الموضوع: كيف اشتري عربية عليها اقساط

انصحك بالأتى:

1 - المبلغ اللى هيدفعه لكونتاكت علشان يفك حظر البيع يكتبلك بيه وصل امانة قبل ما تدفع
2 - بعد ما ياخد جواب المرور، تروحوا يغير الرخصة و يشيل حظر البيع، المصاريف المفروض تبقى عليه
3 - يستلم الرخصة، تكتبوا عقد و يعملك توكيل بالبيع، تديله باقى الفلوس ووصل الأمانة و تستلم عربيتك.

أخي العزيز خلي معاك محامي 100 جنيه ويخلص شغلك وأنته مطمئن وبلاش الفتاوي إللي بنسمعها والمصاريف علي المشتري أنا لسه بايع عربيتي من شهريين في الشيخ زايد المشتري دفع المصاريف بس كنا متفقين قبل البيع المصاريف بتاعت الشهر العقاري والمرور لما يسجل علي مين

المشاركة الأصلية كتبت بواسطة عقاري الصوابر

أخي العزيز خلي معاك محامي 100 جنيه ويخلص شغلك وأنته مطمئن وبلاش الفتاوي إللي بنسمعها والمصاريف علي المشتري أنا لسه بايع عربيتي من شهريين في الشيخ زايد المشتري دفع المصاريف بس كنا متفقين قبل البيع المصاريف بتاعت الشهر العقاري والمرور لما يسجل علي مين

من غير فتاوى ولا حكاوى، المصاريف اللى انا باتكلم عليها هى مصاريف تجديد الرخصة و رفع حظر البيع من عليها، علشان دى مسؤلية اللى عاوز يبيع عربية عليها اقساط و حظر، اما مصاريف الشهر العقارى و نقل الملكية فى المرور فدى طبيعى على المشترى.

من غير فتاوى و عن تجارب كتير.

رمضان كريم.

الأخ إللي عاوز تشتري العربيه إللي عليها أقساط وحظر زي ماقولتلك سيبك من الإفتاءة والتجارب دي شوف لك واحد من شركة العربيه دي إللي كان بيدفعلها الأقساط من المخلصين في المرور وأسأل علي كل حاجه وقوله هديك الحلاوه لأن الفتاوي دي ممكن تدفعك مبلغ محترم وقبل أن تعمل حاجه أستشير لأن عندنا ناس فطاحل في الكلام علي الفاضي طبعا مع إحترامي لكل الأعضاء دي وجهة نظر لدي لأن في مجتمعنا ناس بس بوق علي الفاضي ياما يودوك وراء الشمس وأسأل عنهم وممكن يكونوا من أهلك مع الأحترام خذ بالك

المشاركة الأصلية كتبت بواسطة عقاري الصوابر

الأخ إللي عاوز تشتري العربيه إللي عليها أقساط وحظر زي ماقولتلك سيبك من الإفتاءة والتجارب دي شوف لك واحد من شركة العربيه دي إللي كان بيدفعلها الأقساط من المخلصين في المرور وأسأل علي كل حاجه وقوله هديك الحلاوه لأن الفتاوي دي ممكن تدفعك مبلغ محترم وقبل أن تعمل حاجه أستشير لأن عندنا ناس فطاحل في الكلام علي الفاضي طبعا مع إحترامي لكل الأعضاء دي وجهة نظر لدي لأن في مجتمعنا ناس بس بوق علي الفاضي ياما يودوك وراء الشمس وأسأل عنهم وممكن يكونوا من أهلك مع الأحترام خذ بالك

احترام ايه بقى اللى بتتكلم عليه؟

عمال تغلط و تقول ناس بتفتى و ناس بق على الفاضى و ناس فطاحل فى الكلام

و بعدين ترجع تقول مع احترامك لكل الأعضاء؟

فين الاحترام فى اسلوب كلامك و الفاظك؟

بالنسبة للموضوع نفسه ....... أنا معنديش أدنى معلومات عن كيفية نقل ملكية عربية عليها أقساط .
==============

الأستاذ حسام دخل قال رأيه بطريقة محترمة جدا .
و لكن الأستاذ عقاري الصوابر ........ دخل قال نصيحة و لكن بتوجيه كلام مش ظريف للأستاذ حسام و لكن باطنيا .

يا أستاذ عقاري ...... قول نصيحتك من غير ما توجه كلام غير مناسب و غير لائق للناس خصوصا أني شايف أن كلام الأستاذ حسام مناسب (أنا معرفش أيه الاجراءات ....... بس بصراحة كلامك مستفذ حتى لو صحيح .)

رمضان كريم على الجميع