بالقرص بتاعك ولا علي سرعة كام
انا حسبتها لقيتها على السريع بتعمل 11 وكسور بسيطة وفى داخل البلد لم تتعدى ال7 كيلو........فرق كبير بالطبع
فى سؤال تانى ازاى اعرف ان اسطوانة الدبرياج او الديسك محتاجين تغيير .؟ مع العلم ان العربية سحبها مش بطال لكن مؤخرا بحس برجرجة بتيجى فى العربية على الاول والتانى لكن مش دايما ...ايام وايام ...لدرجة انها ممكن تطفى منى على الاول لو مش محمل بنزين او دبرياج وفى سؤال تانى هو ممكن الاسطوانة تبوظ لوحدها والديسك سليم ؟ ولو الكلام ده صحيح هل يمكن تغير الاسطوانة بس او ملئها عند بتاع التيل ولا ده كلام فاضى ...انا بردو احيانا الغيارات بتعاكس معايا واحيانا لأ بردو ايام وايام وزيت الفتيس كويس ولسه كاشف عليه
بعد المرور على اكثر من ميكيانيكى ومقارنة الاراء حابب اقوللكم واخد رايكم
الموتور طلع فيه بخرة بتاكل زيت ومحتاج شنبر وفيه اسطوانة وديسك وانا نفسى وقفت منه...الافضل اعمر الموتور على ايدى واظبطة ولا الافضل ابيعة واجيب واحد جديد استيراد مع الاخذ فى الاعتبار الاستفادة الكفائية للموتر الجديد والتوفير....يعنى الافضل موتور استيراد محلش ولا موتور قديم متعمر دلوقت ...وبالمناسبة الشنبر وطقم الدبرياج يتكلفوا كامخامات ومصنعية....متتاخرش عليا فى الرد يا ممدوح او سبعاوى انا عارف زهقتكم
موتور استيراد ام عمرة (( اراء شخصية )) انتا وراحتك
طقم دبرياج اصلي ب 650 جم
طقم دبرياج فاليو كوري ب 450 جم
مصنعية من 100 الي 200 جم لطقم الدبرياج
طقم الشمبر اعتقد بالمصنعية يتكلف من 500 الي 700 جم
شكرا استاذ طارق على الافادة وسرعة الرد...واختيار هو انى اعمر موتورى اضمن واريح فى الترخيص
و انت واقف ارفع الهاند و عشق رابع و اطلع بالعربية اكنك مدى اولانى و طالع عادى... لو العربية بطلت فى ساعتها يبقى الدبرياج مش بيفوت... لو مبطلتش يبقى فيه تفويت و لازم تغير الطقم
فيه اعراض تانية لتلف مكونات الدبرياج زى الرجرجة و دى نتيجة ان الاسطوانة وحشة... تقل دواسة الدبرياج و صعوبة تعشيق الغيارات من اعراض تلف الدسك
كنصيحة يفضل تغيير المجموعة كاملة (اسطوانة و دسك و بلية و فورش) عشان كل المكونات تبقى جديدة و مفيش حاجة تسبب تلف حاجة تانية خصوصا ان التغيير قصة كبيرة و مكلفة من ناحية المصنعية
MMamdouh
كالعادة يا ممدوح جبت من الاخر....بارك الله فيك
بالمرة بقى عشان اختلفت اراء الميكانيكة عندى ان فى بخرة او مفيش...انا قرات فى المنتدى ان لازم يكون فى بخرة خفيفة فى اى موتور عشان تلم التراب على فلتر الهوا....ازاى اعرف ان انا عندى شنبر فعلا ولا لأ ...هو فى بخرة عندى بس انا شايفها خفيفة...العربية بتاكل زيت والمقياس بيقل كل اسبوع عن التانى ومفيش ترشيح لكن فى دخنه بيضا فى الشكمان فى الدوارة الصبح ...الزيت بنقص منين .؟المكنة عندى عاوزة شنبر ولا لأ؟