انا ماجربتش اجري مع النترا 2012 لغاية دلوقتي بس الفرق مش هيبقى كبير.
ومعلش انا ممكن اجيبلك جيتز تقطعلك اي عربيه نفسك فيها. او ممكن نجيبلك فيرنا تقطعلك السيفيك ههههههه
بس بالنسبه للعفشه هي مش ضايعه للدرجه. انا بالنسبه لي بعمل بيها الي انا عاوزه سواء غرز قطم او ملفات على سرعات عاليه (190 على ملفات الصحراوي) بس مابحسش ان العربيه مكلبشه . هو مجرد احساس مش اكتر. وبالنسبه للفرامل انا شايف انها مرضيه بس مش رهيبه. يعني تقضي الحال وماعملش حوادث :))) خاصة مع كاوتش نضيف مش كوري. بس زي ما بقولك هيوصلوا للعفشه الكويسه قريبا وساعتها هيبقى سعر الكوري نفس سعر الياباني والناس هتشتري الكوري :))) امال انت فاكر سعر الكوري رخيص ليه ؟
الفيرنا دي يا كبير موقوفه من 2004 سيبك من غبور. بس برضه يؤخذ على الشركه الام انها تضحي بسمعتها عشان خاطر تكسب (نقطه ليك ياعم سمسم عشان تعرف اننا حقانيين)
نقطه اخيره.. انا عاوز اقولك اني مره وحيده شديت مع سيفيك الجيل التامن وبصراحه سديت معاه جامد في التسارع والغرز . بس الي استغربته ان اول مره كبسنا بنزين انا كنت بحصله وكنت خلاص بعديه الا ان الحاره بتاعتي قفلت وهديت. وكنا على طريق الاسماعيليه الساعه 8 ونص الصبح. الراجل لما اتخنق مني اني لازق فيه من ورا بقى ياخد غرز وينزل في الرمل عشان يخلص مني :))
بعد تجربة الشد دي اكتشفت اني مش لازم ادفع 70 الف جنيه زياده عشان الفرق البسيط ده :)
المفضلات