الموضوع: حدث في سيرفس سنتر المعادى ( تجربتى في الكشف على فيرنا مستعملة ) والدروس المستفادة

المشاركة الأصلية كتبت بواسطة ahmedsamir5edr

في اعلان عن فيرنا موف ٢٠٠٧ في المنتدي هنا .. ممكن هيا هيا

لالا مش هيا

ده اللى انا كنت خايف منه ، يا جماعة مش عاايزين تخمينات او ايحاءات تأذى اي حد مالوش ذنب


اللى اتفرجت عليها كان عدادها 59 الف

وكانت راشة برة وبسعر اقل من اللى معروضة هنا في المنتدى واللى معروضة هنا فبريكة جوة وبرة حسب الوصف وانا رديت في موضوعه بعد ما شفت التانية وقلتله يقوللى اخرها كام ..

المشاركة الأصلية كتبت بواسطة ahmad--ezzat

طيب وايه رد فعلا الراجل صاحب العربيه بقى ؟؟؟؟؟؟؟؟؟؟؟؟؟؟

كان باين عليه انه مصدوم هو كمان !
والصراحة ماعرفتش احدد ايه الحاجات اللى كان عارفها والحااجات اللى اول مرة يعرفها
بس اعتقد والله اعلم موضوع الموتور وانه متغير ومش بتاعها ، اعتقد انه كان عارفها او على الاقل حد من اصحابه اكتشفها وقال له عليها (انا نفسى لو كنت اختبرت العربية لفترة ازيد خمس دقايق كنت هاخد بالى )

وممكن يكون ده سبب البيع وكمان الفتيس كان شكله عارف مشكلة الزيت اللى فيه وقال اويلسيهات بس مكانش قاللى ف الاول ، انما خبطات الشاسيه والدواخل دى اللى ممكن ماكنش يعرفها

انا لسة مش خبرة اوى في الشراء وتجربة الكشف في التوكيل جديدة عليا فكنت عمال اخد الصدمة وخلاص هههههههه
حتى ما عرفتش اتكلم مع صاحب العربية اوى بعدها

بقول له امال انت لما اشتريتها ما كشفتش عليها ولا ايه

قاللى كشفت في بنزينة و بيكشفوا شاسيه ودواخل وعفشة و بيحطوا جهاز في العادم يعرفوا بيه كفاءة الموتور هههههههههههههههههههههههه
طبعا هو لما قال كدة انا قلت يا حلاااااااوة

وطبعا ما طولتش معاه ف الكلام اكتر من كدة وخليته يوصلنى لحد المترو اهو نطلع بأي حاجة بقى هههههههه

الكشف فى التوكيل للموديلات القريبه افضل بكتير مره حصلت معايا عربيه شكلها مش متهان بس فى القايم حاجه غريبه فقولت التوكيل افضل كانت مشكلتها عايزه علبه دركسيون واربع مساعدين عادى جدا عشان دى عربيه مستعمله بس كانت مقلوبه وده كان هيقرفنى لو جيت ابعها فأعتذرت لصاحبها على عطلته معايا وطبيعى انى ادفع فلوس الكشف عشان انا اللى عايز يعرف حاله العربيه

ده شغل تجار عربيات على فكرة
كنت بتكلم مع واحد وبيقولي بيجيبوا العربية عاملة حادثة ويظبطوها ويبيعوها
بقوله طب حرام عليهم لقيته مقتنع بالكلام ده فقولت ده بني ادم جاهل هكلمه ازاي
طبعا ده غش وسرقة وللاسف منتشر في المستعمل والحرامية اللي بيعملوا كده
فاكرينها شطارة انك تظبط عربية ومش تبان عيوبها فتتباع ويقول وهو الزبون هيعرف منين
انا تجربتي برضه مع المستعمل تلخيصها انه مش يغرك شكل العربية ابدا
غرني شكل العربية برضه وجبت واحد فاهم بص عليها طلع عيوب منها ونزلت في تمنها
وحاجه تانية مهمة مش يغرك شكل صاحب العربية ومش تصدقه فولا كلمة بيقولها
البائع اللي اشتريت منه كان شغال في بنك ومنصب كبير ومع ذلك كان بيكذب علي في اسئلة
كنت بسألها له عشان بس يبيع