الموضوع: اسباب تاخير تسليم الصنى الجديدة .. واخبار عن بعض مميزات الفئة الاعلى الجديدة

فى ضغط رهيب على العربية .. ويمكن انا شوفت بنفسى وبعينى قايمة الحجز عند موزع معتمد .. وكانت وصلت الى 90 عربية والتسلليم حيكون فى شهر 10
وده موزع معتمد واحد .. ما بالكم باقين الموزعين

وفعلا زى ما قولنا التاخير ده فى مصلحة العملاء لان بسبب الكواليتى وبسبب التركيز على تجميع الدفعات الجديدة
وكمان بالنسبة للمعارض الخاصة .. فمش كلها عندها العربية .. واللى عنده العربية مش عنده كل الالوان .. وكمان اللى عنده دلوقتى ولما يبيع ويخلص الدفعات اللى عنده مش حيلاقى وحيقف فى الطابور هو كمان

وعلى فكرة الموزع المعتمد المحترم .. بيكون الاولوية عنده للعميل قبل المعرض .. لان لو سلم للمعارض على اساس الجشع وانه عايز يكسب .. ويقلب العملاء بتوعه .. حيتقدم فيه شكوى ويتسحب منه التوكيل ..

هو يا جماعة بس فى ضغط على الانتاج ..

وباذن الله على اول الشهور الجاية كمان يكون حددوا الاوبشانات اللى حتنزل .. حتى لو هما عملوا وجربوا اى عربية من اللى حيزيد فيها الاوبشن .. ممكن يلغوها تانى .. عادى

هما عايزين يحطوا اوبشن كويس بسعر كويس .. عشان هى دى نيسان .. فمش معقول حتفقد ميزة اتميزت بيها من فترة .. وكلنا تقبلناها على عيوب الشكل ... وهو ان السعر محترم مقابل ما تحصل عليه

هما فى دماغهم موضوع التكييف التاتش والفاميه وحاجات تانية كتير .. وربنا كريم .. اول ما نعرف حاجة اكيدة حنبلغكم ..

لان لازم نتكلم بالحاجة الاكيدة من مصدر معروف ومسئول مش من عامل بالداخل .. عشان فى الاخر احنا بنبى قرار الشراء على اى معلومة .. وزى ما قولت ممكن واحد يبيع عربيته عشان سمع خبر ومستنى .. وفى الاخر يستنى على الفاضى

وعشان كدا انا عملت الموضوع ده للنقاش فيه .. بدل ما الكلام يتنطور فى كل موضوع هنا وهنا

والقاشقاى فى دفعى قربت توصل الميناء .. وعقبال ما يتم الافراج عنها .. اكيد حندخل فى اواخر شهر 8
واللى حيستلم اعتقد اللى حاجز من 3 شهور فاتوا .. لان القاشقاى عليها ضغط

تحياتى

المشاركة الأصلية كتبت بواسطة shaddadfalcon1

يارب بس ميعملوش الأتي
ينزلو كام اوبشن صغيرين ويرفعو السعر 5 ولا 10 الالاف وساعتها الناس تفضل تشتري الموجوده دولوقتي وبعض الناس تبتدي تروح للآوبشنز الجديده
وشويه شويه ينزل فئه تالته فيها بقية الأوبشنز ويكونو باعو شويه من الأتنين الي قبلها

لا مش حيحطوا اوبشن واحد .. اطمن من النقطة دى .. حينزلوا شوية حاجات كويسة وبسعر معقول

المشاركة الأصلية كتبت بواسطة abu3aly

الحمد لله انى اتطمنت عليك يا أستاذ أحمد ، وحشتنا مشاركاتك ، وانا و اثق فى أخبارك وهاصبر مع اوتو ايجيبت و نيسان للنهاية ..... ان شاء الله تخلص على خير

تسلم يا حبى .. متقلقش .. اوتو ناس محترمين جدا .. بس عليهم ضغط هما وكل الموزعين المعتمدين
ويارب تستلم على خير
وعايزين نتعرف عليك فى اقرب فرصة بقا .. مالناش دعوة مش حنستنا لما تستلم