تركيب فرامل خلفى للشاهين

**kamal_adly** · 18-07-2012 02:23 PM

و انا ماشى فجأة سمعت صوت زى ( حديد بياكل فى بعضه ) و احتكاك شديد من تحت العربية ,رحت على طول للميكانيكى قالى دا التيل اللى ورا لازم يتغير.

اشتريت التيل نوع ترنتى بسبعين جنيه و تركيبه كلف 40 جنيه !! مش عارف كده غالى ولا ايه مع انى كنت مركب التيل الامامى 20 جنيه عند نفس الميكانيكى.

كان فى سوستة مكسورة و هى اللى كانت السبب فى الصوت الرهيب.

**şahin1993** · 18-07-2012 03:55 PM

ع فكرة تيل قدام غير تيل ورا خالص ف الشاهين مختلفين خالص وبالنسبه للسعر انا معرفش يمكن حد من الاعضاء يفيدك

**lad** · 21-07-2012 12:55 PM

غالى حبة بسيطة

**misoalex** · 22-07-2012 06:08 AM

ايوه التيل اللى ورا عشان قباقيب فبيبقى غالى ولو كنت عاوز حاجه رخيصه كنت املاه ب 25 او 30 جنيه
لكن الافضل تغيره طبعا وهو مش زى التيل اللى ادام خالص لا فى الشكل ولا الخامه ولا الاستعمال والعمر الافتراضى

ده فيه تيول فى الفيات اغلى من كده كمان

**romieh** · 22-07-2012 09:01 AM

لا ان شاء الله مش غالى ولا حاجة

التيل الورا فى الشاهين بيبقى طنابير وده محتلف عن الامامى اللى هو ديسكات

الامامى بيبقى تغيير التيل فيه سهل لانه بيشيل التيل القديم ويحط الجديد ويقفل على كده وخلاص

اما اللى ورا فهو بيفك القاعدة بتاعة التيل وبيفك من عليها التيل القديم ويركب عليها التيل الجديد وبعدين يركب القاعدة ويركب الطنبورة ويقعد يرجلش الفرامل لحد لما تظبط - بإختصار موال شوية وعادة بتكون مصاريف تركيبها ازيد من الجديدة

ملحوظة: احتمال لما تمشى بالعربية شوية هتلاقى دواسة الفرامل وطيت شوية علشان التيل بيطبع على الطنابير

لما الدواسة توطى ابقى ارجع للميكانيكى يرجلشلك الفرامل تانى

**x100** · 22-07-2012 01:44 PM

المشاركة الأصلية كتبت بواسطة kamal_adly

و انا ماشى فجأة سمعت صوت زى ( حديد بياكل فى بعضه ) و احتكاك شديد من تحت العربية ,رحت على طول للميكانيكى قالى دا التيل اللى ورا لازم يتغير.

اشتريت التيل نوع ترنتى بسبعين جنيه و تركيبه كلف 40 جنيه !! مش عارف كده غالى ولا ايه مع انى كنت مركب التيل الامامى 20 جنيه عند نفس الميكانيكى.

كان فى سوستة مكسورة و هى اللى كانت السبب فى الصوت الرهيب.

عزيزي كمال ادعوك الى زياره صفحه رابكه مالكى شاهين ودوجان فى قسم رابطات فيات لتفيد وتستفيد من زملائك مالكى السياره ورمضان كريم