تجربتي الغامضه في تغيير الزيت في البرقان

**macdiv** · 18-07-2012 03:26 PM

روحت من شهريين اغير زيت لللنيا التربو عندهم و كنت واخد زيت هاي تيك لوكومولي 5-40 ..اديت لمهندسه الاستقبال الجركن و قلتلها غيريلي الفلتر من عندك و خدي بالك الجركن ده ٥ لتر مش ٤ زي بتاع موبيل ون و قولي للفني يحط منه ٣ لتر بس و يسبلي ٢ لتر عند العلامه ديه وورتهلها ...خلصت الشغلانه و نزلت العربيه من على الكريك و قلي الفني افتح الشنطه قمت فتحتهاله و رمالي الجركن في الشنطه ..لقيت الجركن بيطيير ..قلتله هو انته سبتلي اد ايه فيه ؟ قلي ربع كيلو قلتله هو انته اول مره تغيير لللينيا زيت قلي لا طبعا ..المهم زعقت و جات المهندسه و قلتلي معلش مخدش باله و رفعوا العربيه تاني و سقطولي ٢ لتر في الجركن ...
جيت انا من يوميين اغير عندهم زيت تاني و جبتله جركن جديد ا كيلو + الجركن القديم بتاعي اللي فيه ٢ كيلو ...المهم فوجات ان المهندس بيقولي انت متاكد ان انت عايز تحط زيت مستعمل و قديم وو سخ في عربيك الزيرو ديه !!!!!! قلتله لا ده جديييد من المره اللي فاتت .....و طبعا حطيطه لان مكنشي معايا ٣٠٠ جنيه اجيب زيت جديد من عندهم بالاضافه ان معندهمشي ليوكومولي .... يا ترى حد فهم حاجه من البوست ؟؟ ياتري ازاي الجركن بتاعي بقى فيه زيت قديم !!
يا ترى حد فهم حاجه من البوست ؟؟
تفسيري يا اما انا اتسرقت من المره اللي فاتت و متحطليش زيتي الجديد كله و الدليل وجود زيت وسخ في جركني الجديد .... يااماالزيت اتوسخ اما الفني فتح الطبه و نزلي الزيت الزياده في الجركن تاني ... المحصله واحده اني مبقاش في ضمير ولا امان و مش معقول ابقى راجل مهندس كبير و اقف تحت بيتي و اجيب طشت عشان اغير زيت عربيتي

**mohmdomar** · 18-07-2012 03:42 PM

دا مركز ازبل من الزبالة اساسا, احسنلك تغير الزيت عند اي حد بتاع زيوت

**assaf** · 18-07-2012 04:16 PM

كدا المركز حط لك في الجركن زيت قديم
انت قولت عايز 2 لتر هو جاب اي 2 لتر المم يبسط الزبون

**DarkMagician** · 18-07-2012 04:17 PM

شم ريحت الزيت وانت تعرف اذا كان قديم ومستعمل واتحطلك ولا جديد واخد لون م الوساخة اللي المكنة بس

**ahmedelfeky** · 18-07-2012 04:54 PM

الناس بقى موضوع الضمير مشكله يتعبو لو اشتغلو بضمير والموضوع سهل وبسيط انت قلتله يحط قد ايه عادى لو المهندسه دى اهتمت بالكلام و اشتغلت بضمير هيا والفنى كان حيحصل ايه ؟

**macdiv** · 18-07-2012 05:16 PM

المشاركة الأصلية كتبت بواسطة assaf

كدا المركز حط لك في الجركن زيت قديم

انت قولت عايز 2 لتر هو جاب اي 2 لتر المم يبسط الزبون

لا هوه سقطه من الكرتيره ادامي ..بس كده ده معناه انه ممكن يكون من الاول محطليش في العربيه زيت جديد من لجركن بتاعي ،،،حط جزء من عندي و جزء من عنده ..و برده ان بعض الظن اثم ..لاني للاسف مشفتهوش بعيني