هل يمكن تصليح ديسك دبرياج

**aboomar22** · 21-07-2012 02:31 PM

كان عندى مشكلة فى العربية انها بترج فى الغيار التانى وبتعمل صوت بينتهى مع الضغط على الدبرياج المهم الميكانيكى قالى دى اسطوانة غيرت الاسطوانة مشيت كام يوم كويس وبقت الرجة فى الطلعة فى الاول والثانى وبعد اسبوع مبقاش فيه سحب وصوت الموتور بينحر الميكانيكى قالى ده كده ديسك قلت ماشى اغير ديسك واسطوانة وبلية المشكلة المشكلة ان العربية بيجو 305 ومالهاش ديسك جديد الميكانيكى قالى الاستيراد موجود بس لو فيه مشكلة مش هتبان اللى بعد مايركب فنرجع نفك تانى قالى التصليح احسن لان اللى بيصلحوا بيجربوا وبيجرب الريش بتاعته بصراحة مش عارف اعمل ايه هل فعلا فيه حد بيصلح ديسكات وفين حد كويس لو فيه ولا اجيب استيراد انا وحظى طيب اجيب ديسك واسطوانة استيراد وبيبقة مربوطين مع بعض ولا اجيب دسطوانة جديدة معلش دوشتكم لكم انتم دايما اللى بتدونى النصيحة وكل عام وانتم بخير

**chiko** · 22-07-2012 05:20 PM

لا . . مبيتصحلش .. هتلقي ناس بتقولك انا بصلحه ...لكن عمره ما هيشتغل كويس .. و بعدين هو سعر تصليحه قريب من تمنه

**aboomar22** · 23-07-2012 06:01 PM

شكرا جزيلا لحضرتك هو الفكرة مش فى السعر لان مفيش منه جديد وانا بس كنت مقلق من الاستيراد ان بعد التركيب يطلع وحش اضطر افكه تانى واغيره

**chiko** · 23-07-2012 07:34 PM

مين قالك مفيش جديد ... لا هتلقيه جديد .. نادر ايوه .. لكن لو لفيت لفه حلوه هتلقيه ..

**fvks** · 27-07-2012 05:33 AM

انت اشتريت اسطوانة جديدة صح ؟
بص حاول تملي الاسطوانة القديمة وركبها وانت فاكك خلي الميكانكي يبوص علي البلية لو خشنة ديها شحم حراري . ويبوص علي الديسك علشان الديسك الحالة الوحيده البتبوظ فيه الريش وديه بتبوظ لو البلية باظت نهائيا علشان البلية هي البتاثر علي حركة الديسك .وبيوص علي حالة الفورش بالمرة .لو الريش بيظه عليك وعلي الاستيراد وروح لواحد مضمون . ونصيحة روح عند ميكانيكي خاص بالبيجو وديه نصيحة من واحد متخصص في نوع واحد بس . لو في حالة البلية سليمة والديسك سليم ابقي ركب الاسطوانة القديمة الي ركبتلها تيل جديد وجرب الفصل علي المارشدير علشان المارشدير هو الي بيحدد اكتر التعلية الدبرياج او توتيطة. وروح عند واحد متخصص