لو سمحت ياأستاذ nobody تبعت التوبيك بتاع تعديل الفرامل ورا من طاسات الى ديسكات وأكون شاكر ليك جداااااااا
تفضل اللينك http://mitsubishiforum.com/forum/showthread.php?t=27742
وده لينك صور عشان التوضيح
http://www.rcaz.com/rcaz/sub%20indexes/drum_to_disc/index.htm
h انا معالراى اللى بيقول نغير الماستر الخلفى لانى شايف ان التعديل ده سهل
متشكر جداا ياباشا تسلم ايدك بصراحه موضوع شيق حكاية تعديل الفرامل وزى ماتقول كده انا بتلكك على الفرامل الى فى عربيتى مع ان لسه جايبها زيرو من شهرين وعامله 2500 كيلو والفرامل كويسه جدا بس زى ماتقول كده باحوش فلوس عشان اجيب نظام فرامل للعربيه كلها وتبقى دسكات من شركة بريمبو Brembo
وشايف ان العربيه تستاهل وإن شاء الله قبل ماأنوى على شراء او تركيب اى حاجة لازم واكيد هاخد رأيكم الأول
وشكرا
باشمهندس mohamedway كنت قريت فى جملة حضرتك حاططها فى التوقيع عن
معالجه فرامل اللانسر بتركيب كاوتش Bridgestone TURANZA GR-80 وتيل أخضر SUMITOMO زى الى بينزل فى العربيه
ياريت لو حضرتك توضحلنا تجربتك
وياريت كمان تقولنا عرض الكاوتش كان 195 ولا 205؟
وهل نوعية الكاوتش ديه Silent ولا Super Silent ؟
وهل الكاوتش الأصلى الى بينزل فى العربيه كفائته مع الفرامل بتكون
لحد كام كيلو يعنى الكاوتش بيعمل كام كيلو والفرامل بتكون كويسه؟
وتقبل منى تحياتى
بصراحه الموضوع اكثر من رائع ويستاهل الرفع عشان ممكن حد يكون عنده الحل لمشكله
كبيره زى ديه بنعانى منها كلنا وبا ترى تنضيف السينسورس وراه ممكن يحل المشكله
والله نفس الكلام بزبط ... ونفس موديل العربية وعربيتي خليجي 1600 سي سي
أول لما جيبت العربية الفرامل تحفة ... بعد كدة بقيت زي الزفت ... والعربية بتزحلق لأتفه الأسباب ... بس أنا كنت عارف إن الكاوتش زفت ... فاقلت لما أغيره أشوف
وفعلا حتة الحدف ديه إبتديت ألاحظها ... أعتقد إن الطنابير مش مزبوطة ...
وسألت برضه على سحب الهوا في التوكيل ... وكأني غلط فيهم ... لا يافندم ... مافيش حاجة إسمها كدة والكلام ده !
بس لما روحت الرواس قلتله عايز أظبط الفرامل ... قام شدلي فرامل اليد ... لاحظت إن الفرامل أتحسنت وبقى الخلوص إللي كان موجود قل أوي ... وبقيت لما ألمس الفرامل العربية تقف ... إتبسطت لمدة إسبوع وبعد كدة رجعت زي الأول !
بس بقى يا باشا ... انا حقولك أخر التطورات مع الفرامل بتاعتى ...
انا اشتريت طنابير جديدة أصلى ... صحيح هى من السعودية بس نفس اللى بتتباع فى مصر ..
وكمان جبت التيل من السعودية ب 250 جنية ..
وروحت على الميكانيكى بتاعى عشان انا التوكيل فى نظرى مش بيفهموا خالص " دا اللى فى اسكندرية " ..
1- زود زيت الفرامل عشان كان ناقص
2- سحب الهوا من الفرامل " واللى حتحس بسببها ان بدال الفرامل بقى اجمد ومفيهوش المسافة اللى تدوسها وتحس انك مدوستش فرامل اساسا .
3-عمل رجلاش للفرامل " اللى فى التوكيل كانوا بيقولوا ان ده غلط " وممكن يخلى العربية تلف لو دوست فرامل .
4-ركب التيل والطنابير الجداد .
النتيجة كانت تغيير شامل فى قوة الفرامل ... صحيح مش جامد لدرجة الرينو مثلا " عشان فراملها رهيبة " ... بس بقى احسن من الأول بكتير ...
وبالمناسبة أوعى تشترى تيل AK من التوكيل ... يا تجيب sumitomo يا اما بلاش .. عشان دا تيل معفن وبيبوظ الطنابير ...
وفى اعضاء كان قالوا على طنابير ال brembo انها احسن من الطنابير الأصلى
وهناك استاذ mohamedway قال ان الحل فى كاوتش bridgestone GR-80 & sumitomo
فا حضرتك ممكن تعمل كولكشن من كله ..
يعنى تيل + طنابير + كاوتش + رجلاش + سحب هوا