتأخد وقت أطول عند التدوير لزوم التسخين؟؟؟؟ ...

**WALEED9001** · 18-07-2012 09:05 PM

يا راجل اه الجمال والحلاوه ده انا والله عايز ابوسك اصلا انا بحب اعمل كل حاجه فى العربيه بايدى وبحب الميكانيكا وكان معايا سوزوكى سوفت وصحابى كان مسمينى عبكرينو عشان على طول مرمى فى الكابوت ...ما علينا بعد ما اشتريت اللوجان انا مش عارف انطلق بس بجد برافو عليك الموضوع جميل جدا بالنسبه لتنظيف البوابة اما للتكيف انا معايا لوجان بلاك لين 2012 والتكيف ثلاجه مش محتاج اى شى بس نفسى كل فتره تتحفنى بموضوع صيانه دوريه زى تغير تيل فرامل تغيير فلاتر سيور .....الخ وباذن الله ربنا هيكرمك

**drmagieed** · 18-07-2012 11:58 PM

المشاركة الأصلية كتبت بواسطة ahmedeg1

أسلوب رائع فى الشرح احييك عليه
و مبروك عليك العزل
بس ليا سؤال انتا فى الضمان و لا لأ لأن شغل عزل دورة المياه بيتعمل فى الضمان عادى
الحاجه التانيه ليه مخلعتش الخرطومين من صدر العربيه و وصلتهم ببعض هيبقا أسهل ليك لو حبيت ترجع السخن تانى
و مش هتلاقى فى إلتواءات أو غيره لأنك حططها على الوضع الطبيعى بتاعها زى الصوره دى

و خللى بالك انك لازم تقفل الماسورتين بتوع التكييف زى الصوره بالضبط علشان تحافظ سربنتينة السخن

و فى الأخر ألف مبروك على الحاجات الجميله دى كلها و حاول بعد كده توفر الفلوس دى لأن المبلغ كبير و ممكن تعمل كل حاجه انتا بنفسك و بإيدك
انا بنظف البوابه و الأيدل كل 5000 بنفسى و العمليه سهله جدا
الى الأمام دائما

أنا عملت الموضوع دة ووصلت الخرطومين إللي داخلين التابلوة في بعض وبتوع الماتور ببعض يعني خلف خلاف ... لكن بصراحة ما ضخيتش هوا علشان أنزل المياه إللي في سربنتينة السخن ... فهل ممكن تبوظ ... والموضوع إتكلف 25 جنية