الموضوع: استفسارات بخصوص النيو صنى

انا مش حقدر افيدك اوى بس حقولك على انا اعرفه
بانسبه للانذار انا معرفش فيها ولا لا,بس اكيد ينفع يركب لها
بالنسبه لصوت التزييقه اعتقد دا علشان العربيه لسه جديده فالفرامل لسه مطبعتش فاحيانا تعمل كده او تعمل صوت صفاره.
بالنسبه للتكيف هو الافضل يشتغل بعد 500كم على الاقل علشان تليين العربيه الصحيح ولكن فيه ناس بتشغله علطول.
والله اعلم

التكييف ميشتغلش الا بعد ال 1000 كم ومتسمعش كلام حد يقول غير كده

المشاركة الأصلية كتبت بواسطة ahmedpjt

كان عندى شوية استفسارات خاصة بالصنى الجديدة :
١- هل العربية فيها انذار اللى هو لو حد خبطها لو راكنة يطلع صوت عالى و لو لا ينفع يركبلها ؟
٢- كنت ركنت العربية اسبوع و اول مشوار بعد الركنة كان فى صوت زى تزييقه مكتومة كده لما وقف العربية بالفرامل ( الفرامل تعمل بكفاءة) و نفس الصوت لما ابدا ادوس على بدال البنزين مع العلم ان التهدية بالفرامل مبتعملش الصوت ده
٣- فى صوت تكه لما ادوس على الفرامل و هيا واقفه اخويا بيقولى ده صوت سويتش الفوانيس اللى بتنور مع دوسة الفرامل ده صحيح و لا فيه حاجة مش مظبوطة ؟
٤- شغلت التكييف بعد ٢٠٠ كيلو تقريبا عشان الجو لا يطاق هل فى خطورة على الموتور ؟؟ و لا مشغلوش تانى الا بعد ال ١٠٠٠ ؟
٥- سحب العربية بعد ركنة الاسبوع كان ضعيف شوية بس بعد ما سخنت و مشينا بيها بتاع ٥ كيلو السحب اتظبط ده طبيعى ؟؟
مع العلم ديه اول عربية اشتريها عشان كده ممكن الاسئلة تبان بدائية شوية للاعضاء المحترفين و شكرا على الردود مسبقاً

انا هرد عليك فى كام حاجة بس والباقى انا متابع لأنى برضة زيك عايز أعرف الصراحة
2-صوت تزييق الفرامل ممكن يكون بسبب ان التيل لسه ماطبعش على الطنابير بتاعة العجل
3- صوت التكه ده أعتقد انه بتاع ال اى بى دى أو ال اى بى اس وياريت لو غلطان حد يصححلى
4- مفيش حاجة رسمى فى الكتالوج بتقول انك ماتشغلش التكييف الا بعد 1000 أو 500 كيلو حتى بس دا أعتقد زيادة أمان مننا وخلاص و أنا كان عندى بيكانتو قبل كده زيرو وشغلت التكييف و انا طالع من المعرض و مكانش فى أى مشكله
5- أعتقد ممكن تحكم على سحب العربية بعد صيانة ال 1000 كيلو

و انت فى الصيانة اسأل على كل الى انت شايفة فى العربية وياريت تنقلنا خبراتك والف مبروك

المشاركة الأصلية كتبت بواسطة saint2011

التكييف ميشتغلش الا بعد ال 1000 كم ومتسمعش كلام حد يقول غير كده

ممكن نعرف يا باشا اكلام ده موجود فى الكتالوج ولا لأ؟

و لو مش موجود ايه سند حضرتك فى أن التكييف ما يشتغلش الا بعد 1000 كيلو؟

قصدى المفروض ان احنا فى 2012 وشركات السيارات مش ممكن تكون بتنزل عربيات زيرو وتعذب العميل لمدة 1000 كيلو بدون تشغيل التكييف ودى مش أى شركة دى نيسان

السلام عليكم اولا مبروك عليك العربية وربنا يكفيك شرها ويكفينى شر عربيتى باردو انا دى اول مرة اركب زيرو اوتوماتيك لان خبرتى فقط فى 131 بس هقولك اللى انا عرفه من غير اى افاتئات

انا الحمدلله عملت صيانة الالف
بالنسبة للانذار انا سالت عليه قالى المهندس اللى كنت معاه انه 1250 انذار ايطالى بس الحاجة اللى عجبتنى دا
كلامه مش كلام ان يتم توليف الانذار على المفتاح اللى فى الريموت يعنى مش هنشيل مفتاح زيادة

اما صوت الفرامل انت تقريبا زى ولما سالته عند التزييقة اللى بتبقى موجودة وانا برفع رجلى من على الفرامل والفتيس على d ده لان الطنبورة بتتحرك والفرامل لسه ملمسه فقالى المهندس لو رفعت رجلك بسرعه الصوت يختفى بس انا طبعا برفع رجلى سنه سنه لما بتكون فى حاجة قدامى وقالى باردو ان الصفارة اللى بتبان وانت بتوقف دا صوت ال abs الصوت ده ما كنش عندى قبل ما اعمل صيانة الالف ولاقيته بعد ما مشيت بس بصراحة حسيت ان اداء الفرامل احسن ودائما لما تعما فرامل اى تركب تيل جديد الادء بيبقى احسن مع الوقت حيث يتم تطبيع الفرامل مع الطنابير واكيد اكمن العربية جديدة وتيلها جديد فالاداء يتحسن بعد كدة ودا هتلاحظه بعد صيانة الالف

التكه اللى بقول عليها وانت دايس فرامل دى انا بلاحظها عندى عندما يكون الفتيس على الوضع p وادوس فرامل الاحظ تكه انا اعتقد انها ممكن تكون تكه فتح lock للزرار الكبير اللى فى عصاية الفتيس لان الصوت بيكون قريب منها .لانك لو حاولت تدوس بايديك على هذا الزرار والفتيس فى وضع p هتلاقى الزرار ما بيدخلش للأخر الا لما تدوس فرامل

بالنسبة للتكييف انا شغلته بعد الالف ومازودتش عداد rpm عن 2500 tفى فترة التليين انا كنت زيك محتار البعض قالى يا عم شغل والبعض قالى لا بعد 500 كم والبعض قالى بعد 1000 انا اتصلت بيه وقتها وقالولى يفضل انك ماتشغلوش الا بعد الالف وماتزودتش rpm عن 3000 اانا معاك الجو لايطاق وخصوصا احنا دخلنا فى رمضان بس انا حبيت العب على المضمون علشان كده انا حاولت انجز فى موضوع الالف والحمدلله تم

مش فاهم موضوع الانذار دا, هو مفيش غير الانذار الايطالي دا اللي ينفع؟ ما هو فيه أنواع كتير وأرخص من كدة, يا ريت حد يوضح الموضوع دا

المشاركة الأصلية كتبت بواسطة engamin

السلام عليكم اولا مبروك عليك العربية وربنا يكفيك شرها ويكفينى شر عربيتى باردو انا دى اول مرة اركب زيرو اوتوماتيك لان خبرتى فقط فى 131 بس هقولك اللى انا عرفه من غير اى افاتئات

انا الحمدلله عملت صيانة الالف
بالنسبة للانذار انا سالت عليه قالى المهندس اللى كنت معاه انه 1250 انذار ايطالى بس الحاجة اللى عجبتنى دا
كلامه مش كلام ان يتم توليف الانذار على المفتاح اللى فى الريموت يعنى مش هنشيل مفتاح زيادة

اما صوت الفرامل انت تقريبا زى ولما سالته عند التزييقة اللى بتبقى موجودة وانا برفع رجلى من على الفرامل والفتيس على d ده لان الطنبورة بتتحرك والفرامل لسه ملمسه فقالى المهندس لو رفعت رجلك بسرعه الصوت يختفى بس انا طبعا برفع رجلى سنه سنه لما بتكون فى حاجة قدامى وقالى باردو ان الصفارة اللى بتبان وانت بتوقف دا صوت ال abs الصوت ده ما كنش عندى قبل ما اعمل صيانة الالف ولاقيته بعد ما مشيت بس بصراحة حسيت ان اداء الفرامل احسن ودائما لما تعما فرامل اى تركب تيل جديد الادء بيبقى احسن مع الوقت حيث يتم تطبيع الفرامل مع الطنابير واكيد اكمن العربية جديدة وتيلها جديد فالاداء يتحسن بعد كدة ودا هتلاحظه بعد صيانة الالف

التكه اللى بقول عليها وانت دايس فرامل دى انا بلاحظها عندى عندما يكون الفتيس على الوضع p وادوس فرامل الاحظ تكه انا اعتقد انها ممكن تكون تكه فتح lock للزرار الكبير اللى فى عصاية الفتيس لان الصوت بيكون قريب منها .لانك لو حاولت تدوس بايديك على هذا الزرار والفتيس فى وضع p هتلاقى الزرار ما بيدخلش للأخر الا لما تدوس فرامل

بالنسبة للتكييف انا شغلته بعد الالف ومازودتش عداد rpm عن 2500 tفى فترة التليين انا كنت زيك محتار البعض قالى يا عم شغل والبعض قالى لا بعد 500 كم والبعض قالى بعد 1000 انا اتصلت بيه وقتها وقالولى يفضل انك ماتشغلوش الا بعد الالف وماتزودتش rpm عن 3000 اانا معاك الجو لايطاق وخصوصا احنا دخلنا فى رمضان بس انا حبيت العب على المضمون علشان كده انا حاولت انجز فى موضوع الالف والحمدلله تم

ممكن يا باشا تقولنا اتكلفت كام صيانة الألف؟؟ ومفيش أى حل للأنذار غير الايطالى ده؟؟ وياترى كان معاك الضمان ولا لأ لأنى لما استلمت العربية قالولى الضمان هتستلمه من توكيل أبو رواش بعد ما تعمل صيانة الالف فهل الكلام ده صحيح ولا ايه